བོད་ལྗོངས་ལྷོ་ཁ་ས་ཁུལ་སྨིན་གྲོལ་གླིང་དགོན་པར་རླུང་འཕྲིན་བརྙན་འཕྲིན་ཤར་གཏོང་བྱེད་པའི་མཛད་སྒོ་ཚོགས་བཞིན་པ།
 

ཀྲུང་གོ་བོད་ཀྱི་དྲ་བའི་འཕྲིན། ཉིན་ཤས་གོང་བོད་ལྗོངས་ལྷོ་ཁ་ས་ཁུལ་སྨིན་གྲོལ་གླིང་དགོན་དུ་རླུང་འཕྲིན་བརྙན་འཕྲིན་དགོན་སྡེར་ཁྱབ་པ་དང་། གྲ་ཤག་ཚང་མར་རླུང་འཕྲིན་བརྙན་འཕྲིན་ཤར་གཏོང་ཐུབ་པའི་མཛད་སྒོ་ཚོགས་པ་དེའི་ཐོག་ནས། སྨིན་གྲོལ་གླིང་དགོན་པ་དེ་ལྷོ་ཁ་ས་ཁུལ་ནས་དགུ་ཡོད་པའི་དམིགས་ཚད་སྔོན་ལ་མངོན་འགྱུར་ཐུབ་པའི་དགོན་སྡེ་ཞིག་ཏུ་གྱུར་བ་མཚོན་གྱི་ཡོད་པ་རེད། ད་རེས་ཀྱི་བྱེད་སྒོའི་ཐོག་སྨིན་གྲོལ་གླིང་དགོན་པའི་དགེ་འདུན་པར་བརྙན་འཕྲིན35དང་སྲུང་སྐར་བསྡུ་ལེན་སྒྲིག་ཆས་སྤྲད་པ་རེད།

 རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་རྡོ་ཐོག་རླུང་འཕྲིན་བརྙན་འཕྲིན་ཤར་གཏོང་ཐུབ་པའི་མཛད་སྒོར་ཕེབས་པ་དང་། དགོན་སྡེའི་དགེ་འདུན་པ་ཚོར་བརྙན་འཕྲིན་དང་སྲུང་སྐར་བསྡུ་ལེན་སྒྲིག་ཆས་སྤྲད་གནང་བ་མ་ཟད། མཛད་སྒོ་མཇུག་སྒྲིལ་རྗེས་དགོན་སྡེ་དོ་དམ་ཨུ་ཡོན་ལྷན་ཁང་གི་ལས་དོན་དང་དགོན་སྡེའི་དགུ་ཡོད་པའི་ལས་དོན་སྤེལ་ཚུལ་ཤེས་རྟོགས་ཞིབ་ཕྲ་གནང་བ་དང་། གྲ་ཤག་ཏུ་ཕེབས་ནས་བརྙན་འཕྲིན་ཤར་གཏོང་ཐུབ་པའི་གནས་ཚུལ་ཤེས་རྟོགས་ཞིབ་ཕྲ་གནང་བ་རེད།

སྤྱི་ལོ2010ལོར་རླུང་འཕྲིན་བརྙན་འཕྲིན་དགོན་སྡེར་ཁྱབ་པ་དང་གྲ་ཤག་ཚང་མར་ཤར་གཏོང་ཐུབ་པའི་ཚོད་ལྟའི་ལས་དོན་སྤེལ་བ་ནས། ད་བར་ལྷོ་ཁ་ས་ཁུལ་ཡོངས་ཀྱི་དགོན་སྡེ་ཚང་མར་རླུང་འཕྲིན་བརྙན་འཕྲིན་ཁྱབ་པ་བྱེད་རྒྱུ་རེད། དེ་དང་དུས་མཚུངས་དགོན་སྡེ་ཚང་མ་ཞིང་འབྲོག་ཁུལ་གྱི་གློག་བརྙན་སྟོན་པའི་ཁྱབ་ཁོངས་ནང་བཅུག་ནས་དགོན་སྡེ་ཚང་མར་གློག་བརྙན་སྟོན་ཐུབ་པ་བྱེད་རྒྱུ་རེད།  །