སྔར་ལས་བོད་རང་སྐྱོང་ལྗོངས་དང་རྒྱལ་ས་པེ་ཅིན་བར་གྱི་འབྲེལ་འདྲེས་ལ་ཤུགས་སྣོན་བྱེད་ཆེད།  ཟླ12པའི་ཚེས15ཉིན།  ཀྲུང་གོ་རྒྱལ་སྤྱིའི་མཁའ་སྐྱོད་མ་རྐང་ཚད་ཡོད་ཀུང་ཟིས་མངགས་གཏོང་བྱེད་པའི་ལྷ་ས་དང་པེ་ཅིན་བར་གྱི་མཁའ་ལམ་དངོས་སུ་ཤར་གཏོང་བྱུང་། 

ཀྲུང་གོ་རྒྱལ་སྤྱིའི་མཁའ་སྐྱོད་ཀུང་ཟིའི་ལྷ་ས་དང་པེ་ཅིན་བར་མཐོ་སྒང་དུ་འཕུར་སྐྱོད་བྱེད་པར་ཉམས་མྱོང་ཕུན་སུམ་ཚོགས་པ་ལྡན་པའི་ཀྲུང་གོ་རྒྱལ་སྤྱིའི་མཁའ་སྐྱོད་ཀུང་ཟི་ལྷོ་ནུབ་ཡན་ལག་ཀུང་ཟིས་གནམ་གྲུ་མངགས་གཏོང་གི་འགན་ཁུར་ཡོད།   ཉིན་རེར་ཐེངས་གཅིག་ལ་མངགས་གཏོང་བྱེད་རྒྱུ་ཡིན་པ་དང་།  ཐེངས་འདིར་ཤར་གཏོང་བྱས་པའི་གནམ་གྲུ་ལ་རྒྱུན་ལྡན་རང་བཞིན་དང་ཕན་ནུས་གཉིས་འཛོམས་གྱི་ཁྱད་ཆོས་ལྡན།