ཀྲུང་གོ་བོད་ཀྱི་དྲ་བའི་འཕྲིན། སྐབས་དགུ་བའི་ཀྲུང་གོ· ནུབ་རྒྱུད་ཁྲིམས་སྐྱོང་གླེང་སྟེགས་ཉེ་ལམ་ཟི་ལིང་ནས་བསྒྲུབས། ཀྲུང་གོ་ཁྲིམས་རིག་པའི་སློབ་ཚོགས་ཏང་ཙུའུ་ཡི་ཁོངས་མི་དང་། ཚོགས་གཙོ་གཞོན་པ་པོ་ཧྲོ་ཁུང་། ཞིང་ཆེན་ཏང་ཨུའི་རྒྱུན་ལས་ཨུ་ཡོན། སྲིད་ཁྲིམས་ཨུ་ཡོན་ལྷན་ཁང་གི་ཧྲུའུ་ཅི། ཞིང་ཆེན་ཁྲིམས་རིག་པའི་སློབ་ཚོགས་ཀྱི་ཚོགས་གཙོ་ཀྲང་ཀོང་རོང་ཚོགས་མགོ་རྩོམ་པའི་མཛད་སྒོར་ཞུགས་པ་མ་ཟད་གཏམ་བཤད། ཧྲན་ཞི་དང་། ཡུན་ནན། ཀན་སུའུ། ཟི་ཁྲོན། ཞིན་ཅང་། ཉིན་ཞ། བོད་ལྗོངས། ཀོང་ཞི། ཁྲུན་ཆིན། ཀོས་ཀྲིག མཚོ་སྔོན། ནང་སོག་སོགས་ཞིང་ཆེན་དང་རང་སྐྱོང་ལྗོངས། གྲོང་ཁྱེར་དང་ཞིན་ཅང་ཐོན་སྐྱེད་འཛུགས་སྐྲུན་དཔུང་ཚོགས་ཀྱི་མི་བརྒྱ་དང་ལྔ་བཅུ་གྲོས་ཚོགས་སུ་ཞུགས།

པོ་ཧྲོ་ཁུང་གིས་རྒྱ་ཆེའི་ཁྲིམས་རིག་པ་དང་། བཅའ་ཁྲིམས་བྱ་བ་བསྒྲུབ་མཁན་གྱིས་རིགས་གཞུང་དམངས་གཙོ་དར་སྤེལ་བྱས་ནས། བརྗོད་བྱ་གཙོ་བོ་བསྡུ་བ་དང་། བསམ་བློ་གཅིག་བསྡུས་བྱེད་པ། ཐུན་མོང་གི་ལྟ་བ་གཅིག་བསྡུས་བྱེད་པའི་གྲོས་གཞི་མང་བོ་འདོན་དགོས་པ་དང་། ཁྲིམས་རིག་པའི་རིགས་གཞུང་དར་རྒྱས་དང་། ཕྱོགས་ཡོངས་ནས་བཅོས་སྒྱུར་ཟབ་སྤེལ་བྱས་ནས། ཁྲིམས་སྐྱོང་ཀྲུང་གོ་འཛུགས་སྐྲུན་བྱེད་པའི་བྱ་བབ་ཡར་སྐུལ་བྱེད་པར་བློ་གྲོས་དང་སྟོབས་ཤུགས་འདོན་དགོས་པའི་རེ་བ་བཏོན།

ཀྲང་ཀོང་རོང་གིས་ཚོགས་འདུར་ཞུགས་པའི་འཐུས་མི་རྣམས་ལ་སྤྲོ་སེམས་འཁོལ་བའི་ངང་དགའ་བསུ་ཞུས། རྒྱ་ཆེའི་ཁྲིམས་རིག་པ་དང་། བཅའ་ཁྲིམས་བྱ་བ་སྒྲུབ་མཁན་གྱིས་རང་གི་ལས་གནས་སྟེང་ནས་བྱ་བ་བཟང་བོར་སྒྲུབ་ནས། སེམས་ཤུགས་གཅིག་སྒྲིལ་གྱིས་ཁྲིམས་རིག་པའི་རིགས་གཞུང་བྱ་བ་དང་། ཁྲིམས་སྐྱོར་ལག་ལེན། བཅའ་ཁྲིམས་ལམ་ལུགས་དང་ཁྲིམས་སྐྱོང་རིག་གནས་གསར་སྐྲུན་བྱེད་པར་དམ་པོར་དམིགས་དགོས་པ་དང་། བློ་འདོན་ཇུས་འབུལ་བཅས་བྱས་ནས། བཅོས་སྒྱུར་འཕེལ་རྒྱས་ཀྱི་ཁྲིམས་སྐྱོང་ཁོར་ཡུག་ཇེ་ལེགས་སུ་གཏོང་བར་བྱས་རྗེས་འཇོག་དགོས་ཟེར།  །