ཉེ་ཆར།ཝུན་ཀི་ཧྭའི་གློག་བརྙན་དུས་ཆེན་སྐབས30བའི་སྟེང་བོད་ཀྱི་གློག་བརྙན་འཁྲབ་ཁྲིད་པ་ཟོན་ཐར་རྒྱལ་གྱི་ཐོག་མའི་གློག་བརྙན་《དབུས་ལམ་གྱི་ཉི་མ》ཞེས་པར་སྟག་འབྲུག་ཚན་པའི་གཟེངས་རྟགས་ཐོབ་ཅིང་།བྱ་དགའ་འདི་ནི་ཨེ་ཤེ་ཡ་གླིང་གི་རྒྱལ་ཁབ་དང་ས་གནས་ཁག་གི་གསར་བྱུང་འཁྲབ་ཁྲིད་པ་དག་ལ་གཟེངས་བསྟོད་བྱེད་པར་དམིགས་ནས་བསྐྲུན་པ་རེད། སྟག་འབྲུག་ཚན་པ་ནི་ཝུན་ཀི་ཧྭའི་གློག་བརྙན་དུས་ཆེན་གྱི་སྲོལ་རྒྱུན་གྱི་ཁྱད་ཆོས་ལྡན་པ་ཞིག་ཡིན་ལ།ཨེ་ཤ་ཡ་ཤར་མའི་རྒྱལ་ཁབ་དང་ས་གནས་ཁག་གི་གློག་བརྙན་བརྩམས་ཆོས་མང་པོ་ཞིག་གཅིག་ཏུ་བསྡུས་ནས་འགྲེམ་སྟོན་བྱེད་ཀྱི་ཡོད་པ་རེད།སྟག་འབྲུག་བྱ་དགའི་དམིགས་ཡུལ་ནི་ནུབ་ཕྱོགས་རྒྱལ་ཁབ་ཁ་ན་ཊ་དང་ཞི་བདེ་རྒྱ་མཚོའི་གླིང་གི་རྒྱལ་ཁབ་བར་གྱི་རིག་གནས་འབྲེལ་བར་ཡར་སྐུལ་བྱེད་ཆེད་ཡིན་པ་རེད།