ད་ལོའི་ཟླ10བའི་ཚེས10ཉིན་བར་མཚོ་སྔོན་ཞིང་ཆེན་སུ་འབྲུ་སྣུམ་གྱི་ས་ཞིང་མུའུ་ཁྲི550ལ་ལོ་ལེགས་བྱུང་བ་དང་། དེའི་ནང་དུ་འབྲུ་རིགས་ལོ་ཏོག་མུའུ་ཁྲི380དང་། སྣུམ་རྒྱུའི་ལོ་ཏོག་མུའུ་ཁྲི170ལ་ལོ་ལེགས་བྱུང་།

མཚོ་སྔོན་ཞིང་ཆེན་ཏང་ཨུ་དང་མཚོ་སྔོན་ཞིང་ཆེན་སྲིད་གཞུང་གིས་ཞིང་ཕྱུགས་ཐོན་སྐྱེད་ལ་ཧ་ཅང་མཐོང་ཆེན་བྱས་པ་དང་། ད་ལོར་ཤུགས་ཇེ་ཆེར་བཏང་ནས་མཚོ་སྔོན་ཞིང་ཆེན་གྱི་ས་གནས་སོ་སོའི་ཞིང་ལས་བརྟན་འཇགས་ངང་འཕེལ་རྒྱས་སུ་གཏོང་བ་དང་། ཞིང་བའི་ཡོང་སྒོ་རྒྱུན་བསྲིང་ངང་འཕར་སྣོན་འབྱུང་བར་ཡར་སྐུལ་བྱས། ད་ལོར་དཔྱིད་ཚུགས་པའི་ཚུན་ལ། མཚོ་སྔོན་ཞིང་ཆེན་སྲིད་གཞུང་གིས་ཆེད་དོན་གྲོས་ཚོགས་བསྡུས་ནས་རྨོ་འདེབས་གྲ་སྒྲིག་དང་དཔྱིད་འདེབས་ཐོན་སྐྱེད་བྱ་བར་ཞིབ་འཇུག་བྱས་པ་དང་། རྨོ་འདེབས་གྲ་སྒྲིག་དང་དཔྱིད་འདེབས་བྱ་བ་བཟང་བོར་བསྒྲུབ་པའི་ཐད་ལ་རེ་བ་འགའ་བཏོན། མཚོ་སྔོན་ཞིང་ཆེན་ཞིང་ཕྱུགས་ཐིན་གྱིས་བྱ་བའི་ཚན་ཆུང་མངགས་ཏེ་ཞིང་ཆེན་ཡོངས་ཀྱི་རྨོ་འདེབས་གྲ་སྒྲིག་དང་དཔྱིད་འདེབས་ཐོན་སྐྱེད་ལ་ཞིབ་བཤེར་བྱས་པར་མ་ཟད། གཙོ་བོ་ཞིང་བར་ཕན་པའི་སྲིད་ཇུས་དྲིལ་སྒྲོག་བྱས་པ་དང་སོན་བཟང་ཁྱབ་གདལ་དུ་བཏང་ནས་གནས་བའི་གནད་དོན་ལ་རྒྱུས་ལོན་བྱས་ནས་ཐག་བཅད། ཞིང་ཆེན་ནོར་སྲིད་དང་ཆུ་བེད། གནམ་གཤིས། ཡིད་རྟོན་ཁང་དང་། མཁོ་སྤྲོད་ཁང་སོགས་ལས་ཁུངས་ཀྱིས་མ་དངུལ་བཏང་བ་དང་། ཐན་སྐམ་འགོག་པ་དང་། དངོས་རྫས་གྲ་སྒྲིག མ་དངུལ་བསྐྱི་བ་སོགས་ཕྱོགས་གང་ཐད་ཀྱི་ཞབས་ཕྱིའི་སྟོབས་ཤུགས་ཇེ་ཆེར་བཏང་ནས། དཔྱིད་འདེབས་ཐོན་སྐྱེད་བདེ་བླག་ངང་སྤེལ་བར་ཁག་ཐེག་བྱས། ཞིང་ལས་སྡེ་ཁག་གིས་བསྡོམས་རྩིས་བྱས་པ་ལྟར་ན། ད་ལོར་མཚོ་སྔོན་ཞིང་ཆེན་གྱི་ཞིང་ལས་ལོ་ཏོག་གི་སྤྱིའི་འདེབས་རྒྱ་མུའུ་ཁྲི822ལྷག་ཏུ་བསླེབས་པ་དང་། ན་ནིང་ལས་མུའུ་ཁྲི27.4ལྷག་གིས་ཇེ་མང་དུ་སོང་། །