མཚོ་སྔོན་བོད་སྐད་རླུང་འཕྲིན། 2011-09-29
ཧ་སག་སི་ཐན་ལ་དངོས་གཞིའི་མཛའ་མཐུན་འཚམས་འདྲི་མཛད་བཞིན་པའི་རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་བུའུ་པང་གོ་ས་དེའི་ཚེས26ཉིན་གྱི་ཕྱི་དྲོར་ཨ་སི་ཐ་ནའི་པེ་ཅིན་ཐོག་ཁང་ནས་ཀྲུང་གོ་དང་ཧ་སག་སི་ཐན་གྱི་ཁེ་ལས་པའི་བཞུགས་མོལ་ཚོགས་འདུར་ཞུགས་ཏེ་བརྗེ་རེས་མཛད་པར་མ་ཟད། གསུང་བཤད་གནང་།
བུའུ་པང་གོ་ཡིས་གསུངས་རྒྱུར། ཀྲུང་གོ་དང་ཧ་སག་སི་ཐན་བར་དུ་ཆབ་སྲིད་ཀྱི་འབྲེལ་བ་བཟང་པོར་ཡོད་པར་མ་ཟད། རྒྱལ་ཁབ་གཉིས་ཀྱི་དཔལ་འབྱོར་ལ་ཁ་གསབ་རང་བཞིན་དྲག་པོ་ལྡན་ཞིང་། ས་བབ་ཀྱི་ཁྱད་སྟོབས་མངོན་གསལ་ཡོད་པ་དང་། མཉམ་ལས་ཀྱི་ཁྱད་སྟོབས་ཆེན་པོ་ལྡན། ཕྱོགས་གཉིས་ཀྱིས་མཉམ་དུ་འབད་བརྩོན་བྱས་ཏེ། ཀྲུང་གོ་དང་ཧ་སག་སི་ཐན་གྱི་དཔལ་འབྱོར་ཉོ་ཚོང་མཉམ་ལས་གཞི་ཁྱོན་སྔར་ལས་ཆེན་པོ་དང་ཁྱབ་ཁོངས་སྔར་ལས་ཡངས་པོ། ཆུ་ཚད་སྔར་ལས་མཐོན་པོ་བཅས་སུ་གོང་འཕེལ་དུ་གཏོང་དགོས་ཟེར།
བུའུ་པང་གོ་ཡིས་ནན་གྱིས་གསུངས་རྒྱུར། ཁེ་ལས་ནི་ཁྲོམ་ར་དང་དངུལ་གཏོང་གི་གཙོ་ཤུགས་ཡིན་ལ། དཔལ་འབྱོར་ཉོ་ཚོང་མཉམ་ལས་ཀྱི་གཙོ་ཤུགས་ཀྱང་ཡིན། ཁེ་ལས་ཀྱི་མཉམ་ལས་ལ་ཤུགས་བསྣན་ན། ཀྲུང་གོ་དང་ཧ་སག་སི་ཐན་གྱི་དཔལ་འབྱོར་ཉོ་ཚོང་མཉམ་ལས་ད་གཟོད་ཇེ་རྒྱས་ཇེ་ལེགས་སུ་འགྲོ་ཐུབ་ལ། ད་གཟོད་གསོན་ཤུགས་ཆེན་པོ་ལྡན་ངེས་ཟེར།
བུའུ་པང་གོ་ཡིས་མཇུག་མཐར་གསུངས་རྒྱུར། དཔལ་འབྱོར་ཉོ་ཚོང་མཉམ་ལས་ནི་ཀྲུང་གོ་དང་ཧ་སག་སི་ཐན་གྱི་ཕྱོགས་ཡོངས་ཀྱི་འཐབ་ཇུས་གྲོགས་པོའི་འབྲེལ་བའི་དངོས་པོའི་རྨང་གཞི་ཡིན་ལ། རྒྱལ་ཁབ་གཉིས་ཀྱི་འབྲེལ་བའི་གསོན་ཤུགས་སྲུང་འཛིན་བྱེད་པའི་འགན་སྲུང་གལ་ཆེན་ཡང་ཡིན། ཀྲུང་གོ་དང་ཧ་སག་སི་ཐན་གྱི་ཆབ་སྲིད་ཀྱི་འབྲེལ་བ་བཟང་པོས་དཔལ་འབྱོར་ཉོ་ཚོང་འབྲེལ་བ་གོང་འཕེལ་དུ་གཏོང་དགོས་ལ། དཔལ་འབྱོར་ཉོ་ཚོང་འབྲེལ་བའི་གོང་འཕེལ་གྱིས་རྒྱལ་ཁབ་གཉིས་ཀྱི་ཆབ་སྲིད་འབྲེལ་བ་གོང་འཕེལ་དུ་གཏོང་བར་ནང་དོན་གསར་བ་སྣོན་ཐུབ་ཟེར། །
དོ་སྣང་ཆེ་བའི་རྩོམ།
རྩོམ་གསར། 10