ཀྲུང་གོའི་བོད་ཀྱི་དྲ་བའི་འཕྲིན། གསར་འགོད་པས་ཀྲེན་ཀྲོའུ་གནམ་ཐང་ནས་ཤེས་རྟོགས་བྱས་པར། ཟླ10ཚེས26ཉིན་ནས་བཟུང་ནུབ་རྒྱུད་མཁའ་འགྲུལ་ཀུང་སིའི་ཀྲེན་ཀྲོའུ་ནས་ལྷ་ས་བར་གྱི་མཁའ་ལམ་ཤར་གཏོང་ཐུབ་རྒྱུ་ཡིན་པ་རེད།

ངོ་སྤྲོད་བྱས་པར་གཞིགས་ན། ཀྲེན་ཀྲོའུ་ནས་ལྷ་ས་བར་གྱི་མཁའ་ལམ་ནི་ནུབ་རྒྱུད་མཁའ་འགྲུལ་ཀུང་སིས་ཟླ10པར་གཙོ་གནད་ཐོག་ཤར་གཏོང་བྱ་རྒྱུའི་མཁའ་ལམ་གསར་པ་ཞིག་ཡིན་ལ། ཀྲེན་ཀྲོའུ་ནས་ལྷ་སར་ཐད་ཀར་འཕུར་བའི་དུས་གཏན་གནམ་གྲུ་ཐོག་མ་དེའང་ཡིན་པ་རེད། དེ་སྔོན་མེ་འཁོར་གྱིས་ཀྲེན་ཀྲོའུ་ནས་ལྷ་ས་བར་ཉིན་གཉིས་འགོར་གྱི་ཡོད་པ་དང་། མཁའ་ལམ་དེ་ཤར་གཏོང་ཐུབ་རྗེས་ཀྲེན་ཀྲོའུ་ནས་ལྷ་སར་སྐྱོད་པར་ཆུ་ཚོད4དང་སྐར་མ45ལས་འགོར་གྱི་མེད་པ་དང་ལྷ་ས་ནས་ཀྲེན་ཀྲོའུ་ལ་ཕྱིར་ལོག་བྱེད་པར་ཆུ་ཚོད3དང་སྐར་མ50ལས་འགོར་གྱི་མེད་པ་རེད།  །