ཟླ7པའི་ཚེས23ཉིན་གྱི་སྔ་དྲོ་ནམ་མཁའི་ཕོ་བྲང་ཨང་དང་པོ་རྟགས་ཅན་འཕེན་གཏོང་བྱེད་པའི་དམིགས་ཚད་འཕུར་སྐྱོད་འཕྲུལ་ཆས་ཐད་སྤྱོད་པའི་རྒྱང་སྐྱོད་ཨང་གཉིས་པ་རྟགས་ཅན་གྱིFསྐྱེལ་འདྲེན་མེ་ཤུགས་འཕུར་མདའ་དེ་ཅིའུ་ཆོན་སྲུང་སྐར་འཕེན་གཏོང་ས་ཚིགས་སུ་འབྱོར་ཞིང་། སྐབས་དེར་ནམ་མཁའི་ཕོ་བྲང་ཨང་དང་པོ་རྟགས་ཅན་གྱི་འཕུར་སྐྱོད་ལས་འགན་སྒྲུབ་པའི་མ་ལག་ཆེ་གྲས་ཁག་གི་ཚོད་ཞུགས་མི་སྣ་དང་འཕུར་སྐྱོད་ཐོན་རྫས་ཚང་མ་མི་བཞུགས་མཁའ་སྐྱོད་འཕེན་གཏོང་ཁང་དུ་འཛོམས་པ་དང་མིག་སྔར་གྲ་སྒྲིག་ལས་དོན་ཁག་བདེ་བླག་ངང་སྤེལ་བཞིན་ཡོད་པ་རེད།

རྒྱང་སྐྱོད་ཨང་གཉིས་པ་རྟགས་ཅན་གྱིFསྐྱེལ་འདྲེན་མེ་ཤུགས་འཕུར་མདའ་ནི་ཀྲུང་གོ་མཁའ་སྐྱོད་ཚན་རྩལ་ཚོགས་པ་ཀུང་སིའི་ཁོངས་སུ་གཏོགས་པའི་ཀྲུང་གོ་སྐྱེལ་འདྲེན་མེ་ཤུགས་འཕུར་མདའི་ལག་རྩལ་ཞིབ་འཇུག་ཁང་གིས་གཙོ་བོ་བྱས་ནས་ཞིབ་བཟོ་བྱས་པ་ཞིག་ཡིན་པ་རེད།

ཤེས་རྟོགས་བྱུང་བར་གཞིགས་ན། ཟླ6པའི་ཚེས29ཉིན་ཅིའུ་ཆོན་སྲུང་སྐར་འཕེན་གཏོང་ལྟེ་གནས་སུ་དྲངས་པའི་ནམ་མཁའི་ཕོ་བྲང་ཨང་དང་པོ་རྟགས་ཅན་གྱི་དམིགས་ཚད་འཕུར་སྐྱོད་འཕྲུལ་ཆས་ཀྱི་ཚད་ལེན་ཚོད་ལྟའི་ལས་དོན་ཁག་བདེ་བླག་ངང་སྤེལ་བཞིན་ཡོད་པ་རེད།  །