ཀྲུང་གོ་བོད་རིག་པའི་འཐུས་ཚབ་ཚོགས་པ་ཚེས་ཉེར་ལྔ་ཉིན་གྱི་ཕྱི་དྲོར་ཧྲིན་པོ་ལོ་ན་ཡོད་པའི་ཀྲུང་གོའི་སྤྱིའི་གཞུང་ཚབ་ཁང་ནས་པ་ཞི་རྒྱལ་ཁབ་ཀྱི་སྨྱན་བྱད་དང་བཞུགས་མོལ་ཚོགས་འདུ་བསྡུས། ཀྲུང་གོ་བོད་རིག་པའི་འཐུས་ཚབ་ཚོགས་པའི་ཚོགས་གཙོ། ཀྲུང་དབྱང་མི་རིགས་སློབ་གྲྭ་ཆེན་མོའི་བོད་ཀྱི་དགེ་རྒན་ཆེན་མོ་སུའུ་ཧྥ་ཞང་གིས་བཞུགས་མོལ་ཚོགས་འདུའི་སྟེང་བོད་ལྗོངས་ཀྱི་རྣམ་པ་དང་། ཀྲུང་གོ་སྲིད་གཞུང་གིས་བོད་ལྗོངས་སུ་ལག་བསྟར་བྱེད་བཞིན་པའི་སྲིད་ཇུས་སོགས་མཚམས་སྦྱོར་བྱས། དེའི་འཕྲོར་སུའུ་ཧྥ་ཞང་དང་། འཐུས་ཚབ་ཚོགས་པའི་ཁོངས་མི་ཚེ་རིང་རྒྱལ་པོ། དཔལ་འབྱོར་སོགས་ཀྱིས་པ་ཞི་རྒྱལ་ཁབ་ཀྱི་སྨྱན་བྱད་གསར་འགོད་པ་དང་བསམ་བློ་བརྗེ་རེས་པར་མ་ཟད། ཁོ་ཚོས་རང་ཉིད་ཀྱི་མྱོང་བ་དངོས་དང་ཞིབ་འཇུག་གྲུབ་འབྲས་དང་འབྲེལ་ནས་པ་ཞི་རྒྱལ་ཁབ་ཀྱི་གསར་འགོད་པའི་བཏོན་པའི་དྲི་བར་ལན་བཏབ།
 ཀྲུང་གོ་བོད་རིག་པའི་འཐུས་ཚབ་ཚོགས་པ་ནི་ཀྲུང་གོ་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་སྒྲུབ་ཁང་གི་རྩ་འཛུགས་བཀོད་སྒྲིག་ལྟར་པ་ཞི་རྒྱལ་ཁབ་ལ་འཚམས་འདྲིར་སོང་བ་དང་། ཁོ་ཚོས་ད་རུང་པ་ཞི་རྒྱལ་ཁབ་ཀྱི་ལིས་ཡེའོ་རི་ནེ་ལུའུ་དང་པ་ཞི་ལི་ཡ་རུ་འཚམས་འདྲི་བྱེད་རྒྱུ་ཡིན་པར་མ་ཟད། ས་དེའི་མཁས་པ་དང་སློབ་གྲྭ་ཆེན་མོ་བའི་དགེ་སློབ་རྣམས་ལ་བཞུགས་མོལ་བྱེད་རྒྱུ་རེད་ཟེར།