མཚོ་སྔོན་ཞིང་ཆེན་ཐད་གཏོགས་ལས་ཁུངས་ཀྱིས་ཚེས27ཉིན་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་འཁོར་དགུ་བཅུ་ལོན་པར་རྟེན་འབྲེལ་ཞུ་བ་དང་གཟེངས་བསྟོད་བྱེད་པའི་ཚོགས་ཆེན་ཟི་ལིང་ནས་བསྡུས། མཚོ་སྔོན་ཞིང་ཆེན་ཐད་གཏོགས་ལས་ཁུངས་བྱ་བའི་ཨུ་ཡོན་ལྷན་ཁང་གིས་སྔོན་ཐོན་གཞི་རིམ་ཏང་རྩ་འཛུགས་དོན་ལྔ་དང་ཕུལ་བྱུང་གུང་ཁྲན་ཏང་ཡོན་གྱ་གསུམ། ཕུལ་བྱུང་ཏང་གི་བྱ་བ་སྒྲུབ་མཁན་ང་དགུ་བཅས་ལ་གཟེངས་བསྟོད་བྱས་པ་དང་། མཚོ་སྔོན་ཞིང་ཆེན་ཏང་ཨུའི་རྒྱུན་ལས་ཨུ་ཡོན། མཚོ་སྔོན་ཞིང་ཆེན་ཏང་ཨུའི་དྲུང་ཡིག་ཆེན་མོ་བང་ཞོ་ཆིན་ཚོགས་ཆེན་ལ་ཞུགས་ནས་གཏམ་བཤད།

ཚོགས་ཆེན་སྟེང་བང་ཞོ་ཆིན་གྱིས་བཤད་རྒྱུར། མཚོ་སྔོན་ཞིང་ཆེན་ཐད་གཏོགས་ལས་ཁུངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་མཚོ་སྔོན་ཞིང་ཆེན་ཏང་ཨུ་ཡིས་གསར་དུ་བཟོ་བཅོས་བྱས་པའི«མཚོ་སྔོན་ཞིང་ཆེན་གྱིས་ཀྲུང་གོ་གུང་ཁྲན་ཏང་གི་ཏང་དང་རྒྱལ་ཁབ་ལས་ཁུངས་ཀྱི་གཞི་རིམ་རྩ་འཛུགས་བྱ་བའི་སྲོལ་ཡིག་དངོས་འབེབས་བྱེད་པའི་ལག་བསྟར་བྱེད་ཐབས།»དང་ཞིང་ཆེན་ཡོངས་ཀྱི་ལས་ཁུངས་ཏང་འཛུགས་གྲོས་ཚོགས་ཀྱི་དགོངས་དོན་ནན་ཏན་སྒོས་ལག་བསྟར་དང་དངོས་འབེབས་བཟང་བོ་བྱས་ཏེ། དཀྱིལ་སྙིང་ལ་ཞབས་ཕྱི་བསྒྲུབ་པ་དང་དཔུང་སྡེ་འཛུགས་སྐྲུན་བྱེད་པའི་ལས་འགན་ཆེན་པོ་གཉིས་གསལ་བོར་ཤེས་པར་བྱེད་པ་དང་། ཧུར་ཐག་སྒོས་སྔོན་ཐོན་བསྐྲུན་ཞིང་ཕུལ་བྱུང་བརྩོན་པའི་བྱ་འགུལ་གཏིང་ཟབ་ཏུ་སྤེལ་ནས། ལས་ཁུངས་ཀྱི་ཏང་འཛུགས་བྱ་བ་དེ་མཚོ་སྔོན་ཞིང་ཆེན་གྱི་གཞི་རིམ་རྩ་འཛུགས་འཛུགས་སྐྲུན་གྱི་མདུན་གྲས་སུ་བསྐྱོད་དགོས་ཟེར། །