སི་ཁྲོན་ཞིང་ཆེན་རྔ་བ་བོད་རིགས་ཆཱང་རིགས་རང་སྐྱོང་ཁུལ་གཟི་ཚ་སྡེ་དགུའི་ཤར་དུང་རི་གནམ་གྲུ་ཐང་ཐེངས་གསུམ་པར་རྒྱ་སྐྱེད་པའི་བཟོ་སྐྲུན་ལས་འགོ་བརྩམས་ནས་བཟུང་། ཟུང་ཆུ་རྫོང་དང་གཟི་ཚ་སྡེ་དགུའི་ཤར་དུང་རིའི་གནམ་གྲུ་ཐང་ཀུང་ཟི་གཉིས་ཀྱིས་མཐུན་སྦྱོར་བཟང་པོ་བྱས་པ་དང་། བྱེད་ཐབས་ནུས་ལྡན་སྤྱད་དེ། སྔར་ལས་ལྷག་པའི་སྒོ་ནས་ཐེངས་གསུམ་པར་གནམ་གྲུ་ཐང་རྒྱ་སྐྱེད་པའི་བཟོ་སྐྲུན་ཤུགས་ཚད་ཇེ་མགྱོགས་སུ་བཏང་།
གཟི་ཚ་སྡེ་དགུའི་ཤར་དུང་རི་གནམ་གྲུ་ཐང་ལས་པའི་བཟོ་སྐྲུན་ཐད་སྡོམ་པས་མ་དངུལ་སྒོར་མོ་དུང་ཕྱུར་བཞི་དང་བྱེ་བ་བདུན་ས་ཡ་བཞི་ལྷག་བཏང་བ་དང་། མིག་སྔའི་བར། སྡོམ་པས་སྒོར་མོ་དུང་ཕྱུར་གཉིས་དང་བྱེ་བ་བརྒྱད་ས་ཡ་གཉིས་བཏང་ཟིན་པ་དང་། དེས་སྤྱིའི་མ་དངུལ་གྱི་བརྒྱ་ཆའི་ང་དགུ་དང་གྲངས་ཆུང་ལྔ་ཟིན་ཡོད་ལ། བཟོ་སྐྲུན་དེ་འཆར་གཞི་ལྟར་ན་ད་ལོར་ལས་ནས་འགྲུབ་རྒྱུ་རེད།