མི་དམངས་དྲ་བ་ནས་གནས་ཚུལ་འབྱོར་གསལ།ཟླ་བ9པའི་ཚེས3ཉིན་གྱི་སྔ་དྲོར། རི་འགོག་དམག་འཁྲུག་དང་འཛམ་གླིང་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ69འཁོར་བར་དྲན་གསོ་བྱེད་པའི་བྱེད་སྒོ་ཀྲུང་གོའི་མི་དམངས་རི་འགོག་དམག་འཁྲུག་གི་དྲན་གསོ་ཁང་དུ་སྤེལ་བ་རེད། ཞི་ཅིན་ཕིང་དང་། ལི་ཁེ་ཆང་། ཀྲང་ཏེ་ཅང་། ཡུས་ཀྲེང་ཧྲེང་། ལིའུ་ཡུན་ཧྲན། ཝང་ཆི་ཧྲན། ཀྲང་ཀའོ་ལི་སོགས་དྲན་གསོའི་བྱེད་སྒོར་ཞུགས་པར་མ་ཟད། རྒྱལ་སའི་ལས་རིགས་ཁག་གི་འཐུས་ཚབ་པ་དང་མཉམ་དུ་རི་འགོག་དམག་འཁྲུག་ནང་རང་སྲོག་ཤོར་བའི་སྔོན་གཤེགས་དཔའ་བོ་རྣམས་ལ་མེ་ཏོག་ཕུལ་བ་རེད།