མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་གི་སློབ་གྲྭ་འབྲིང་ཆུང་གི་སློབ་མར་སེམས་ཁམས་བདེ་ཐང་ཐད་ཟུར་ཁྲིད་བྱེད་པའི་དགེ་རྒན་ཡོད་པར་གྱུར་བ།

གཡང་འབུམ་རྒྱལ།    མཚོ་སྔོན་བོད་སྐད་རླུང་འཕྲིན།    2011-05-19

ཉེ་ལམ། མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་གིས་ནར་མ་སོན་པའི་མི་བདེ་ཐང་ངང་འཚར་ལོངས་འབྱུང་བར་ཁོར་ཡུག་བཟང་བོ་ཞིག་བསྐྲུན་ནས། ནར་མ་སོན་པའི་མིའི་སེམས་ཁམས་བདེ་ཐང་སློབ་གསོ་དང་བློ་འདྲིའི་གསབ་སྦྱོང་བྱ་བ་རིམ་བཞིན་དར་སྤེལ་བྱེད་པ་དེ་བརྗོད་དོན་གཙོ་བོ་ཡིན་པའི་སློབ་གྲྭ་འབྲིང་ཆུང་གི་སློབ་མའི་སེམས་ཁམས་བདེ་ཐང་ཐད་ཟུར་ཁྲིད་བྱེད་པར་གསོ་སྦྱོང་བྱས་པ་དང་། སློབ་གྲྭ་འབྲིང་ཆུང་གི་དགེ་རྒན་དྲུག་ཅུ་རེ་གསུམ་ལ་གསོ་སྦྱོང་བྱས་ཚར་རྗེས། ཁོ་ཚོ་ནི་གུང་ཧོ་རྫོང་གི་ཆེས་ཐོག་མའི་སློབ་གྲྭ་འབྲིང་ཆུང་གི་སློབ་མའི་སེམས་ཁམས་བདེ་ཐང་ཐད་ཀྱི་ཟུར་ཁྲིད་པར་གྱུར།
 གསོ་སྦྱོང་བྱེད་པའི་དུས་སྐབས་སུ། རྒྱལ་ཁབ་ཀྱི་སེམས་ཁམས་རིག་པའི་བློ་འདྲི་དགེ་རྒན་དང་སེམས་ཁམས་རིག་པའི་མཐོ་རིམ་འཆད་ཁྲིད་དགེ་རྒན་གདན་དྲངས་ནས། སློབ་གྲྭ་འབྲིང་ཆུང་སོ་སོའི་ཟུར་ཁྲིད་མི་སྣའི་ཁོངས་གཏོགས་སུ་སེམས་ཁམས་རིག་པའི་རྩ་བའི་མཚན་ཉིད་དང་ན་གཞོན་དང་དར་མའི་སེམས་ཁམས་བདེ་ཐང་ཐད་ནས་འཆད་ཁྲིད་བྱས་ཏེ། ནར་མ་སོན་པའི་མིའི་སེམས་ཁམས་བདེ་ཐང་གི་སློབ་གསོའི་ཐབས་ལམ་དང་བྱེད་ཐབས། ན་གཞོན་དང་དར་མའི་སེམས་ཁམས་ཀྱི་གནད་དོན་དང་སེམས་ཁམས་བདེ་ཐང་མིན་པ། སེམས་ཁམས་བདེ་ཐང་སློབ་གསོ་དང་ཀུན་སྤྱོད་སོགས་ཀྱི་ཐད་ནས་འཆད་ཁྲིད་བྱས།
  • ལེ་ཚན་སྔོན་མ།:བོད་ལྗོངས་སུ་རང་རྒྱལ་གྱི་མཚོ་ངོས་ལས་ཆེས་མཐོ་བའི་གནམ་དཔྱད་ཁང་ལས་རྒྱུ་ཡིན
  • ལེ་ཚན་རྗེས་མ།:ལི་པུ་ཡཱའི་སྲིད་གཞུང་གིས་ཏི་ལེ་པོ་ལི་རུ་ཡོད་པའི་མཉམ་འབྲེལ་རྒྱལ་ཚོགས་ཀྱི་དོན་གཅོད་ལས་ཁུངས་སླར་གསོ་བྱེ
  • དོ་སྣང་ཆེ་བའི་རྩོམ།