ཀྲུང་དབྱང་བརྙན་འཕྲིན་ལས་ཁུངས་དང་འོད་སྣང་ཉིན་རེའི་ཚགས་པར་ཁང་གིས་མཉམ་དུ་གཙོ་གཉེར་བྱས་པའི་སྤྱི་ལོ2014ལོའི་ཆེས་མཛེས་ཤོས་ཀྱི་གྲོང་གསེབ་དགེ་རྒན་འཚོལ་བ་ཞེས་པའི་སྤྱི་ཕན་བྱེད་སྒོ་ཆེ་གྲས་མཇུག་སྒྲིལ་གྲབས་ཡོད་པ་རེད། ལོ་ཤས་བསྟུད་མར་འཚོལ་བ་བརྒྱུད། སྐད་གྲགས་མེད་པའི་གྲོང་གསེབ་ཀྱི་དགེ་རྒན་དེ་བས་མང་པོ་ཞིག་མི་རྣམས་ཀྱི་མིག་ལམ་དུ་བསྟན་ཡོད་པ་རེད།　ད་ལོའི་ཆེས་མཛེས་ཤོས་ཀྱི་གྲོང་གསེབ་དགེ་རྒན་འཚོལ་བ་ཞེས་པའི་སྤྱི་ཕན་བྱེད་སྒོ་ཆེ་གྲས་དེ་མུ་མཐུད་ནས་ཀྲུང་གོའི་ཕུགས་འདུན་གྱི་བརྗོད་བྱ་གཙོ་བོར་དམ་པོར་གཞིགས་པ་དང་། ཆེས་མཛེས་ཤོས་ཀྱི་གྲོང་གསེབ་དགེ་རྒན10དང་དམིགས་བསལ་དོ་ཁུར་བྱེད་པའི་གྲོང་གསེབ་ཀྱི་དགེ་རྒན10འདེམས་རྒྱུ་ཡིན་པ་རེད། དེ་དང་ཆབས་ཅིག   བྱེད་སྒོའི་ནང་ད་དུང་སློབ་སྐྱོར་ཚོགས་པའི་བྱ་དགའ་ཞིག་བཙུགས་ཡོད་པ་དང་། དང་བླངས་སློབ་སྐྱོར་ནང་ཧུར་ཐག་ཞུགས་མཁན་གྱི་སློབ་གྲྭ་ཆེན་མོ་བའི་ཚོགས་པར་སྤྲོད་རྒྱུ་ཡིན་པ་རེད།
བྱེད་སྒོ་དེ་སྤྱི་ཟླ6པར་སྤེལ་འགོ་ཚུགས་པ་ནས་བཟུང་། ཀྲུང་དབྱང་བརྙན་འཕྲིན་ལས་ཁུངས་དང་། འོད་སྣང་ཉིན་རེའི་ཚགས་པར་གྱི་གསར་འགོད་པས་གྲོང་གསེབ་ཏུ་བསྐྱོད་ནས་ཆེས་མཛེས་ཤོས་ཀྱི་གྲོང་གསེབ་དགེ་རྒན་བཙལ་ཡོད། གཅེས་སེམས་བརྒྱུད་བསྒྲགས་བྱེད་པ་དང་འདྲ་བར། གཅེས་སེམས་དེ་ཆེས་མཛེས་ཤོས་ཀྱི་གྲོང་གསེབ་དགེ་རྒན་ལ་བརྒྱུད་བསྒྲགས་བྱས་ཡོད་པས་མི་རྣམས་ལ་སེམས་འགུལ་ཐེབས་སུ་བཅུག་ཡོད།
　མིག་སྔར། རང་རྒྱལ་དུ་གྲོང་གསེབ་དགེ་རྒན་ས་ཡ་བརྒྱད་ལྷག་ཙམ་ཡོད་པ་དང་། ལོ་ལྟར་སློབ་ལོར་སོན་པའི་བྱིས་པ་བརྒྱ་ཆ80ཙམ་གྲོང་གསེབ་སློབ་གྲྭར་སྐྱོད་ཀྱི་ཡོད། ངོ་སྤྲོད་བྱུས་པར་གཞིགས་ན། ལོ་བཞིའི་ནང་ཆེས་མཛེས་ཤོས་ཀྱི་གྲོང་གསེབ་དགེ་རྒན་འཚོལ་བའི་སྤྱི་ཕན་བྱེད་སྒོ་ཆེ་གྲས་དེས་ཆེས་མཛེས་ཤོས་ཀྱི་གྲོང་གསེབ་དགེ་རྒན་དང་ཚོགས་པ30ལྷག་ཙམ་དང་། དམིགས་བསལ་དོ་ཁུར་བྱེད་པའི་གྲོང་གསེབ་དགེ་རྒན70ལྷག་ཙམ། དེ་བཞིན་གྲོང་གསེབ་ཀྱི་སློབ་གྲྭ་མང་པོར་མ་དངུལ་དང་དངོས་ཟོག་རོགས་སྐྱོར་བྱས་ཡོད་པས། གྲོང་གསེབ་ཀྱི་དགེ་རྒན་མང་པོའི་འཚོ་བ་དང་ལས་ཀའི་ཁྲོད་འཕྲད་པའི་དཀའ་ངལ་ཐག་གཅོད་ཏན་ཏིག་བྱས་ཡོད་པ་རེད།