བོད་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན་གྱི་གཞི་གྲངས་ལྟར་ན། ཉིས་སྟོང་བཅུ་ལོའི་ལོ་མཇུག་ལ་རྣམ་པ་གསར་བའི་ཞིང་སྡེའི་སྤྱི་ཚོགས་རྒན་གསོ་འགན་སྲུང་ལམ་ལུགས་ལྗོངས་ཡོངས་སུ་ཁྱབ་པ་དང་། ཞིང་ལས་གཉེར་བའི་མི་ས་ཡ་གཉིས་དང་འབུམ་གཉིས་ཁྲི་གཅིག་ལ་འབྲེལ་བ་ཡོད་ཟེར། ལྷ་ས་གྲོང་ཁྱེར་ཚལ་གུང་ཐང་ཞང་གི་ལོ་དོན་གཅིག་ལ་བུད་པའི་རྒན་པོ་པ་སངས་ཀྱིས་ཉིས་སྟོང་བཅུ་ལོ་ནས་བཟུང་རྒན་གསོ་སྒོར་མོ་བླངས། རྒན་པོ་དེས་ཁོ་རང་གིས་ཟླ་ཕོགས་ལེན་ཐུབ་པ་ཡིད་ལའང་མ་ཤར་ཟེར།
 བོད་ལྗོངས་སྟོད་ལུང་བདེ་ཆེན་རྫོང་གཞོ་མདའ་ཞང་གི་ལོ་རེ་གཉིས་ཅན་གྱི་ཞིང་པ་འཇིགས་མེད་དང་ཞང་དེའི་ལོ་དྲུག་ཅུ་ཡན་གྱི་ལོ་ལོན་གཞན་པ་ང་དགུ་ཡིས་ཉེ་སྔོན་ཟླ་དྲུག་གི་རྒན་གསོའི་སྒོར་མོ་སུམ་བརྒྱ་དང་སུམ་ཅུ་བླངས་པ་དང་། ཁོ་ཚོ་ནི་ལྷ་ས་གྲོང་ཁྱེར་གྱིས་རྒན་གསོ་སྒོར་མོ་བླངས་པའི་རོང་འབྲོག་པ་སྐོར་དང་པོ་རེད། འཇིགས་མེད་ཀྱིས་སྒོར་མོ་སུམ་བརྒྱ་ལྷག་དེས་ང་ཚོ་ལོ་ལོན་རྣམས་ལ་མཚོན་ན། ཁྱིམ་ཚང་གི་འགྲོ་སོང་ལ་ཁ་གསབ་བྱས་ཆོག་པར་མ་ཟད། ཁ་ལ་ཟས་དང་རྒྱབ་ཏུ་ལྭ་ཡང་ཉོས་ཏེ། འཚོ་བ་སྔར་ལས་ཇེ་བཟང་དུ་བཏང་ཆོག