རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་ཟླ་དགུ་བའི་ཚེས་གཅིག་ཉིན་གྱི་ཕྱི་དྲོར་པེ་ཅིན་མི་དམངས་ཚོགས་ཁང་ཆེན་མོའི་ནང་རོ་མ་ནི་ཡའི་ཙུང་ལི་ཕུན་ཐ་དང་གྲོས་མོལ་མཛད་རྗེས་མཉམ་དུ་གསར་འགོད་པར་མཇལ་འཕྲད་གནང་།
 

ལིས་ཁི་ཆང་གིས་ཀྲུང་གོ་དང་རོ་མ་ནི་ཡ་གཉིས་ཀྱི་ཙུང་ལི་གྲོས་མོལ་གྱི་གྲུབ་འབྲས་མཚམས་སྦྱོར་མཛད།ཁོང་གིས་གསུངས་རྒྱུར།ད་ལོ་ནི་ཀྲུང་གོ་དང་རོ་མ་ནི་ཡའི་བར་འབྲེལ་བ་བཙུགས་ནས་ལོ་འཁོར་རེ་ལྔ་ལོན་པ་དང་ཕྱོགས་ཡོངས་ཀྱི་མཛའ་མཐུན་མཉམ་ལས་གྲོགས་པོའི་འབྲེལ་བ་བཙུགས་ནས་ལོ་འཁོར་བཅུ་ལོན་པའི་ལོ་ཡིན་པས།རྒྱལ་ཁབ་གཉིས་ཀྱི་འབྲེལ་བ་ལོ་རྒྱུས་ཀྱི་མགོ་ཚུགས་ས་གསར་བ་ཞིག་ཏུ་བསླེབས་ཡོད།ང་དང་ཙུང་ལི་ཕུན་ཐ་གཉིས་བར་ཀྲུང་གོ་དང་རོ་མ་ནི་ཡ་གཉིས་ཀྱིས་གོ་སྐབས་བཟང་བོ་དམ་འཛིན་བྱས་ཏེ།རྒྱལ་ཁབ་གཉིས་ཀྱི་ཉོ་ཚོང་དང་དངུལ་གཏོང་རྒྱ་བསྐྱེད་པ།ཁྱབ་ཁོངས་གཙོ་བོའི་མཉམ་ལས་གཏིང་ཟབ་ཏུ་སྤེལ་བ།རྒྱལ་ཁབ་གཉིས་ཀྱི་ཁེ་ལས་བར་གྱི་དངུལ་གཏོང་རྒྱ་བསྐྱེད་པ་སོགས་ཐད་ལ་གཅིག་གྱུར་གྱི་ལྟ་བ་བྱུང་ཡོད་ཟེར།
ཕུན་ཐ་ཡིས་གསུངས་རྒྱུར།རོ་མ་ནི་ཡ་དང་ཀྲུང་གོའི་བར་གྱི་འབྲེལ་བར་འཕེལ་རྒྱས་མགྱོགས་པོ་བྱུང་བ་དང་།རྒྱལ་ཁབ་གཉིས་ཀྱི་མཉམ་ལས་ཐད་ཕན་འབྲས་ལྡན་པའི་གྲུབ་འབྲས་ཐོབ་ཡོད།རོ་མ་ནི་ཡ་ཕྱོགས་ཀྱིས་འབྲེལ་ཡོད་ཁྱབ་ཁོངས་ནང་ཀྲུང་གོའི་བར་གྱི་མཉམ་ལས་ལ་ཤུགས་བསྣན་ཏེ།རྒྱལ་ཁབ་གཉིས་ཀྱི་མཉམ་ལས་ཐད་གྲུབ་འབྲས་སྔར་ལས་མང་པོ་ཐོབ་པར་སྐུལ་འདེད་གཏོང་འདོད་ཡོད་ཟེར།  །