ཞིན་ཧྭ་གསར་འགྱུར་ཁང་ལྷ་ས་ནས་ཟླ་བ་དང་པོའི་ཚེས4ཉིན་འབྱོར་བའི་གཏམ་གསར།ལོ་ལྔའི་འཆར་གཞི་བཅུ་གཅིག་པའི་ནང་ལྷ་སའི་མཁའ་རླངས་སྤུས་ཀ་བཟང་ཚད་བརྒྱ་ཆ98ལ་ཟིན་པ་རེད།
     ཤེས་རྟོགས་བྱུང་བར་གཞིགས་ན།ལོ་ལྔའི་འཆར་གཞི་བཅུ་གཅིག་པའི་སྐབས་སུ་ལྷ་ས་གྲོང་ཁྱེར་གྱིས་གཞུང་ལམ་དང་ཆུ་བོ་ངོགས་གཉིས་དང་།གཙོ་གནད་ས་ཁུལ་དུ་ཤིང་འཛུགས་ནགས་བཟོས་དང་བྱེ་འགོག་བྱེ་སྐྱོང་།བརླན་ས་སྲུང་སྐྱོང་བྱས་པ་སོགས་གལ་ཆེའི་སྐྱེ་ཁམས་སྲུང་ཡོལ་འཛུགས་སྐྲུན་བྱས་པ་རེད།དེ་དང་ཆབས་ཅིག ལྗང་མདོག་གི་འགྲིམ་འགྲུལ་འཕེལ་རྒྱས་བཏང་ནས་འཕྲུལ་ཆ་རིགས་ལ་དུས་བཀག་ནང་ཞིབ་བཤེར་ཚད་ལེན་བྱེད་ཚད་བརྒྱ་ཆ80ལ་ཟིན་པ་དང་།འཕྲུལ་འཁོར་རིགས་ཀྱི་རླངས་རོ་དམིགས་ཚད་ཐོག་སླེབས་ཚད་བརྒྱ་ཆ90ལ་ཟིན་པར་བརྟེན།རླུང་ཁམས་ཆེན་པོའི་སྤུས་ཀ་བཟང་ཚད་དེ་བརྒྱ་ཆ98ཡན་ཆད་ལ་སྲུང་འཛིན་བྱས་ནས་ཀྲུང་གོའི་ལྟེ་བའི་གྲོང་ཁྱེར་གྱི་ཁ་རླངས་ཆེས་གཙང་བའི་ས་གནས་སུ་གྱུར།