2013ལོ་ནས་བཟུང་།ཀན་སུའུ་ཞིང་ཆེན་འཕྲོད་བསྟེན་དང་འཆར་ལྡན་བུ་བཙའ་ཨུ་ལྷན་གྱིས་ཀན་ལྷོ་བོད་རིགས་རང་སྐྱོང་ཁུལ་དུ་ཤུགས་ཆེན་པོས་རྒྱ་སྨན་དང་བོད་སྨན་ཟུང་འབྲེལ་གསོ་སྦྱོང་གི་བྱེད་སྒོ་སྤེལ་ཏེ།བོད་ཀྱི་སྨན་པ་དཀའ་བཅུ་པ300ཉེ་བ་ཞིག་གིས་གསོ་སྦྱོང་དང་ལེན་བྱེད་པ་མ་ཚད་ད་རུང་དཔྱད་ཞིབ་བྱས་པ་བརྒྱུད་བོད་སྨན་གསོ་སྦྱོང་གི་འོས་ཐོབ་ལག་ཁྱེར་དང་རྒྱ་སྨན་དང་བོད་སྨན་གྱི་ལག་རྩལ་གསོ་སྦྱོང་བྱེད་འཚམ་པའི་འོས་ཐོབ་ལག་ཁྱེར་ལོན་ཡོད།དུས་མཚུངས་སུ་ཀན་ལྷོ་བོད་རིགས་རང་སྐྱོང་ཁུལ་གྱིས་ནད་ཐོག་སྨོན་བཅོས་བྱེད་པའི་ཐད་ལ་རྒྱ་སྨན་དང་བོད་སྨན་རང་རང་གི་ཁྱད་ཆོས་དང་མཐུན་པའི་ནད་བརྟག་སྨན་བཅོས་བྱེད་ཐབས་བེད་སྤྱོད་བྱེད་པར་སྐུལ་འདེད་བཏང་བ་མ་ཚད།ད་རུང་རྒྱ་སྨན་དང་བོད་སྨན་སྨན་རྫས་གྲོང་ཁྱེར་དང་ཤང་གི་སྡོད་དམངས་ཀྱི་སྨན་བཅོས་ཉེན་འགོག་མ་ལག་དང་ཞིང་སྡེའི་རྣམ་པ་གསར་པའི་མཉམ་ལས་སྨན་བཅོས་ཀྱི་འགྲོ་སོང་རྩིས་ཞུ་བྱེད་པའི་གཞི་ཁྱོན་དུ་བཞག་པ་རེད།