ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ8པའི་ཚེས6ཉིན་འབྱོར་བའི་གཏམ་གསར།ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི།  རྒྱལ་ཁབ་ཀྲུའུ་ཞི།  ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་ཉེ་དུས་ཁྲོན་བོད་དང་མཚོ་བོད་གཞུང་ལམ་ཐོག་རླངས་འཁོར་ཤར་གཏོང་བྱས་ནས་ལོ60འཁོར་བར་མཆན་བཀོད་མཛུབ་སྟོན་གལ་ཆེན་གནང་སྟེ་གཞུང་ལམ་གཉིས་སྐྲུན་པའི་སྙིང་སྟོབས་དར་སྤེལ་བཏང་སྟེ་བོད་ལྗོངས་གོང་འཕེལ་ཡོང་བར་སྐུལ་འདེད་གཏོང་དགོས་ཞེས་ཐུགས་རེ་གནང་བ་རེད།
ཞི་ཅིན་ཕིང་གིས་བསྟན་དོན།ད་ལོ་ནི་ཁྲོན་བོད་དང་མཚོ་བོན་གཞུང་ལམ་ཐོག་རླངས་འཁོར་ཤར་གཏོང་བྱས་ནས་ལོ60འཁོར་བ་རེད།གཞུང་ལམ་དེ་གཉིས་བསྐྲུན་ནས་རླངས་འཁོར་ཤར་གཏོང་ཐུབ་པ་ནི་ཏང་གི་འགོ་ཁྲིད་འོག་ཀྲུང་གོ་གསར་པར་ཐོབ་པའི་གལ་ཆེའི་གྲུབ་འབྲས་ཡིན་ཞིང་།བོད་ལྗོངས་ཀྱིས་སྤྱི་ཚོགས་ལམ་ལུགས་ལ་ལོ་རྒྱུས་རང་བཞིན་རང་བཞིན་གྱི་མཆོང་རྒལ་ཡོང་བ་དང་།   དཔལ་འབྱོར་དང་སྤྱི་ཚོགས་འཕེལ་རྒྱས་ཇེ་མགྱོ གས་སུ་འགྲོ་བ།    ལྷོ་ནུབ་ཀྱི་མཐའ་མཚམས་སྲ་བརྟན་བྱས་པ་དང།  མི་རིགས་མཐུན་སྒྲིལ་་སྐུལ་འདེད་གཏོང་བ་བཅས་ཀྱི་ཐད་ནུས་པ་ཧ་ཅང་གལ་ཆེན་གྱི་ཐོན་པ་རེད།ཞི་ཅིན་ཕིང་གིས་ནན་གསུང་གནང་དོན།གནས་བབ་གསར་པའི་འོག་གཞུང་ལམ་གཉིས་སྐྲུན་པའི་སྙིང་སྟོབས་དར་སྤེལ་གཏོང་དགོས་ཤིང་།གཞུང་ལམ་གཉིས་བདག་སྐྱོང་ཡག་པོ་དང་བདེ་བགྲོད་ཐོགས་མེད་ཡོང་བ་བྱས་ཏེ་ཁྲོན་བོད་དང་མཚོ་བོད་གཞུང་ལམ་ནི་ཐོག་མཐའ་བར་གསུམ་དུ་མི་རིགས་མཐུན་སྒྲིལ་ཡོང་བའི་ལམ་བུ་དང་།བོད་ལྗོངས་ཀྱི་དཔལ་ཡོན་ཡར་ཐོན་ཡོང་བའི་ལམ་བུ།བོད་ལྗོངས་མི་རིགས་སོ་སོའི་སྤུན་ཟླ་ཚོ་ཐུན་མོང་དུ་ཕྱུག་འགྱུར་ཡོང་བའི་ལམ་བུར་གྱུར་པ་བྱེད་དགོས།ཏང་དང་སྲིད་གཞུང་གིས་བོད་ལྗོངས་ཀྱི་འགྲིམ་འགྲུལ་བྱ་གཞག་འཕེལ་རྒྱས་གཏོང་བར་ཧ་ཅང་མཐོང་ཆེན་གནང་ཡོད།རྒྱུན་ཆད་མེད་པར་རོགས་སྐྱོར་བྱེད་ཤུགས་ཆེ་རུ་བཏང་ཡོད་ཅིང་།  མཁས་ཅན་མི་སྣ་དང་ལག་རྩལ།  རྣམ་གྲངས།མ་དངུལ་སོགས་ཀྱི་ཐད་གཟིགས་སྐྱོང་བྱས་ཏེ་བོད་ལྗོངས་ཀྱི་འགྲིམ་འགྲུལ་རྣམ་པར་གནམ་ས་བླ་འོག་སྒྱུར་བའི་འཕོ་འགྱུར་བྱུང་ཡོད།2013ལོའི་ལོ་མཇུག་ཏུ་སླེབས་དུས།བོད་ལྗོངས་ཀྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་པའི་ལམ་ཐག་སྤྱི་ལེ48678ལ་ཟིན་པ་རེད།  ད་ལྟར།   ལྷ་སས་ལྟེ་གནས་བྱས་ཏེ་མཚོ་བོད་ལྕགས་ལམ་དང་།  གནམ་གྲུ་ཐང5   རྒྱལ་ཁབ་དང་ཞིང་ཆེན་རིམ་པའི་གཞུང་ལམ་གཙོ་བོ20   ཆེད་སྤྱོད་གཞུང་ལམ74གྲོང་བགྲོད་གཞུང་ལམ་མང་པོ་བཅས་ཀྱིས་གྲུབ་པའི་འགྲིམ་འགྲུལ་དྲ་བ་དེ་བོད་ལྗོངས་སུ་སྐྱོད་དཀའ་བའི་རྣམ་པ་དེ་ལོ་རྒྱུས་སུ་གྱུར་ཡོད་པ་རེད།འགྲིམ་འགྲུལ་སྐྱེལ་འདྲེན་པུའུ་ཡིས་ནན་ཏན་གྱིས་ཏང་ཀྲུང་དབྱང་གི་བོད་ལྗོངས་ལས་ཀ་སྐོར་གྱི་བྱེད་ཕྱོགས་སྲིད་ཇུས་ལག་ལེན་དོན་འཁྱོལ་བྱས་ཡོད་ཅིང།  《བོད་ལྗོངས་ཀྱི་འགྲིམ་འགྲུལ་སྐྱེལ་འདྲེན་ཚན་རིག་དང་བསྟུན་ནས་འཕེལ་རྒྱས་གཏང་རྒྱུའི་སྐོར་གྱི་གྲོས་གཞི་དུ་མ》གཏན་འབེབས་བྱས་ཏེ་བོད་ལྗོངས་འགྲིམ་འགྲུལ་མཆོང་རྒལ་འཕེལ་རྒྱས་ཡོང་བར་རོགས་སྐྱོར་བྱེད་ཤུགས་ཆེ་རུ་བཏང་ཡོད།2020ལོར་སླེབས་དུས་བོད་ལྗོངས་ཀྱི་གཞུང་ལམ་གྱི་གཞུང་ལམ་རིང་ཚད་སྤྱི་ལེ་ཁྲི11ཐོག་སླེབས་ཐུབ་པ་དང་།རྒྱལ་ཁབ་ཀྱི་རིམ་པ་གསུམ་ཡན་ཆད་ཀྱི་གཞུང་ལམ་བརྒྱ་ཆ65ལ་ཟིན་ཐུབ་པ་རེད།   རྫོང་ཚང་མར་འགྱིག་སྣུམ（ཨར་འདམ）གཞུང་ལམ་གཏོང་ཐུབ་པ་བྱ་རྒྱུ། གྲོང་སྡེ་ཚང་མར་གཞུང་ལམ་ཐར་བ་བྱ་རྒྱུ་རེད།  ལྕགས་ལམ་གཙོ་བོའི་དྲ་བ་ཐོག་མར་ཆགས་པ་བྱས་ནས་བདག་གཉེར་བྱེད་པའི་ལྕགས་ལམ་གྱི་རིང་ཚད་སྤྱི་ལེ་1300ལ་སླེབས་ཐུབ་པ་བྱ་རྒྱུ།གནམ་གྲྭ་ཐང་གཙོ་བོ་དང་ཡན་ལག་ཟང་འབྲེལ་བྱས་པའི་དམངས་སྤྱོད་གནམ་གྲུའི་བཀོད་སྒྲིག་བྱེད་ཚུལ་གྱི་དྲ་བ་ཐོག་མར་ཆགས་ཐུབ་པ་བྱས་ནས་འགྲུལ་པ་སྐྱེལ་འདྲེན་བྱེད་ཚད་མིའི་ཐེངས་གྲངས་ཁྲི700ཐོག་སླེབས་གང་ཐུབ་བཅས་བྱས་ཏེ་བོད་ལྗོངས་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བ་དང་བོད་ཁུལ་མི་དམངས་ཕྱུག་འགྱུར་དང་འབྱོར་འབྲིང་སྤྱི་ཚོགས་མངོན་འགྱུར་ཡོང་བར་འགྲིམ་འགྲུལ་གྱི་འགན་ལེན་བྱ་རྒྱུ་ཡིན་པ་རེད།