ཡེ་ཤེས་ཟླ་བས་དཀར་མཛེས་ནུབ་རྒྱུད་དངོས་མང་སྟོན་ཚོགས་ཀྱི་དཀར་མཛེས་ཁུལ་གྱི་འགྲེམས་སྟོན་ཁང་དུ་སྐོར་གཟིགས་གནང་།

2016-11-07

སྤྱི་ཟླ11པའི་ཚེས3ཉིན་གྱི་ཕྱི་དྲོར།ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཡེ་ཤེས་ཟླ་བ་སྐབས་བཅུ་དྲུག་པའི་ཀྲུང་གོའི་ནུབ་རྒྱུད་ཀྱི་རྒྱལ་སྤྱིའི་དངོས་མང་སྟོན་ཚོགས་ཀྱི་དཀར་མཛེས་ཁུལ་གྱི་འགྲེམས་སྟོན་ཁང་དུ་ཕེབས་ཏེ་ལྟ་སྐོར་བྱེད་མཁན་གྱི་ཚོང་པ་དང་ལས་སྒྲུབ་མི་སྣ་ལ་འཚམས་འདྲི་གནང་བས་མ་ཚད་རང་ཁུལ་འགྲེམས་སྟོན་ནང་ཞུགས་ཚུལ་ལ་རྒྱུས་ལོན་མཛད་པ་རེད།
ཡེ་ཤེས་ཟླ་བས་བསྟན་དོན། ནུབ་རྒྱུད་དངོས་མང་སྟོན་ཚོགས་ནང་ཞུགས་པ་ནི་དཀར་མཛེས་ཁུལ་གསལ་པོར་སྟོན་པ་དང་དཀར་མཛེས་ཁུལ་འོས་སྦྱོར་བྱས་པར་རྙེད་དཀའ་བའི་གོ་སྐབས་ཤིག་ཡིན་ཞིང་། ནུབ་རྒྱུད་དངོས་མང་སྟོན་ཚོགས་ཀྱི་དཔལ་འབྱོར་ཉོ་ཚོང་འགྲེམས་སྟེགས་དང་མཉམ་ལས་འདེགས་སྐྱོར། སྒོ་འབྱེད་སའི་ལས་སྟེགས་ཀྱི་ནུས་པ་འདོན་སྤེལ་གང་ལེགས་བྱས་ཏེ་དཀར་མཛེས་ཁུལ་གྱི་ལྗང་མདོག་ཐད་གཏོང་འཇོག་བྱེད་སའི་རིན་ཐང་གསལ་པོར་མངོན་བསྟན་ནས་ནུས་ཤུགས་ཡོད་རྒུས་གནས་མཆོག་དཀར་མཛེས་ཁུལ་གྱི་མཚོན་རྟགས་འཛུགས་སྐྱོང་བྱ་དགོས།
ཐེངས་འདིར་ཞུགས་པའི་འགྲེམས་སྟོན་ནང་རང་ཁུལ་འགྲེམས་སྟོན་ཁང་གི་རྒྱ་ཁྱོན་སྨི་གྲུ་བཞི་མ546ལ་ཟིན་ཞིང་། གནས་མཆོག་དཀར་མཛེས་ཁུལ་དང་ལྗང་མདོག་འཕེལ་རྒྱས་ཀྱིས་བརྗོད་གཞི་གཙོ་བོ་བྱས་ཏེ་ཕྱོགས་སོ་སོ་ནས་ཡུལ་སྐོར་ཐོན་ཁུངས་གཙོ་གནད་བྱས་ཏེ་ཁྱད་ཆོས་ཡོད་པའི་རིག་གནས་དང་ཞིང་འབྲོག་ལས། རྒྱ་བོད་སྨན་རྩྭ། ནུས་པའི་འབྱུང་ཁུངས། གཏེར་རྫས་སོགས་གཞན་ལས་ཁྱད་དུ་འཕགས་པའི་ཐོན་ཁུངས་དྲིལ་བསྒྲགས་བྱས་པར་བརྟེན། རང་ཁུལ་ལ་དམིགས་བསལ་གྱི་ཁྱད་ཆོས་ཡོད་པའི་ཆགས་སའི་དགེ་མཚན་དང་ཐོན་ཁུངས་ཀྱི་དགེ་མཚན། གཏོང་འཇོག་བྱེད་སའི་དགེ་མཚན། དེ་བཞིན་དུ་དཔལ་འབྱོར་དང་སྤྱི་ཚོགས་ཀྱི་གྲུབ་འབྲས་གཅིག་བསྡུས་ཀྱིས་གསལ་པོར་བསྟན་པར་སྤྱི་ཚོགས་ལས་རིགས་སོ་སོས་ཡོངས་ཁྱབ་ཏུ་དོ་ཁུར་བྱས་པ་རེད།
ཡེ་ཤེས་ཟླ་བས་ནན་གསུང་གནང་དོན། ནུབ་རྒྱུད་དངོས་མང་སྟོན་ཚོགས་ནི་ནུབ་རྒྱུད་ས་ཁུལ་གསར་སྦོལ་དང་སྒོ་འབྱེད་ཀྱི་འཕེལ་རིམ་ཇེ་མགྱོགས་སུ་གཏོང་སའི་དཔལ་འབྱོར་ཉོ་ཚོང་གི་འདུས་ཚོགས་ཆེན་པ་ཞིག་ཡིན་ཞིང་། ནུབ་རྒྱུད་དངོས་མང་སྟོན་ཚོགས་ཀྱི་ལས་སྟེགས་འདི་བེད་སྤྱོད་ཡག་པོ་བཏང་ནས་ཐོན་རྫས་འགྲེམས་སྟོན་དང་ལས་གཞི་འོས་སྦྱོར་ཡག་པོ་བྱེད་གང་ཐུབ་བྱས་པར་བརྟེན། ཕྱི་ཕྱོགས་ཀྱི་མི་ཚོར་སྔར་ལྷག་གིས་དཀར་མཛེས་ཁུལ་གྱི་འཕེལ་རྒྱས་ཀྱི་གྲུབ་འབྲས་དང་ཐོན་ཁུངས་རང་སྐྱེས། ཐོན་ལས་ཀྱི་རྨང་གཞི། ཚོང་རའི་དགོས་མཁོ། གཟིགས་སྐྱོང་སྲིད་ཇུས་སོགས་རྒྱུས་ལོན་བྱེད་དུ་འཇུག་རྒྱུ་དང་། སྔར་ལྷག་གིས་དཀར་མཛེས་ཁུལ་དུ་ཉེན་མེད་ཀྱི་གཏོང་འཇོག་བྱེད་ཁོར་ཡུག་དང་ཚོང་གཉེར་གྱི་གོ་སྐབས་ཡོད་པ་དེ་རྒྱུས་ལོན་བྱེད་དུ་བཅུག་ནས་ཕྱོགས་སོ་སོས་རང་ཁུལ་དུ་གཏོང་འཇོག་བྱས་ནས་ལས་རིགས་དར་རྒྱས་གཏོང་དུ་འོང་བར་ངར་སློང་བྱས་མཐར། མཛེས་སྡུག་ལྡན་པའི་སྐྱེ་ཁམས་འཆམ་མཐུན། འབྱོར་འབྲིང་གི་དཀར་མཛེས་ཁུལ་འཛུགས་སྐྱོང་ཇེ་མགྱོགས་སུ་སྐུལ་འདེད་གཏོང་བར་ཡུན་རིང་པོའི་སྒུལ་ཤུགས་དང་སྟོབས་ལྡན་གྱི་འདེགས་སྐྱོར་བསྣན་དགོས།།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10