རང་ཁུལ་གྱིས་དམར་དམག་རྒྱང་སྐྱོད་ལས་རྒྱལ་ཁ་ཐོབ་ནས་ལོ༨༠འཁོར་བར་དྲན་གསོ་བྱས་པའི་པར་རིས་འགྲེམས་སྟོན་བྱས།

ཨ་མགོན་གྱིས་བསྒྱུར། 2016-11-03

སྤྱི་ཟླ10པའི་ཚེས28ཉིན་གྱི་ཕྱི་དྲོར། དར་མདོའི་མཛའ་གཞས་ཐང་ཆེན་དུ་དམར་དམག་རྒྱང་སྐྱོད་ལས་རྒྱལ་ཁ་ཐོབ་ནས་ལོ80འཁོར་བར་དྲན་གསོ་བྱས་པའི་པར་རིས་འགྲེམས་སྟོན་བྱས་པ་རེད།
བརྗིད་ཉམས་ལྡན་པའི་དམར་དམག་རྒྱང་སྐྱོད་ཀྱི་ལོ་རྒྱུས་ནང་དཀར་མཛེས་ཁུལ་དུ་དམར་དམག་རྒྱང་སྐྱོད་བརྒྱུད་པའི་ལོ་རྒྱུས་བཀོད་ཡོད་པ་རེད། དམར་དམག་རྒྱང་སྐྱོད་བྱེད་སྐབས་དཀར་མཛེས་ཁུལ་གྱི་བོད་ཁུལ་དུ་ས་གནས་ཀྱི་ཏང་རྩ་འཛུགས་དང་བོད་པ་སྲིད་གཞུང་བཙུགས་ནས་རྒྱང་སྐྱོད་ལས་རྒྱལ་ཁ་ཐོབ་པར་རྨང་གཞི་བརྟན་པོ་བཏིང་ཡོད་པ་རེད། དམར་དམག་དཔུང་ཚོགས་དང་པོ་དང་གཉིས་པ། བཞི་པ་བདེ་བླག་ངང་བྱང་རྒྱུད་དུ་སྐྱོད་ཐུབ་པའི་ཆེད་དུ། རང་ཁུལ་གྱི་ཞིང་འབྲོག་མང་ཚོགས་ཀྱིས་ནས་དང་བལ་སོགས་བྱིན་ནས་ཀྲུང་གོའི་གསར་བརྗེ་ལ་རང་སྲོག་བློས་གཏོང་དང་བྱས་རྗེས་ཆེན་པོ་བཞག་པ་རེད། བསྡོམས་རྩིས་རགས་ཙམ་བྱས་པར་གཞིགས་ན། དཀར་མཛེས་ཁུལ་གྱི་བོད་ཁུལ་གྱི་རྫོང་ཁག་བཅོ་ལྔའི་མི་སེར་ཁྲི10ལྷག་གིས་འབྲུ་རིགས་རྒྱ་མ་ཧ་ལམ་ཁྲི90ཙམ་བྱིན་ཡོད་པ་རེད། 1950ལོར་བློ་མཐུན་ཏེང་ཞའོ་ཕིང་གིས་དཀར་མཛེས་ཁུལ་བོད་ཁུལ་གྱི་མི་དམངས་ཚོས་དམར་དམག་གི་དངོས་ཤུགས་སོར་གནས་བྱ་ཆེད་འགན་འཁྲི་ཆེན་པོ་བསྒྲུབས་ཡོད་པ་རེད་ཅེས་གདེང་འཇོག་གནང་བ་རེད། དམར་དམག་དཀར་མཛེས་ཁུལ་དུ་ཡུན་རིང་བསྡད་མེད་ནའང་གུང་ཁྲན་ཏང་དང་དམར་དམག་གི་གསར་བརྗེའི་འདོད་བློ་དྲིལ་བསྒྲགས་ཧུར་ཐག་བྱས་ཏེ་མང་ཚོགས་ལ་སྐུལ་སློང་བྱས་པ་དང་ཆབས་ཅིག ཏང་གི་མི་རིགས་སྲིད་ཇུས་དང་མང་ཚོགས་ལས་ཀའི་སྒྲིག་ལམ་རང་དཔེ་གཞན་སྟོན་གྱི་ལག་ལེན་བྱས་པར་བརྟེན། མི་རིགས་སོ་སོའི་མང་ཚོགས་ཀྱིས་བརྩི་བཀུར་བྱས་ཏེ་དཀར་མཛེས་ཁུལ་དུ་ལོ་རྒྱུས་ཀྱི་ཤུགས་རྐྱེན་ཟབ་མོ་བཞག་པ་རེད།

རང་ཁུལ་གྱིས་དམར་དམག་རྒྱང་སྐྱོད་ལས་རྒྱལ་ཁ་ཐོབ་ནས་ལོ༨༠འཁོར་བར་དྲན་གསོ་བྱས་པའི་པར་རིས་འགྲེམས་སྟོན་བྱས།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10