ཞིན་ཧྭ་གསར་འགྱུར་ཁང་ཞང་ཀང་ནས་ཟླ་བ8པའི་ཚེས5ཉིན་འབྱོར་བའི་གཏམ་གསར། ཟླ་བ8པའི་ཚེས3ཉིན་ཡུན་ནན་ཀྲའོ་ཐུང་གྲོང་ཁྱེར་ལུའུ་ཏེན་རྫོང་དུ་རིམ་པ6.5ཅན་གྱི་ས་འགུལ་བྱུང་སྟེ། མི་མང་པོ་ཤི་རྨས་བྱུང་བ་དང་མི་ཁྲི་བརྒྱ་ལ་གནོད་སྐྱོན་ཐེབས། ལི་ཅ་ཁྲེང་གི་ཐེབས་རྩ་ཚོགས་པས་བྲེལ་མྱུར་རོགས་སྐྱོར་གྱི་ནང་རྐྱེན་སྤེལ་འགོ་བཙུགས་ཏེ་ཡུན་ནན་ཞིང་ཆེན་མི་དམངས་སྲིད་གཞུང་ལ་སྒོར་ཁྲི3000ཞལ་འདེབས་ཕུལ་ཏེ་མུག་སྐྱོབ་བྱེད་པར་སྤྱད། ཐེབས་རྩ་ཚོགས་པས་ཡུན་ནན་ལུའུ་ཏེན་ས་འགུལ་ཁྲོད་རྐྱེན་ལམ་དུ་ཤོར་བའི་མི་སྣར་མྱ་ངན་ཞུས་ཤིང་། གནོད་སྐྱོན་ཐེབས་པའི་མང་ཚོགས་ལ་འཚམ་འདྲི་ཞུས་པ་མ་ཚད། གནོད་སྐྱོན་ཐེབས་པའི་མི་དམངས་ཀྱིས་ཁྱིམ་གཞིས་བསྐྱར་འཛུགས་སྔར་ཙམ་བྱས་ཏེ་རྒྱུན་ལྡན་འཚོ་བ་སླར་གསོ་ཡོང་བར་རེ་སྒུག་བྱས།
  ངོ་སྤྲོད་བྱས་པར་གཞིགས་ན། ལི་ཅ་ཁྲེང་གི་ཐེབས་རྩ་ཚོགས་པའི་ཁོངས་འོག་ཏུ་བྲེལ་མྱུར་གྱི་རོགས་སྐྱོབ་ནང་རྐྱེན་བསྐྲུན་པ་དང་རང་བྱུང་གནོད་པ་དང་གློ་བུར་དོན་རྐྱེན་བྱུང་ན་དེ་མ་ཐག་འཁོར་བསྐྱོད་བྱས་ཏེ་མགྱོ གས་མྱུར་རོགས་སྐྱོབ་བྱ་རྒྱུ་རེད།