ཉེ་ཆར།  ཞིང་ཆེན་སྐབས་བཅུ་གཉིས་པའི་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉེར་བརྒྱད་པས་རྣམ་གྲངས་སོ་སོའི་གྲོས་རིམ་ཁག་རྒྱལ་ཁའི་ངང་ལེགས་གྲུབ་བྱུང་ནས་མཇུག་སྒྲིལ། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཝང་ཏུང་མིང་གིས་མངགས་བཅོལ་ལྟར། ཞིང་ཆེན་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ཁྲེན་བཀང་ཀྲི་ཡིས་གྲོས་ཚོགས་ལ་གཙོ་སྐྱོང་གནང་།
   ཚོགས་ཐོག་རུ་ཞིང་དཔོན་དབྱི་ལི་ཡིས་ཞིང་ཆེན་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་བཏོན་པའི་བསྐོ་འཐེན་གྲོས་གཞི་ལ་གྲོས་འཆམ་བྱུང་ནས། ཞིང་ཆེན་སྲིད་གཞུང་གི་དྲུང་ཡིག་ཆེན་མོ་བ་ལོ་ཆང་གི་གོ་གནས་དང་ཞིང་ཆེན་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་གི་ཀྲུའུ་རིན་ཐང་ལི་མིང་གི་གོ་གནས་མེད་པར་བཟོས། ཐང་ལི་མིང་ཞིང་ཆེན་སྲིད་གཞུང་གི་དྲུང་ཡིག་ཆེན་མོ་བར་བསྐོ་བཞག་བྱ་རྒྱུ་དང་། ཧྥན་པའོ་ཞིང་ཆེན་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་གི་ཀྲུའུ་རིན་དུ་བསྐོ་བཞག་བྱ་རྒྱུའི་ཐག་གཅོད་གནང་།
    གྲོས་ཚོགས་ཐོག་ཏུ་སི་ཁྲོན་ཞིང་ཆེན་གྱི་གཟུགས་མེད་ཤུལ་བཞག་རིག་གནས་ཀྱི་སྲོལ་ཡིག་འཆར་ཟིན་དང་། སི་ཁྲོན་ཞིང་ཆེན་གྱི་སིལ་ཚོང་ཨར་འདམ་བཀོལ་སྤྱོད་བྱེད་པའི་སྲོལ་ཡིག་འཆར་ཟིན་གཉིས་ལ་རྗེས་ཕྱོགས་སུ་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་གི་ཐོག་མུ་མཐུད་དུ་གྲོས་ཞིབ་བྱ་རྒྱུའི་ཐག་གཅོད་བྱས། དེ་མིན་སི་ཁྲོན་ཞིང་ཆེན་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་གསར་སྐྲུན་མཉམ་འགུལ་གྱི་འཕེལ་རྒྱས་འཐབ་ཇུས་ཀྱི་ལག་བསྟར་མགྱོགས་སུ་གཏོང་བའི་གཏན་འབེབས་དང་།སི་ཁྲོན་ཞིང་ཆེན་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་སི་ཁྲོན་ཞིང་ཆེན་གྱི་གྲོང་སྡེ་དང་གྲོང་རྡལ་གྱི་མི་དམངས་འཐུས་མི་ཚོགས་ཆེན་གྱི་ཀྲུའུ་ཞི་ཚོགས་པའི་ལས་ཀའི་སྲོལ་ཡིག་གི་གཏན་འབེབ་དང་ཁྲེན་ཏུའུ་གྲོང་ཁྱེར་གྱི་འཛུགས་སྐྲུན་ཡུལ་དངོས་ཀྱི་དོ་དམ་སྲོལ་ཡིག ཕན་ཀྲི་ཧྭ་གྲོང་ཁྱེར་གྱི་ས་གནས་ཀྱི་ཁྲིམས་འཛུགས་སྲོལ་ཡིག དཀར་མཛེས་བོད་རིགས་རང་སྐྱོང་ཁུལ་གྱི་ཁྲིམས་འཛུགས་གྲོས་རིམ་གྱི་གཏན་འབེབ་དང་དཀར་མཛེས་བོད་རིགས་རང་སྐྱོང་ཁུལ་གྱིས་སི་ཁྲོན་ཞིང་ཆེན་གྱི་གྲོང་ཁྱེར། གྲོང་གསེབ་གྱི་ཁོར་ཡུག་ཕྱོགས་བསྡུས་བཅོས་སྐྱོང་བྱེད་པའི་སྲོལ་ཡིག་ལག་བསྟར་བྱེད་པའི་ཁ་གསབ་གཏན་འབེབ་དང་། དཀར་མཛེས་བོད་རིགས་སྐྱོང་ཁུལ་གྱིས་ཐུན་མོང་ཐོག་ནགས་ཚལ་འདེབས་འཛུགས་བྱས་ཏེ་ཚོང་གཉེར་བྱེད་པའི་དོ་དམ་སྲོལ་ཡིག་གི་གཏན་འབེབ་བཅས་ལ་གྲོས་འཆམ་བྱུང་བར་མ་ཟད། གཞན་པའི་ལས་གནས་བསྐོ་འཐེན་གྱི་གྲོས་གཞི་ཁག་ལ་ཡང་གྲོས་འཆམ་བྱུང་།།