ལུང་རིན་ཆེན་གྱི་བརྩམས་ཆོས་མཚན་འགོད་འགྲེམ་སྤེལ་ཡུལ་དངོས། 

སྐད་གཉིས་རྩོམ་པ་པོ་གྲགས་ཅན་སྐུ་ཞབས་ལུང་རིན་ཆེན་གྱི་བརྩམས་ཆོས་གསར་བ།

ཀློག་པ་པོ་དང་ལྷན་དུ་བསམ་བློ་བརྗེ་རེས་བྱེད་བཞིན་པ། 

ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས16ཉིན། ཕ་ཡུལ་མཚོ་ལྷོ་ནས་ཡིན་པའི་དེང་རབས་བོད་ཀྱི་སྐད་གཉིས་རྩོམ་པ་པོ་གྲགས་ཆེན་སྐུ་ཞབས་ལུང་རིན་ཆེན་གྱི་བོད་ཡུལ་རིག་མཛོད་དེབ་ཕྲེང་གསུམ་གྱི་ཐོག་མའི་མཚན་འགོད་འགྲེམ་སྤེལ་ཚོགས་འདུ་མཚོ་ལྷོ་ཁུལ་དཔེ་མཛོད་ཁང་དུ་བསྡུས་ཤིང་། ཚོགས་འདུ་ལ་མཚོ་ལྷོ་ཁུལ་རྩོམ་པ་པོ་མཐུན་ཚོགས་ཀྱི་ཀྲུའུ་ཞི་ཁུང་ཀྲེན་ཝེ་ཡིས་འགོ་འཛིན་མཛད་ཅིང་། ཚོགས་འདུ་གོ་རིམ་ལ་རྩོམ་རིག་རོལ་མྱོང་། རྩོམ་པ་པོའི་མྱོང་སྣང་། བསམ་བློ་བརྗེ་རེས། དཔེ་ཆར་མཚན་འགོད་བཅས་རིགས་བཞི་རུ་དབྱེ་ཡོད། ཚོགས་སྟེང་དུ་མཚོ་ལྷོའི་རྩོམ་པ་པོ་དང་སྨྱན་བྱད་ལས་རིགས་ཁག་གི་མི་སྣ་བརྒྱ་གྲངས་ལྷག་འདུས་ནས་ཁོང་གི་བརྩམས་ཆོས་པར་སྐྲུན་ཐོན་པར་དགའ་བསུ་དང་རྟེན་འབྲེལ་ཞུས།