ཉེ་ལམ། མགོ་ལོག་ཁུལ་མང་ཚོགས་སྒྱུ་རྩལ་དང་ཁུལ་རིག་གནས་ཅུའུ་གཉིས་ཀྱིས་སྐབས་དང་པོའི་རྒྱལ་ཡོངས་གཟུགས་འདས་ཤུལ་བཞག་རིག་གནས་སྡེར་ནང་ས་བྲིས་ཀྱི་ཡིག་གཟུགས་འགྲན་བསྡུར་ཆེན་མོ་དེ་མགོ་ལོག་ཁུལ་མང་ཚོགས་སྒྱུ་རྩལ་ཁང་དུ་སྤེལ།བྱ་འགུལ་དེ་འདྲ་བསྒྲུབས་པའི་དམིགས་ཡུལ་ནི་བོད་རང་གི་ཐུན་མོང་མ་ཡིན་པའི་གཟུགས་འདས་ཤུལ་བཞག་རིག་གནས་ཏེ་སྡེར་ནང་ས་བྲིས་རྒྱུད་འཛིན་དང་དར་སྤེལ་བྱས་ནས་མ་འོངས་པར་འཛམ་གླིང་དུ་ཁ་ཕྱོགས་ནས་དོན་དངོས་རང་བཞིན་གྱི་གོ་གནས་ངེས་ཅན་ཞིག་འཛིན་རྒྱུ་དེ་རེད།ཐེངས་འདིའི་བྱ་འགུལ་ལ་སྐྱ་སེར་ཕོ་མོ་སློབ་མ་བཅས་ཁྱོན་བསྡོམས་མི50ལྷག་ཞུགས་པར་མ་ཟད། རང་རང་གི་སྨྱུག་རྩལ་ལྟར་བྱ་དགའ་ཨང་དང་པོ1དང་སྒོར3000།ཨང་གཉིས་པ2དང་རེ་རེར་སྒོར2000རེ། བྱ་དགའ་ཨང་གསུམ་པ3དང་རེ་རེར་སྒོར1000རེ་དང་།ཕུལ་བྱུང་བྱ་དགའ་མི8དང་རེ་རེར་སྒོར500བཅས་ཁྱོན་བསྡོམས་མི12ལ་བྱ་དགའ་གནང་ནས་སྐུལ་མ་གནང་།