ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ3པའི་ཚེས24ཉིན་འབྱོར་བའི་གཏམ་གསར།སློབ་གསོ་པུའུ་ནས་ཤེས་རྟོགས་བྱུང་བར་གཞིགས་ན།2020ལོར་སླེབས་སྐབས་སློབ་རྒྱུས་མཐོ་རུ་གཏོང་འདོད་ཡོད་ལ་སློབ་ཞུགས་ཀྱི་ཆ་རྐྱེན་འཛོམས་པའི་ཞིང་པ་ལས་མིའི་ཁྲོད་ནས་མི་ཁྲི150ལ་སློབ་རྒྱུས་ཀྱི་རྒྱུན་མཐུད་སློབ་གསོའི་རོགས་དངུལ་སྤྲད་དེ་ཁོང་ཚོར་ལག་རྩལ་དང་རྩལ་ནུས་ཀྱི་གསོ་སྦྱོང་ཐོབ་པ་བྱ་རྒྱུ་དང་།སློབ་ཡོན་མི་དགོས་པའི་སློབ་ཚན་བརྒྱུད་རང་ཉིད་ཀྱི་བྱང་ཚད་མཐོ་རུ་གཏོང་རྒྱུ་དང་ལས་སྒོའི་འཇོན་ཐང་ཆེ་རུ་གཏོང་ཐུབ་པ་བྱ་རྒྱུ་རེད།
ཤེས་རྟོགས་བྱུང་བར་གཞིགས་ན།ཉེ་ཆར་སློབ་གསོ་པུའུ་དང་ཀྲུང་ཧྭ་རྒྱལ་ཡོངས་སྤྱི་ཁྱབ་བཟོ་ཚོགས་ཀྱིས《ཞིང་པ་ལས་མིའི་སློབ་རྒྱུས་དང་འཇོན་ཐང་མཐོར་གཏོང་བྱ་སྤྱོད་འཆར་གཞི་སྟེ་“སློབ་ཞུགས་རེ་སྒྲུབ་བྱ་སྤྱོད”ཀྱི་ལག་བསྟར་ཇུས་གཞིའི་བརྡ་ཐོ》པར་འགྲེམས་བྱས་པ་རེད།
སློབ་གསོ་པུའུ་ལས་རིགས་སློབ་གསོ་དང་དར་མའི་སློབ་གསོ་སིའི་སི་ཀྲང་ཀེ་ཏའོ་ཁའེ་ཡིས་ངོ་སྤྲོད་བྱས་པར་གཞིགས་ན།“ལོ་ལྟར་རྒྱལ་ཡོངས་ཁྱབ་ཁོངས་ནང་གི་ཞིང་པ་ལས་མི་ཁྲི30ཡི་དངོས་གཞིའི་ཚན་ཁག་དང་ཆེད་ལས་ཚན་ཁག་རིམ་པ་དེ་གཉིས་ཀྱི་མཐོ་རིམ་སློབ་རྒྱུས་ཀྱི་རྒྱུན་མཐུད་སློབ་གསོའི་ཐད་རོགས་དངུལ་སྤྲོད་ཀྱི་ཡོད”ཁྱབ་ཁོངས་དེའི་གཙོ་གནད་ནི་གཏན་འཇགས་ཀྱི་ངལ་རྩོལ་གན་རྒྱ་བཞག་པའི་ཞིང་པ་ལས་མིར་ཕྱོགས་ནས་ལས་གནས་རྩལ་ནུས་གསོ་སྦྱོང་བྱ་རྒྱུ་དེ་རེད།དེ་བྱིངས་ནུས་རྒྱུ་བསྲི་ཚགས་དང་བཙོག་འབུད་ཉུང་གཏོང་དང་།ཐོན་ནུས་རྗེས་ལུས་ཐེབས་པ།ཐོན་ནུས་ཆེ་དྲགས་པ་བཅས་ཀྱི་ཁེ་ལས་ལ་ལས་སྒྱུར་གསོ་སྦྱོང་དང་།
རྩལ་ནུས་མཐོར་གཏོང་གསོ་སྦྱོང་།རྩལ་ནུས་སྔོན་སྦྱོང་གསོ་སྦྱོང་བཅས་ཧུར་ཐག་བྱ་རྒྱུ་རེད་ཅེས་བརྗོད་ཡོད།
གཞན་ཡང་ད་ཡོད་ཀྱི་ཐོན་ཁུངས་དང་དེ་བཞིན་ཐོན་ཁུངས་དང་དེ་བཞིན་ཐོན་ཁུངས་ཞབས་ཞུའི་ལས་སྟེགས་གང་ལེགས་སྤྱད་དེ་ཞིང་འབྲོག་པར་ཕྱོགས་པའི་སྤུས་ལེགས་ཀྱི་དྲ་བའི་སློབ་སྦྱོང་ཐོན་ཁུངས་ཀྱི་སྤྱི་པའི་ཞབས་ཞུའི་ལས་སྟེགས་བསྐྲུན་རྒྱུ་རེད།རྒྱལ་ཁབ་ཀྱི་གྲངས་གཞི་ཅན་སློབ་སྦྱོང་ཐོན་ཁུངས་ལྟེ་གནས་དང་རིགས་ཁག་གི་སློབ་གླིང་སློབ་ཆེན་གྱིས་ཁེ་ལས་དང་མནའ་འབྲེལ་བྱས་པ་དང་།དྲ་ཐོག་སློབ་གསོ་དང་མནའ་འབྲེལ་བྱས་པ་སོགས་ཀྱི་ནུས་པ་འདོན་སྤེལ་གང་ལེགས་བྱས་ཏེ་དྲ་བའི་ཐོན་ཁུངས་སྒོ་དབྱེའི་མིང་གཞུང་བཟོས་ནས་ཞིང་པ་ལས་མིས་ག་དུས་ཡིན་ཡང་སློབ་སྦྱོང་དང་ཚེ་གང་རིང་སློབ་སྦྱོང་བྱེད་ཐུབ་པ་བྱ་རྒྱུ་རེད།།