ཞིན་ཧྭ་གསར་འགྱུར་ཁང་ཁྲེན་ཏུའུ་ནས་འབྱོར་བའི་གཏམ་གསར། སི་ཁྲོན་ཞིང་ཆེན་རྔ་བ་བོད་རིགས་ཆའང་རིགས་རང་སྐྱོང་ཁུལ་སློབ་གསོ་ཅུས་ཀྱིས་ཉེ་ཆར་བོད་རྒྱ་སྐད་ཡིག་གཉིས་ཀྱི་ཀློག་དེབ56རྩོམ་སྒྲིག་བྱས་ཤིང་།ལོ་ལྔའི་ནང་ཚུན་དུ་ས་གནས་དེ་གའི་བུ་བཅོལ་ཁང་དང་སློབ་གྲྭ་ཆུང་འབྲིང་ལ་རིན་མེད་ངང་དཔེ་དེབ་ཁྲི56སྤྲད་ནས་གྲངས་ཉུང་མི་རིགས་ཀྱི་རིག་གནས་སྲུང་སྐྱོང་དང་རྒྱུན་འཛིན་ལ་སྐུལ་མ་གཏང་རྒྱུའི་འཆར་གཞི་ཡོད་པ་རེད།བོད་ལྗོངས་དང་། སི་ཁྲོན། ཀན་སུའུ། མཚོ་སྔོན། ཡུན་ནན་བཅས་ཀྱི་བོད་རིགས་འདུས་སྡོད་ཁུལ་དུ་སྐད་གཉིས་སློབ་གྲྭ་ཡོངས་ཁྱབ་ངང་བཙུགས་ཡོད་པས། དེ་ཁུལ་གྱི་བོད་རིགས་སློབ་མས་བརྒྱུད་རིམ་ལྡན་པའི་སྒོ་ནས་བོད་ཡིག་སློབ་སྦྱོང་བྱེད་ཆོག་ལ། ད་རུང་བོད་ཡིག་ཐོག་ནས་རྩིས་རིག་དང་། དངོས་ཁམས། རྫས་འགྱུར། ས་ཁམས་སོགས་སློབ་ཚན་སློབ་སྦྱོང་བྱེད་ཐུབ་ཀྱི་ཡོད། ཡིན་ནའང་བོད་རྒྱ་སྐད་ཡིག་གཉིས་ཀྱི་ཐོག་ནས་རྩོམ་འབྲི་བྱས་པའི་ཀློག་དེབ་དང་ལྷག་པར་དུ་བྱིས་པའི་ཀློག་དེབ་སྔར་བཞིན་དཀོན་པོ་ཡོད་པ་རེད།
བོད་རྒྱ་སྐད་ཡིག་གཉིས་ཀྱི་ཀློག་དེབ་ཁ་ཤས་ལ་ས་ཆ་དེ་གའི་རིགས་གནས་ཀྱི་ཁྱད་ཆོས་མངོན་གསལ་དོད་པོ་ཡོད་ཅིང་། 《རྩྭ་ཐང་ངའི་ཁྱིམ་གཞིས་ཡིན》ཞེས་པ་དང་དེ་རྔ་བ་ཁུལ་གྱི་ཨ་མདོའི་ཡུལ་སྐད་སྤྱོད་པའི་བོད་རིགས་འདུས་སྡོད་ཁུལ་ལ་དམིགས་པ་ཞིག་རེད། དེབ་དེ་ནི་ས་ཁུལ་དེ་གའི་ལོ་རིམ་བཞི་པ་ཡན་གྱི་སློབ་ཆུང་སློབ་མར་དམིགས་ནས་བརྩམས་པ་དང་། ཨ་མདོའི་ཡུལ་སྐད་སྤྱོད་ཅིང་ནང་དོན་སྲོལ་རྒྱུན་གྱི་དུས་ཆེན་དང་། ལག་ཤེས་བཟོ་རྩལ། གུས་ལུགས། སྒྲུང་གཏམ་བཅས་དང་འབྲེལ་བ་ཡོད་པ་རེད།