ཉེ་ཆར། ཁུལ་སྲིད་གྲོས་ཀྱིས《དཀར་མཛེས་ཁུལ་སྲིད་གྲོས་ཀྱི2016ལོའི་གཙོ་གནད་ལས་ཀ》པར་འགྲེམས་བྱས་ནས ད་ལོའི་གཙོ་གནད་ལས་ཀ་གཏན་འཁེལ་བྱས་པ་རེད།

　ཁུལ་སྲིད་གྲོས་ཀྱིས་ཁུལ་ཡོངས་ཀྱི་དམིགས་ཡུལ་གཅིག་དང་འགག་རྩ་གཉིས། དོན་ཆེན་གསུམ། འཐབ་ཇུས་ཆེན་པོ་དྲུག་བཅས་སྤྱི་ཡོངས་ཀྱི་ལས་ཀའི་གནས་བབ་ལ་དམ་པོ་དམིགས་ཏེ། སྔར་ལས་ལྷག་པར་འགན་འཁྲི་ཡག་པོ་བསྒྲུབས་ནས་སྲིད་གྲོས་ཀྱི་དགེ་མཚན་ལྡན་པའི་ནུས་པ་འདོན་སྤེལ་གང་ལེགས་བྱ་རྒྱུ་དང་། ཁུལ་དང་རྫོང་གི་སྲིད་གྲོས་དང་ལས་རིགས་ཁག་གི་ཚོགས་པ། རྒྱ་ཆེའི་སྲིད་གྲོས་ཨུ་ཡོན་སྒྲིག་འཛུགས་དང་ཁྲིད་སྟོན་བྱས་ནས་ཁུལ་དང་རྫོང་གི་འབྲེལ་ཡོད་སྡེ་ཁག་དང་གཞོགས་འདེགས་མཉམ་འགུལ་བྱ་རྒྱུ་དང་། བསྒྱུར་བཅོས་དང་འཕེལ་རྒྱས། དམངས་འཚོ། བརྟན་བརླིང་ཁྱབ་ཁོངས་ནང་གི་གཙོ་གནད་དང་དཀའ་གནད། ཚང་མས་སེམས་ཁུར་བྱེད་པའི་གནད་དོན་ལ་གཞིགས་ནས་རྣམ་པ་སྣ་ཚོགས་ཀྱི་གྲོས་མོལ་སྲིད་གྲོས། ཐབས་འདོན་ཇུས་འདོན་གྱི་ལས་ཀ་སྤེལ་ནས་དམིགས་བསལ་རང་བཞིན་དང་སྤྱོད་གོ་ཆོད་པའི་རང་བཞིན། ལག་ལེན་བསྟར་འཐུས་རང་བཞིན་ཀྱི་བསམ་འཆར་དང་གྲོས་འགོ་འདོན་རྒྱུ་རེད།

　 གཙོ་གནད་དུ་ཁུལ་ཡོངས་ཀྱི་ཞིང་འབྲོག་ཁུལ་གྱི་གཞི་རིམ་རིག་གནས་འཛུགས་སྐྱོང་བྱེད་ཚུལ་ལ་བརྟག་ཞིབ་བྱ་རྒྱུ་དང་།

གྲོང་ཁྱེར་དང་གྲོང་རྡལ་འཛུགས་སྐྲུན་དང་དོ་དམ་བྱས་ཚུལ་ལ་ཆེད་དོན་ལྟ་ཞིབ་བྱ་རྒྱུ། ཐུམ་འབུའི་ནད་འགོག་བཅོས་བཅས་ལ་སྐུལ་འདེད་གཏང་རྒྱུ། སློབ་ལོར་མ་སོན་གོང་གི་སློབ་གསོའི་ཐད་ཆེད་དོན་བཞིའི་ཆེད་དོན་ཨུ་ལྷན་གྱི་རིགས་མཐུན་གྲོས་མོས་བྱེད་ཤུགས་ཆེ་རུ་གཏང་རྒྱུ། མི་ཚང་མས་བྱ་གཞག་གསར་གཏོད་བྱེད་པར་སྐུལ་སྤེལ་གཏང་རྒྱུའི་སྲིད་ཇུས་མ་ལག་འཛུགས་སྐྱོང་བྱ་རྒྱུར་དམིགས་ཏེ། གྲོས་གཞིའི་ནང་ནས་གྲོས་གཞི2ནས3བར་བདམས་ནས་གཙོ་གནད་གྲོས་གཞི་སྒྲུབ་གཉེར་བྱ་རྒྱུའི་ཁོངས་སུ་བཞག་ནས་ལས་རིགས་སོ་སོས་གྲོས་མོལ་བྱ་རྒྱུ་རེད།།