ལམ་སྟོན་དྲ་བའི་དྲ་ངོས་གསར་བ་དངོས་སུ་ཤར་གཏོང་བྱས་པ།

     ལམ་སྟོན་དྲ་བ་ནི་སྤྱི་ལོ2015ལོའི་བོད་ལུགས་ལོ་གསར་དང་ལྷན་དུ་དབུ་བརྙེས་པའི་དྲ་ཚུགས་ཤིག་ཡིན་ཞིང་། སྤྱི་ལོ2015ལོའི་ལོ་སྨད་དུ་ལམ་སྟོན་དྲ་བའི་མ་དངུལ་དང་དོ་དམ་སོགས་གང་ཅིའི་ཐད་ནས་ལས་ཞོར་རྐྱང་རྐྱང་ཞིག་གིས་མི་འཁྱོངས་བར་བསམ་ནས་ལམ་སྟོན་དྲ་བ་རེ་ཞིག་སྒོ་བརྒྱབ་པ་ཡིན་མོད། རྒྱ་ཆེའི་ཀློག་པ་པོ་དག་གིས་ལམ་སྟོན་དྲ་བས་ཕན་ཐོག་ཇི་ལྟར་ཡོང་ཚུལ་དང་། བོད་ལ་དྲ་ཚུགས་འདི་འདྲ་ཞིག་མཁོ་ཚུལ་སོགས་ཀྱི་རེ་འདུན་མང་དུ་ཞུ་སྟབས། ནོར་བཟང་ཚན་རྩལ་རིག་གནས་ཁྱབ་སྤེལ་ལྟེ་གནས་ཀྱིས་ལམ་སྟོན་དྲ་བའི་དྲ་ངོས་གསར་བརྗེ་དང་ལམ་སྟོན་དྲ་བ་བསྐྱར་གཏོང་གི་བྱ་བའི་མགོ་བརྩམས་པ་ཡིན། དྲ་བ་འདིའི་ནང་དུ་བོད་ཡིག་དང་། བོད་ཀྱི་འབྲེལ་ཡོད་དྲ་གནས་ཕལ་མོ་ཆེ་འདུས་ཡོད་པས། ལོ་གཅིག་གི་ནང་དུ་ཀློག་མཁན་མི་གྲངས་ཁྲི20ལྷག་ཟིན་པ་དང་། རྒྱ་ཆེའི་ཀློག་པ་པོ་དག་གིས་དགའ་བསུ་བླ་མེད་ཐོབ་ཡོད།
     ལམ་སྟོན་དྲ་བས་རྒྱ་ཆེའི་བོད་རིག་མང་ཚོགས་ལ་བོད་ཡིག་དྲ་ཚུགས་ཀློག་པར་སྟབས་བདེ་བསྐྲུན་ཡོད་དེ། འཚོལ་བཤེར་མ་ལག་དག་གིས་བོད་ཡིག་ལ་རྒྱབ་སྐྱོར་ལེགས་པོ་མེད་པ་དང་། བོད་ཡིག་དྲ་ཚུགས་ཤིག་འཚོལ་དགོས་ཚེ་ངེས་པར་དུ་དྲ་ཚུགས་རྒྱུས་ཡོད་ཅིག་གི་ཕུན་ཚོགས་མཛའ་འབྲེལ་ནང་ཡོད་པའམ། ཡང་ན་འཕྲིན་ཕྲན་དང་འཕྲིན་སྟེགས་སོགས་བརྒྱུད་ནས་ཤེས་རྟོགས་ཡོང་དགོས་སྟབས། ལམ་སྟོན་དྲ་བས་ཁྱེད་ཅག་ལ་དྲ་གནས་གཅིག་ཤེས་ན་བོད་ཡིག་དྲ་གནས་ཡོངས་རྫོགས་ཤེས་པའི་མཐུན་རྐྱེན་བསྐྲུན་ཡོད།  དེ་བས་ལམ་སྟོན་དྲ་བས་བོད་ཡིག་དྲ་ཚུགས་ཤིག་ཡིན་པ་ནས་བཟུང་མི་སྒེར་དང་གཞུང་དྲ་སོགས་དྲ་ཚུགས་བཟང་ངན་གྱི་བར་ཁྱད་མེད་པར་དྲ་ངོས་སུ་འཇོག་བཞིན་ཡོད་ལ།  ད་དུང་འདིར་མ་འདུས་པའི་བོད་ཡིག་དྲ་ཚུགས་ཀྱང་མང་དུ་ཡོད་ངེས་པས་ཀློག་པ་པོ་དག་གིས་དྲ་བའི་འོག་རིམ་གྱི་ཡིག་སྒམ་བརྒྱུད་ནས་བསྐུར་གནང་ཡོང་བའི་རེ་བ་ཧ་ཅང་ཆེ།  
     ལམ་སྟོན་དྲ་བའི་ནང་དུ་བོད་ཡིག་དྲ་ཚུགས་ཕལ་ཆེར་འདུས་ཡོད་པ་ལས་གཞན་ད་དུང་ཐེངས་འདིའི་གསར་སྒྱུར་གྱི་ཁྲོད་དུ་དྲ་ངོས་ཀྱི་ཀློག་ཚད་ཇེ་མགྱོགས་སུ་བཏང་ཡོད་ཅིང་། ད་ལྟ་ཕར་ཆེར་རྒྱལ་ནང་གི་དྲ་ཚུགས་ཆེ་གྲས་ཁག་གི་ཀློག་ཚད་དང་མཉམ་པོ་ཡོད།  གཞན་ཐེངས་འདིའི་གསར་སྒྱུར་ཁྲོད་དུ་ཁ་པར་དང་རྩིས་འཁོར་ནང་དུ་བོད་ཡིག་མེད་མཁན་དག་གིས་དྲ་ཚུགས་ཀློག་མི་ནུས་པའི་དཀའ་ངལ་སེལ་བར་བྱས་ཡོད་ལ། ད་ནི་ཁྱེད་ཀྱི་ཁ་པར་དང་རྩིས་འཁོར་ནང་བོད་ཡིག་ཡིག་གཟུགས་གཅིག་ཀྱང་མེད་རུང་ལམ་སྟོན་དྲ་བ་བདེ་བླགས་ངང་ཀློག་ཐུབ། ད་དུང་ཐེངས་འདིར་འགྲེམ་བརྡ་དང་དཔེ་འཕྲིན་སོགས་སྔར་མེད་ལེ་ཚན་གསར་བ་འགའ་རེ་ཡང་ཁ་སྣོན་བྱས་ཡོད།
ལམ་སྟོན་དྲ་བའི་དྲ་གནས། http://www.tb4567.com/