ཀྲུང་གོ་བོད་ཀྱི་དྲ་བའི་འཕྲིན། གསུམ་བརྒྱད་རྒྱལ་སྤྱིའི་བུད་མེད་དུས་ཆེན་ཀྲུང་ཕྱིའི་བུད་མེད་སྣེ་ལེན་ཚོགས་འདུ་ཚེས་བདུན་ཉིན་གྱི་ཕྱི་དྲོར་མི་དམངས་ཚོགས་ཁང་ཆེན་མོ་ནས་ཚོགས།ལིག་ཡན་ཏུང་དང་སུང་ཁྲུང་ལན།ལིས་ཡོན་ཁྲའོ།ཡན་ཅོན་ཆི།ཡཱང་ཅེ་ཁྲིལིས་ཧེ་ཧྥིན།ཕིནཕེ་ཡོན།ཧི་ལུང་ལིས།ཀུའུ་ཞིག་ལེན།ཁྲིན་ཀྲི་ལིས་བཅས་སྣེ་ལེན་ཚོགས་འདུར་ཞུགས།རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ།རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་ཧྲིན་ཡེའོ་ཡེའོ་ཡིས་སྣེ་ལེན་ཚོགས་འདུའི་སྟེང་རྒྱལ་ཡོངས་ཀྱི་བུད་མེད་ཡོངས་ལ་དུས་ཆེན་གྱི་སྨོན་འདུན་ཞུས།ཁོ་མོས་བསྟན་དོན།2015ལོར།ཀྲུང་གོ་དང་མཉམ་འབྲེལ་རྒྱལ་ཚོགས་བུད་མེད་ཧྲུའུ་གཉིས་ཀྱིས་མཉམ་ལས་སྒོས་བསྡུས་པའི་འཛམ་གླིང་ཡོངས་ཀྱི་བུད་མེད་མཐོ་རིམ་གླེང་སྟེགས་དེ་འཛམ་གླིང་བུད་མེད་ལས་འགུལ་གྱི་ལོ་རྒྱུས་སྟེང་གི་རྡོ་རིང་གསར་བར་གྱུར།རྒྱལ་ཡོངས་བུད་མེད་མཉམ་འབྲེལ་གྱིས་སྤྱི་ཡོངས་ལ་ཞབས་འདེགས་ཞུ་བ་དང་བུད་མེད་ལ་ཞབས་འདེགས་ཞུ་བར་རྒྱུན་འཁྱོངས་བྱེད་པ་དང་།རྒྱ་ཆེའི་བུད་མེད་ཚོ་བཅོས་བསྒྱུར་འཕེལ་རྒྱས་ཀྱི་ལག་ལེན་ཁྲོད་ཞུགས་པས།བུད་མེད་ཀྱི་འཕེལ་རྒྱས་ཁོར་ཡུག་སྔར་ལས་ཇེ་ལེགས་སུ་སོང་ཟེར།ཁོ་མོས་ནན་གྱིས་བསྟན་དོན།འབྱོར་འབྲིང་སྤྱི་ཚོགས་ཁྱོན་ཡོངས་ནས་འགྲུབ་པར་བྱེད་པའི་གནད་འགག་དུས་རིམ་མགོ་རྩོམ་པའི་ལོར།ང་ཚོས་བློ་མཐུན་ཞི་ཅིན་ཕེན་སྤྱི་ཁྱབ་ཧྲུའུ་ཅི་ཡིན་པའི་ཏང་ཀྲུང་དབྱང་གི་མཐའ་འཁོར་ནས་མཐུན་སྒྲིལ་དམ་ཟབ་བྱེད་པ་དང་།འཕེལ་རྒྱས་ཆེན་པོ་ལྔའི་འདུ་ཤེས་ལག་ལེན་མཐར་ཕྱིན་བྱེད་པ།མཐུན་སྒྲིལ་སྒོས་བུད་མེད་ཀྱི་སྣེ་ཁྲིད་དེ་ཏང་གི་ཁ་ལ་ཉན་པ་དང་ཏང་གི་རྗེས་སུ་འབྲངས་ནས།ལོ་ལྔའི་འཆར་གཞི་བཅུ་གསུམ་པའི་མགོ་བཟང་བོ་རྩོམ་པ་དང་ཀྲུང་གོའི་ཕུགས་འདུན་མངོན་འགྱུར་བྱེད་པའི་ཐད་སྟོབས་ཤུགས་འདོན་དགོས།ཀྲུང་གོས་རྒྱལ་ཁབ་སོ་སོའི་བུད་མེད་དང་མཉམ་དུ་འབད་འཐབ་བྱས་ཏེ།མཉམ་དུ་མཛེས་སྡུག་གི་འཛམ་གླིང་འཛུགས་སྐྲུན་བྱེད་རྒྱུ་ཡིན་ཟེར།།