ཉེ་བའི་ལོ་ཤས་རིང་། ཧོ་པའེ་ཞིང་ཆེན་ཆིན་རྫོང་གིས་ཞིང་ལས་ཀྱི་ཆགས་ཚུལ་ལེགས་སྒྲིག་བྱེད་པར་སྐུལ་འདེད་གཏོང་རིམ་རྣམ་པ་གསར་པའི་ཞིང་ལས་བདག་གཉེར་གྱི་མ་ལག་འཛུགས་པར་ཤུགས་བརྒྱབ་པ་དང་། པེ་ཅིན་དང་ཐེན་ཅིན་ས་ཁུལ་གྱི་ཤིང་ཏོག་དང་སྔོ་ཚལ་ཚོང་ར་ཕུན་སུམ་ཚོགས་པོ་བྱ་ཆེད། ཞིང་པར་རོགས་འདེགས་བྱས་ཏེ་ལྗང་མདོག་དང་སྤྱི་གནོད་མེད་པའི་ཤིང་ཏོག་དང་སྔོ་ཚལ་འདེབས་འཛུགས་བྱས་པར་མ་ཟད། ད་རུང་འདེབས་འཛུགས་བྱེད་པ་དེ་གཞི་ཁྱོན་ཅན་དང་། དམིགས་ཚད་ཅན། ཐོན་ལས་འདུས་འཛོམས་ཅན་དུ་འཕེལ་རྒྱས་བཏང་ཡོད། མིག་སྔར། ཆིན་རྫོང་གིས་ཤིང་ཏོག་དང་སྔོ་ཚལ་གྱི་ཆེད་ལས་མཉམ་ལས་རྩ་འཛུགས150ལྷག་བཙུགས་ཡོད་ཅིང་། སྒྲིག་ཆས་ལ་བརྟེན་ནས་ཤིང་ཏོག་དང་སྔོ་ཚལ་གྱི་འདེབས་ཁྱོན་མུའུ་ཁྲི31ལ་བསླེབས་པ་དང་། ལོ་རེར་ཤིང་ཏོག་དང་སྔོ་ཚལ་ཏུན་ཁྲི230ཐོན་ནས་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར49མངོན་འགྱུར་བྱས་ཡོད། ཉིན་རེར་པེ་ཅིན་དང་ཐེན་ཅིན་ས་ཁུལ་དུ་འཚོང་བའི་ཤིང་ཏོག་དང་སྔོ་ཚལ་ཏུན3000ལྷག་ཡོད་དོ།།