ཀྲུང་གོ་བོད་ཀྱི་དྲ་བའི་འཕྲིན། ཟླ་དང་པོའི་ཚེས་ཉེར་དགུ་ཉིན།མཚོ་སྔོན་ཞིང་ཆེན་ཡོངས་ཀྱི་ཡིག་ཚགས་བྱ་བའི་གྲོས་ཚོགས་ཟི་ལིང་ནས་བསྡུས་ཤིང་།ཚོགས་ཐོག་ནས་རྒྱལ་ཡོངས་ཡིག་ཚགས་བྱ་བ་དང་སྔོན་ཐོན་གཟེངས་བསྟོད་གྲོས་ཚོགས་ཀྱི་དགོངས་དོན་ལ་སློབ་སྦྱོང་དང་བརྒྱུད་སྒྲོག་བྱས་པ་དང་།ལོ་ལྔའི་འཆར་གཞི་བཅུ་གཉིས་པའི་མཚོ་སྔོན་ཞིང་ཆེན་ཡོངས་ཀྱི་ཡིག་ཚགས་བྱ་བར་སྤྱི་སྡོམ་བྱས་པར་མ་ཟད།ཉིས་སྟོང་བཅུ་དྲུག་ལོའི་ཞིང་ཆེན་ཡོངས་ཀྱི་ཡིག་ཚགས་བྱ་བའི་ལས་འགན་ལ་བཀོད་སྒྲིག་ཚགས་སུ་ཆུད་པ་བྱས།ཞིང་ཆེན་ཏང་ཨུའི་རྒྱུན་ལས་ཨུ་ཡོན།ཞིང་ཆེན་ཏང་ཨུའི་དྲུང་ཡིག་ཆེན་མོ་ཝང་ཡུས་པོ་དང་།རྒྱལ་ཁབ་ཡིག་ཚགས་ཅུའུ་ཡི་ཅུའུ་ཀྲང་གཞོན་པ་ཝང་ཧྲོ་ཀྲུང་གཉིས་གྲོས་ཚོགས་སུ་ཞུགས་ནས་གཏམ་བཤད།
ཝང་ཡུས་པོ་ཡིས་བསྟན་དོན།ཡིག་ཚགས་བྱ་བ་ལེགས་པོར་བསྒྲུབ་རྒྱུ་ནི་ཏང་ཨུ་དང་སྲིད་གཞུང་གི་འགན་འཁྲི་གལ་ཆེན་ཞིག་ཡིན་པས།ཡིག་ཚགས་བྱ་བའི་མགོ་ཁྲིད་ལ་ཤུགས་སྣོན་པ་དང་།ཡིག་ཚགས་བྱ་བ་ལོ་ལྔའི་འཆར་གཞི་བཅུ་གསུམ་པའི་ཁྲོད་ཚུད་དུ་འཇུག་པ།ཡིག་ཚགས་བྱ་བའི་ཟབ་ཞུགས་བྱེད་ཚད་ཇེ་ཆེར་གཏོང་བ།ཡིག་ཚགས་ལས་བྱེད་པའི་འཚར་ལོངས་ལ་དོ་ཁུར་བྱས་ཏེ།མཚོ་སྔོན་ཞིང་ཆེན་ཡོངས་ཀྱི་ཡིག་ཚགས་ལས་དོན་བཅོས་སྒྱུར་འཕེལ་རྒྱས་ཐད་སྟོབས་ལྡན་གྱི་འགན་ནུས་འདོན་སྤྲོད་བྱེད་དགོས་ཟེར།