ཀྲུང་གོ་བོད་ཀྱི་དྲ་བའི་འཕྲིན། ལོ་ལྔའི་འཆར་གཞི་བཅུ་གསུམ་པའི་སྐབས་སུ།བོད་ལྗོངས་ཀྱིས་མགྱོགས་མྱུར་ངང་རྐང་འཛིན་གློག་འདོན་ས་ཚིགས་སྐོར་ཞིག་མུ་མཐུད་དུ་འཛུགས་སྐྲུན་བྱས་ནས།གློག་ཤུགས་སྒྲིག་སྦྱོར་བྱས་པའི་འཕྲུལ་འཁོར་གྱི་གཞི་ཁྱོན་སྟོང་ཝ་ཁྲི460ཡན་ལ་བསླེབ་རྒྱུ་དང་།གློག་ཤུགས་འདོན་སྤྲོད་ནུས་བ་དང་གློག་ཤུགས་ཕྱིར་གཏོང་གཞི་ཁྱོན་སྔར་ལས་ཇེ་ཆེར་འགྲོ་རྒྱུ་རེད།དེ་མིན་བོད་ལྗོངས་དབུས་ཕྱོགས་ས་ཁུལ་དང་།ཆབ་མདོ།མངའ་རིས་སོགས་སུ་ལྗོངས་ཡོངས་དང་སྦྲེལ་བའི་བོད་ལྗོངས་ཀྱི་གཅིག་གྱུར་གློག་དྲ་འཛུགས་རྒྱུ་ཡིན་པ་དང་།གློག་དྲ་གཙོ་བོའི་ཁྱབ་ཁོངས་ཇེ་ཆེར་བཏང་སྟེ།2020ལོར་བསླེབ་དུས།གློག་དྲ་གཙོ་བོ་ལྗོངས་ཡོངས་ཀྱི་རྫོང74ཡི་གྲང་རྡལ་གཙོ་བོ་དག་ལ་ཁྱབ་པ་མངོན་འགྱུར་བྱས་ཏེ།གློག་དྲ་གཙོ་བོས་གློག་འདོན་པའི་མི་གྲངས་ལྗོངས་ཡོངས་ཀྱི་མི་གྲངས་སྤྱི་ཡི97%ལ་བསླེབ་རྒྱུ་མངོན་འགྱུར་བྱ་རྒྱུ་རེད།།