ཀྲུང་གོ་བོད་ཀྱི་དྲ་བའི་འཕྲིན། མ་འོངས་པའི་ལོ་ལྔའི་ནང་།བོད་ལྗོངས་ཀྱིས་མ་དངུལ་སྒོར་དུང་ཕྱུར2388བརྩོན་ལེན་བྱས་ཏེ།ལྷ་ས་གྲོང་ཁྱེར་ལྟེ་བར་བཟུང་བའི“ཆུ་ཚོད3རིང་གི་ཕྱོགས་བསྡུས་འགྲིམ་འགྲུལ་ལམ་ཐིག”དང“ཆུ་ཚོད2རིང་གི་དཔལ་འབྱོར་ལམ་ཐིག”བསྐྲུན་རྒྱུ་ཡིན་ཏེ།2020ལོར་བསླེབ་དུས་བོད་ལྗོངས་ཀྱི་གཞུང་ལམ་སྤྱིའི་ལམ་ཐག་སྤྱི་ལེ་ཁྲི11ལ་བསླེབ་པར་བརྩོན་ལེན་བྱ་རྒྱུ་ཡིན་ཞིང་།འགྲིམ་འགྲུལ་སྐྱེལ་འདྲེན་ལས་དཔལ་འབྱོར་སྤྱི་ཚོགས་ལ་བཀག་འཛིན་བྱེད་པ་མེད་པར་གཏོང་རྒྱུ་ཡིན་ཞེས་འདི་ནི་གསར་འགོད་པས་བོད་ལྗོངས་འགྲིམ་འགྲུལ་སྐྱེལ་འདྲེན་ཐིན་ནས་རྒྱུས་ལོན་བྱུང་བའི་གནས་ཚུལ་རེད།
རང་བྱུང་ཆ་རྐྱེན་མི་ལེགས་པ་དང་དཔལ་འབྱོར་རྨང་གཞི་ཞན་པའི་རྐྱེན་གྱིས།བོད་ལྗོངས་ཀྱི་འགྲིམ་འགྲུལ་ཆ་རྐྱེན་ཡུན་རིང་ལ་རྗེས་ལུས་ཡིན་པ་དང་།ལོ་ལྔའི་འཆར་གཞི་བཅུ་གཉིས་པའི་སྐབས་སུ་བོད་ལྗོངས་ཀྱིས་འགྲིམ་འགྲུལ་སྐྱེལ་འདྲེན་འཕེལ་རྒྱས་ལ་སྐུལ་འདེད་བྱས་ནས།འགྲིམ་འགྲུལ་ལས་གཞི་རབ་དང་རིམ་པ་ལག་བསྟར་བྱས་ཤིང་།ལྗོངས་ནང་ཁུལ་གྱི་ཞིང་ལམ་ཕན་ཚུན་བར་འབྲེལ་མཐུད་བྱུང་བ་དང་།ས་ཁུལ་དང་གྲོང་ཁྱེར་བར་གཞུང་ལམ་བཏང་སྟེ།རྫོང་དང་གྲོང་རྡལ་བར་གྱི་གཞུང་ལམ་འགྲིམ་འགྲུལ་དྲ་རྒྱ་རིམ་བཞིན་གྲུབ་ཡོད་པ་རེད།
བོད་ལྗོངས་འགྲིམ་འགྲུལ་སྐྱེལ་ཐིན་གྱི་རྒྱུན་ལས་ཐིན་ཀྲང་གཞོན་པ་དབྱངས་སྐྱིད་ཀྱིས་ངོ་སྤྲོད་བྱས་པ་ལྟར་ན།ལོ་ལྔའི་འཆར་གཞི་བཅུ་གཉིས་པའི་སྐབས་སུ།བོད་ལྗོངས་ཀྱིས་འགྲིམ་འགྲུལ་རྨང་གཞི་སྒྲིག་ཆས་ཐད་བསྡོམས་པས་མ་དངུལ་སྒོར་དུང་ཕྱུར679བཏང་ཡོད་ཅིང་།དེ་ནི་ལོ་ལྔའི་འཆར་གཞིའི་བཅུ་གཉིས་པའི་ལྡབ2.6ཡིན།མཐོ་རིམ་གཞུང་ལམ་སྤྱི་ལེ300གསར་སྣོན་བྱས་ཤིང་།གཞུང་ལམ་སྤྱིའི་ལམ་ཐག་སྤྱི་ལེ་ཁྲི7.8ཡོད།ལོ་ལྔའི་འཆར་གཞི་བཅུ་གཅིག་པ་དང་བསྡུར་ན་གཞུང་ལམ་སྤྱི་ལེ་ཁྲི1.7ཇེ་མང་དུ་སོང་ནས།ལྗོངས་ཡོངས་ཀྱི་གྲོང་རྡལ690དང་།སྲིད་འཛིན་གྲོང་ཚོ5408།རང་བྱུང་གྲོང་ཚོ11759དང་དགོན་སྡེ1730བཅས་ལ་གཞུང་ལམ་བཏང་ཡོད་ཟེར།  །