ཞིན་ཧྭ་གསར་འགྱུར་ཁང་ལྷ་ས་ནས་ཉེ་ཆར་འབྱོར་བའི་གཏམ་གསར།ལོ་ལྔ་བཅུ་ལྷག་གི་ལོ་རྒྱུས་ལྡན་པའི་བོད་རང་སྐྱོང་ལྗོངས་ཀྱི་བོད་སྨན་བཟོ་གྲྭ་སྒྲིག་སྲོལ་བཅོས་བསྒྱུར་དང་བསྐྱར་འཛུགས་བྱས་པར་བརྒྱུད།ན་ལོའི་ཟླ་བ12པའི་ཚེས21ཉིན་དངོས་སུ་སྒོ་བྱང་བཀལ་ནས་མིང་ལ་སྨན་རྩིས་ཁང་གི་སྨན་སྦྱོར་ཁང་ཞེས་བསྒྱུར་བ་འདི་ནི་གངས་ལྗོངས་མཐོ་སྒང་གི་བོད་སྨན་ཕྱོགས་ཀྱི་ནད་ཐོག་སྨན་བཅོས་དང་སྨན་རྫས་ཐོན་སྐྱེད་ལས་སྣོན་བྱེད་སྟངས་དེ་བས་ཆེད་ལས་ཅན་གྱི་ཆུ་ཚད་ཐོག་སླེབས་པ་མཚོན།
རྒྱལ་ཁབ་བཟོ་ཚོང་སྤྱི་ཁྱབ་ཅུས་ཀྱིས་སྨན་རྩིས་ཁང་གི་སྨན་སྦྱོར་ཁང་གི་ཚོང་རྟགས་དང་ཐུམ་སྒྲིལ་རི་མོ་ཐོ་འགོད་ཀྱི་རེ་འདུན་ཞུ་ཡིག་ལ་ཆོག་མཁྱེན་གནང་བ་རེད།ན་ལོའི་ཟླ་བ11པར་སྨན་སྦྱོར་ཁང་ལ《སྨན་བཅོས་ལས་ཁུངས་ཀྱི་སྨན་རྫས་ཆོག་འཐུས་ལག་ཁྱེར》ཐོབ་ཡོད།བོད་ཀྱི་དཔེ་ཁང་སྨན་རྩིས་ཁང་སྨན་རྫས་སྡེབ་སྦྱོར་ལས་ཀའི་ཐད་དེང་རབས་ཅན་གྱི་ནད་ཐོག་སྨན་བཅོས་ཀྱི་དགོས་མཁོ་དང་མཐུན་པའི་གལ་ཆེན་པོའི་ཡར་ཐོན་བྱུང་ཡོད་པ་རེད།
བོད་རང་སྐྱོང་ལྗོངས་བོད་སྨན་ཁང་གི་འགོ་འཛིན་པ་ཡེ་ཤེས་གཡང་འཛོམས་ཀྱིས་ངོ་སྤྲོད་བྱས་དོན། 2011ལོར།རང་སྐྱོང་ལྗོངས་ཏང་ཨུ་དང་སྲིད་གཞུང་གིས་ཐོན་ཁུངས་སྒྲིག་སྦྱོར་ལེགས་བཅོས་དང་བདག་གཉེར་ཕན་འབྲས་མཐོར་འདེགས་གཏང་རྒྱུས་དམིགས་ཡུལ་བྱས་ནས། རང་སྐྱོང་ལྗོངས་བོད་སྨན་བཟོ་གྲྭའི་སྒྲིག་སྲོལ་བཅོས་བསྒྱུར་བྱས་པ་རེད།ན་ལོའི་ལོ་དཀྱིལ་དུ་བོད་སྨན་ཁང་གིས་སྨན་རྫས་སྡེབ་སྦྱོར་ཁང་རྩིས་ལེན་བདག་སྤྲོད་ལས་ཀར་མཐུན་སྦྱོར་བྱེད་པའི་འགོ་ཁྲིད་ཚོ་ཆུང་བཙུགས་པ་དང་།བདུད་རྩི་སྤྱི་གཉེར་ཁང་དང་མཐུན་སྦྱོར་བྱས་ཏེ་ན་ལོའི་ལོ་མཇུག་ནས་འགོ་བཙུགས་ནས་རྩིས་ལེན་བདག་སྤྲོད་དང་བཟོ་ཁང་གི་སྒྲིག་ཆས་ཁ་ཤས་རྩིས་ལེན་བདག་སྤྲོད་བྱས་པ་རེད།སྨན་རྩིས་ཁང་གི་སྨན་སྦྱོར་ཁང་གིས་དཔལ་འབྱོར་གྱི་ཁེ་ཕན་ཡག་པོ་བཟོ་ཐུབ་པར་མ་ཟད།ལོ་བརྒྱ་ལྷག་གི་ལོ་རྒྱུས་ཡོད་པའི་གནའ་བོའི་རིག་གནས་མིང་རྟགས་རྒྱུན་འཛིན་བྱས་ཏེ་ཐོན་སྐྱེད་ཐོན་སྐྱེད་འཕེལ་རྒྱས་བཏང་ནས་ཕྱོགས་བསྡུས་ཀྱི་སྤྱི་ཚོགས་ཕན་འབྲས་སྐྲུན་ཐུབ་པ་རེད།