ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ7པའི་ཚེས1ཉིན་འབྱོར་བའི་གཏམ་གསར།གོང་ཚེས་ཉིན་ནོར་སྲིད་པུའུ་ཡིས་གཏམ་གསར་བསྒྲགས་ཏེ2008ལོ་ནས2014ལོའི་བར།ཀྲུང་དབྱང་ནོར་སྲིད་ཀྱིས་བསྡོམས་རྩིས་བྱས་ན་རྒྱལ་ཁབ་ཀྱི་སྐྱེ་ཁམས་ཕན་ནུས་ས་ཁུལ་གཙོ་བོར་བསྒྱུར་སྤྲོད་མ་དངུལ་སྒོར་དུང་ཕྱུར2004བཏང་ཡོད།  དེའི་ནང2014ལོར་སྒོར་དུང་ཕྱུར480བཏང་ཡོད་པ་རེད།
ངོ་སྤྲོད་བྱས་པར་གཞིགས་ན།2008ལོ་ནས་བཟུང་།ཀྲུང་དབྱང་ནོར་སྲིད་ཀྱིས་རྒྱལ་ཁབ་ཀྱི་སྐྱེ་ཁམས་ཕན་ནུས་ས་ཁུལ་གཙོ་བོར་མ་དངུལ་བསྒྱུར་སྤྲོད་བྱ་རྒྱུའི་ལམ་ལུགས་བཙུགས་ཏེ་མཚོ་སྔོན་རྨ་འབྲི་རྫ་གསུམ་འབྱུང་ཡུལ་དང་།ལྷོ་རྒྱུད་ཀྱི་ཆུ་བྱང་རྒྱུད་དུ་འདྲེན་པའི་བར་རྒྱུད་ཀྱི་ཆུའི་ཐོན་ཁུངས་ས་ཁུལ་སོགས་རྒྱལ་ཁབ་ཀྱི་སྐྱེ་ཁམས་ཕན་ནུས་ཀྱི་ས་ཁུལ་གཙོ་བོ་དང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ།   འཛམ་གླིང་རིག་གནས་རང་བྱུང་ཤུལ་བཞག་སོགས་གསར་སྦོལ་བྱ་རྒྱུར་བཀག་འགོག་བྱེད་པའི་ས་ཁོངས་ལ་སྤྱིར་བཏང་རང་བཞིན་གྱི་བསྒྱུར་སྤྲོད་བྱེད་ཤུགས་ཆེ་རུ་བཏང་ཡོད། 
     2014ལོར་སྐྱེ་ཁམས་དཔལ་ཡོན་ལམ་ལུགས་འཛུགས་སྐྲུན་མགྱོགས་པོ་བྱེད་པ་དང་།སྔོན་དུ་སྦགས་བཙོག་བྱས་ཤིང་རྗེས་སུ་ཡང་བདག་སྐྱོང་བྱེད་པ་དང།  སྔོན་དུ་གཏོར་བཤིག་བཏང་རྗེས་ཡང་ཉམས་གསོ་བྱེད་པའི་སྔོན་ལམ་དུ་བསྐྱར་བགྲོད་བྱེད་པར་མ་འབྱུང་སྔོན་འགོག་བྱེད་ཆེད།   རྒྱལ་སྲིད་སྤྱི་ཁྱབ་ཁང་གིས་ཆོག་མཆན་འགོད་པར་ལྟར་ཀྲུང་དབྱང་ནོར་སྲིད་ཀྱིས་ད་རུང་ཧོ་པའེ་ནས་པེ་ཅིན་དང་ཐེན་ཅིན་ལ་སྐོར་བའི་སྐྱེ་ཁམས་ཀྱི་སྲུང་ཡོལ་དང་།  བོད་ལྗོངས་ཇོ་མོ་གླང་མ་སོགས་ས་ཁོངས་ནང་གི་རྫོང20དེ་རྒྱལ་ཁབ་ཀྱི་སྐྱེ་ཁམས་ཕན་ནུས་ས་ཁུལ་གཙོ་བོའི་བསྒྱུར་སྤྲོད་ཁྱབ་ཁོངས་སུ་བཞགས་ནས་མ་དངུལ་བསྒྱུར་སྤྲོད་བྱེད་པའི་རྫོང་དང་གྲོང་ཁྱེར512ལ་ཟིན།
      དུས་མཚུངས་སུ།  ནོར་སྲིད་པུའུ་ཡིས་ཁོར་ཡུག་སྲུང་སྐྱོང་པུའུ་དང་མཉམ་དུ་མུ་མཐུད་ནས་རྒྱལ་ཁབ་ཀྱི་སྐྱེ་ཁམས་ཕན་ནུས་ས་ཁུལ་གཙོ་བོའི་ཁོར་ཡུག་གནས་ཚུལ་དང་རང་བྱུང་སྐྱེ་ཁམས་ལ་སྒོ་ཀུན་ནས་ལྟ་སྐུལ་དང་གདེང་འཇོག་བྱ་རྒྱུ་དང་།  སྐྱེ་ཁམས་ཁོར་ཡུག་ལ་ལྟ་ཞིབ་ཚད་ལེན་བྱས་པའི་མཇུག་འབྲས་ལ་དམིགས་ཏེ་བྱ་དགའ་སྤྲོད་པ་དང་ཆད་པ་འོས་འཚམ་གྱི་ཆད་པ་གཅད་རྒྱུ་ཡིན་པ་རེད།