ཤིན་ཧྭ་གསར་འགྱུར་ཁང་ཟི་ལིང་ནས་གློག་འཕྲིན་འབྱོར་གསལ། གསར་འགོད་པས་ཨ་ཆེན་གངས་རྒྱབ་ཀྱི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དོ་དམ་ཅུས་ནས་ཤེས་རྟོགས་བྱུང་དོན། མིག་སྔར་འཛམ་གླིང་ཐོག་ས་བབ་མཐོ་ཤོས་ཀྱི་བདག་ཏུ་མ་བཟུང་བའི་སྲོག་ཆགས་སྨན་བཅོས་སྲོག་སྐྱོབ་ལྟེ་གནས་ཏེ་ཨ་ཆེན་གངས་རྒྱབ་ཀྱི་གཙོད་སྨན་བཅོས་སྲོག་སྐྱོབ་ལྟེ་གནས་བཙུགས་ནས་ལོ11སོང་ཚུན། རིམ་རྩིས་བྱས་ན་གཙོད300ཙམ་ལ་སྨན་བཅོས་སྲོག་སྐྱོབ་བྱས་པ་རེད།

　ཨ་ཆེན་གངས་རྒྱབ་ཀྱི་གཙོད་སྨན་བཅོས་སྲོག་སྐྱོབ་ལྟེ་གནས་ཀྱི་འགན་འཁུར་བ་དབང་དགས། ལྟེ་གནས་འདི2004ལོར་བཙུགས་པ་དང་། འདས་ཟིན་པའི་ལོ11ནང་གཙོད་སོགས་བདག་ཏུ་མ་བཟུང་བའི་སྲོག་ཆགས་ལ་སྨན་བཅོས་སྲོང་སྐྱོབ་བྱེད་ཚད་བརྒྱ་ཆ90ཡན་ཟིན་ཡོད། གཞན་ཡང་ལྟེ་གནས་དེས་མིའི་ཐབས་ལ་བརྟེན་ནས་གཙོད་ཀྱི་འཚར་ལོངས་དང་རྒྱུད་འཕེལ་སོགས་ཀྱི་ཆོས་ཉིད་ལ་འཚོལ་ཞིབ་ཧུར་ཐག་བྱས་པར་བརྟེན། མིའི་ཐབས་ལ་བརྟེན་ནས་གཙོད་གསོ་རྒྱུར་རྩ་ཆེའི་ཉམས་མྱོང་བསགས་ཡོད་ཅེས་བཤད།།