ཟླ་བ7པའི་ཚེས1ཉིན།ཁྲེང་ཏུའུ་ནས་ཧྲང་ཧའེ་རུ་བསྐྱོད་པའི་ཐེངས་གྲངསD628ཡིན་པའི་ཤུགས་འགྲེམས་མེ་འཁོར་ཁྲེང་ཏུའུ་མེ་འཁོར་བབས་ཚུགས་ནས་རྒྱལ་ཡོངས་ཀྱི་ལྕགས་ལམ་དྲ་བའི་འཕྲེད་ཕྱོགས་བཞི་དང་གཞུང་ཕྱོགས་བཞིའི་ཡ་གྱལ་ཡིན་པའི་ཧྲང་ཧའེ་དང་ཝུའུ་ཧན།ཁྲེང་ཏུའུ་བར་གྱི་བགྲོད་ལམ་ཆེན་པོར་བརྒྱུད་དེ་ཧྲང་ཧའེ་ཡི་མེ་འཁོར་བབས་ཚུགས་སུ་བསྐྱོད་པ་རེད།   ཉིན་དེ་ནས་བཟུང་།  རྒྱང་ཐག་རིང་པོའི་ཤུགས་འགྲེམས་མེ་འཁོར་ཆ17དེ་ཁྲེང་ཏུའུ་དང་ཁྲུང་ཆིན་ས་ཁུལ་ནས་ཝུའུ་ཧན་དང་།  ནན་ཅིན།  ཀྲེན་ཀྲོའུ།   ནན་ཁྲང་།  ཞ་མེན།ཧྲང་ཧའེ་སོགས་དབུས་རྒྱུད་དང་ཤར་རྒྱུད་ཀྱི་གྲོང་ཁྱེར་དུ་གཏང་རྒྱུ་རེད།    སྤྱིར་བཏང་མྱུར་ཚད་ཀྱི་འགྲུལ་སྐྱེལ་མེ་འཁོར་དང་བསྡུར་ན།   ཤུགས་འགྲེམས་མེ་འཁོར་གྱི་འགྲུལ་བསྐྱོད་དུས་ཚོད་ཕྱེད་ཀ་ཡས་མས་ཉུང་དུ་གཏོང་ཐུབ་ཅིང་།ཤུགས་འགྲེམས་མེ་འཁོར་ཕལ་ཆེ་ཤོས་དེ་སྔ་གཏོང་དགོང་འབྱོར་དང་དགོང་གཏོང་སྔ་འབྱོར་བྱེད་ཐུབ་རྒྱུ་རེད།