ཀྲུང་གོ་བོད་ཀྱི་དྲ་བའི་འཕྲིན། ཉེ་ལམ།ཟི་ལིང་གྲོང་ཁྱེར་སྤྱི་ཁྱབ་བཟོ་ཚོགས་ཀྱིས་ཟི་ལིང་གྲོང་ཁྱེར་ཚན་རྩལ་ཅུའུ་དང་མི་ཤུགས་ཐོན་ཁུངས་སྤྱི་ཚོགས་འགན་སྲུང་ཅུའུ།ཟི་ལིང་གྲོང་ཁྱེར་ཚན་རྩལ་མཐུན་ཚོགས་བཅས་ལ་མཉམ་འབྲེལ་བྱས་ཏེ་སྐབས་གསུམ་པའི་ཕུལ་བྱུང་གསར་གཏོད་ལག་རྩལ་གྲུབ་འབྲས་གསར་བ་དཔྱད་འདེམས་བྱེད་པའི་བྱ་འགུལ་སྤེལ་བ་དང་།གྲོང་ཁྱེར་ཡོངས་ཀྱི་ལས་བཟོ་བའི་ཕུལ་བྱུང་གསར་གཏོད་ལག་རྩལ་ཐད་བླངས་བའི་གྲུབ་འབྲས་གསར་བའི་རྣམ་གྲངས35ལ་བྱ་དགའ་གནང་།དེའི་ནང་བྱ་དགའ་ཨང་དང་པོར་སྒོར་ཁྲི་གཅིག་དང་།བྱ་དགའ་ཨང་གཉིས་པརསྒོར་སྟོང་ལྔ།བྱ་དགའ་ཨང་གསུམ་པར་སྒོར་སྟོང་གསུམ།ཕུལ་བྱུང་བྱ་དགའ་ལ་སྒོར་སྟོང་གཉིས་བཅས་ཡིན།ཤེས་གསལ་ལྟར་ན། ཐེངས་འདིར་གྲུབ་འབྲས་ཡར་ཞུ་བྱས་པ་ནི2013ལོ་ནས་བཟུང་ཟི་ལིང་གྲོང་ཁྱེར་གྱི་རྒྱ་ཆེའི་ལས་བཟོ་བ་ཚོས་མང་ཚོགས་རང་བཞིན་གྱི་ཚན་རྩལ་གསར་གཏོད་དང་ལག་རྩལ་བསྒྱུས་བཅོས།ལག་རྩལ་གསར་གཏོད་སོགས་ནས་བླངས་བའི་ཕུལ་བྱུང་ལག་རྩལ་གསར་གཏོད་གྲུབ་འབྲས་རེད།དཔྱད་འདེམས་འགོ་བརྩམས་པ་ནས་བཟུང་ཁེ་ལས་དང་ལས་བཟོ་བ་ཁྲོད་ནས་ཚ་རླབས་ཆེན་པོ་རྒྱས།ཁེ་ལས་ལས་ཁུངས་དག་གི་ལག་རྩལ་བསྒྱུར་བཅོས་དང་ལག་རྩལ་གསར་གཏོད།ལག་རྩལ་གསར་སྤེལ་སོགས་མང་ཚོགས་རང་བཞིན་གྱི་ལག་རྩལ་གསར་གཏོད་གྲུབ་འབྲས་མང་པོ་བྱུང་།དེ་དག་སོ་སོ་སྐྱེ་དངོས་སྨན་རྫས་དང་སྨན་བཅོས་བྱེད་ཐབས།སློབ་ཁྲིད་བྱེད་སྟངས་སོགས་གྲུབ་འབྲས་རྣམ་གྲངས95འདུས།  །