ཟླ་8ཚེས་1ཉིན་འཚོགས་པའི་རྒྱལ་ཁབ་འཕེལ་སྒྱུར་ཨུ་ལྷན་གྱི་གསར་འགྱུར་ཡོངས་བསྒྲགས་ཚོགས་འདུའི་ཐོག་འབྲེལ་ཡོད་འགན་འཁུར་བས། འདི་ལོ་ཁག་གསུམ་པའི་སྒོར་དུང་ཕྱུར་690ཡི་འཛད་སྤྱོད་དངོས་རྫས་རྙིང་ཚབ་གསར་བརྗེ་བྱ་རྒྱུར་རྒྱབ་སྐྱོར་བྱེད་པའི་དུས་ཡུན་ཆེས་རིང་བའི་དམིགས་བསལ་རྒྱལ་བུན་མ་དངུལ་གཤམ་སྤྲོད་བྱས་ཟིན་པ་དང་། ཟླ་10པར་འཆར་གཞི་ལྟར་ཁག་བཞི་པའི་མ་དངུལ་སྒོར་དུང་ཕྱུར་690གཤམ་སྤྲོད་བྱ་རྒྱུ་ཡིན་པ་དང་། སྐབས་དེ་དུས་ལོ་ཧྲིལ་པོའི་སྒོར་དུང་ཕྱུར་3000གཤམ་སྤྲོད་བྱ་རྒྱུའི་འཆར་གཞི་ལེགས་སྒྲུབ་བྱ་རྒྱུ་ཡིན་ཞེས་གསུངས་ཡོད།

     གོམ་སྟབས་རྗེས་མར། རྒྱལ་ཁབ་འཕེལ་སྒྱུར་ཨུ་ལྷན་གྱིས་ནོར་སྲིད་པུའུ་དང་ཚོང་དོན་པུའུ་སོགས་སྡེ་ཚན་དང་མཉམ་དུ་ས་གནས་ཀྱིས་མ་དངུལ་གྱི་ལེ་ལག་ཚང་བའི་འགན་འཁྲི་དོན་འཁྱོལ་དང་མ་དངུལ་བེད་སྤྱོད་འཆར་གཞི་ཞིབ་ཚགས་སུ་གཏོང་རྒྱུར་སྐུལ་འདེད་བཏང་ནས། མ་དངུལ་གོ་རིམ་ལྡན་པ་དང་དོ་སྙོམས་ངང་ལོ་མཇུག་བར་སྤྱོད་ཐུབ་པའི་འགན་ལེན་བྱ་རྒྱུ་ཡིན་པ་རེད། དེ་དང་ཆབས་ཅིག་ཐོན་རྫས་ཀྱི་སྤུས་ཚད་དང་རིན་གོང་ལ་ལྟ་སྐུལ་དོ་དམ་བྱེད་ཤུགས་སྔར་བས་ཆེ་རུ་བཏང་ནས། "སྔོན་འཕར་རྗེས་གསབ"དང་ཁ་གསབ་གཡོ་ལེན་སོགས་ཀྱི་ཉེན་ཁ་སྔོན་འགོག་ནན་པོ་བྱས་ཏེ་སྲིད་ཇུས་ཚད་ལྡན་ངང་ལག་བསྟར་ཐུབ་པའི་འགན་ལེན་བྱ་རྒྱུ་རེད།