རྔ་བ་ཁུལ་གཟུགས་མེད་རིག་གནས་ཤུལ་བཞག་བརྩེ་འདུན་བོད་སྤོས་ཀྱི་གནས་ཚུལ་རགས་བཀོད།

   2018ལོར་རྔ་བ་ཁུལ་བརྩེ་འདུན་སྲོལ་རྒྱུན་རིག་གནས་ཚད་ཡོད་འགན་འཁྲི་སྤྱི་གཉེར་ཁང་གིས་ཁུལ་རིམ་པའི་གཟུགས་མེད་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྣམ་གྲངས་སུ་གཏོགས་པའི་འབར་ཁམས་ཀྱི་བོད་སྤོས་བཟོ་རྩལ་ལ་བརྟེན་ནས་གཟུགས་མེད་རིག་གནས་ཤུལ་བཞག་གི་བཟོ་ཁང་བཙུགས་པ་རེད། བོད་སྤོས་སྨན་སྦྱོར་བཟོ་ཁང་གིས་རྒྱལ་ཁབ་ཀྱི་ཆེད་ཁེ་ཁག9ལ་རེ་ཞུ་བྱས་པ་དང་། དབུལ་ཐར་དུད་ཚང28དང་དབང་པོ་སྐྱོན་ཅན3བཅས་ཐོན་སྐྱེད་བརྒྱུད་རིམ་ནང་ཞུགས་སུ་བཅུག། 2021ལོར་བཟོ་ཁང་གི་ཐོན་རྫས་རིན་ཐང་སྒོར་ཁྲི887ལ་ཟིན་པ་དང་དབུལ་ཐར་མི་འབོར་གྱི་ཆ་སྙོམས་ཡོང་འབབ་མི་རེར་སྒོར་ཁྲི3ཡན་ལ་ཟིན་པ་རེད། བཟོ་ཁང་གི་སྣེ་ཁྲིད་འོག2021ལོའི་ལོ་མཇུག་བར་རྔ་བ་ཁུལ་དུ་བོད་སྤོས་ལས་རིགས་ཀྱི་ཁེ་ལས200ལྷག་འཕེལ་རྒྱས་ཕྱིན་པ་དང་ལས་ཞུགས་མི་གྲངས་བརྒྱ་ཕྲག་ཁ་ཤས་ལ་ཟིན་པས་བོད་སྤོས་ནི་འབར་ཁམས་གྲོང་ཁྱེར་གྱིས་དབུལ་ཐར་གྱི་གྲུབ་འབྲས་སྲ་བརྟན་གཏོང་བ་དང་ཡུལ་སྡེ་དར་རྒྱས་སྦྲེལ་མཐུད་ནུས་ལྡན་ཡོང་བར་ཕན་ནུས་ལྡན་པའི་ཐོན་ལས་གལ་ཆེན་ཞིག་ཏུ་གྱུར་པ་རེད། 

   ཕ་ཡུལ་རྔ་བ་ཁུལ་འབར་ཁམས་ནས་ཡིན་པའི་ཤེས་རབ་ཀྱིས་བོད་སྤོས་ཀྱི་ལག་རྩལ་དང་ས་གནས་ཀྱི་རང་བྱུང་དགེ་མཚན་ཟུང་དུ་སྦྲེལ་ཏེ་རང་གི་ཕ་ཡུལ་ནས་བརྩེ་འདུན་བོད་སྤོས་ཞེས་པའི་སྤུས་རྟགས་གསར་དུ་བཏོད་པ་དང་། བརྩེ་འདུན་བོད་སྤོས་ཀྱིས་ཕ་ཡུལ་གྱི་མི་རྣམས་ལ་ཡོང་འབབ་སྤར་ནས་ཕྱུག་པོའི་ལམ་དུ་དྲངས་པས་ཚང་མས་གདེང་འཇོག་དང་རྒྱབ་སྐྱོར་ཆེན་པོ་བྱེད་ཀྱི་ཡོད། བརྩེ་འདུན་བོད་སྤོས་བཟོ་རྩལ་ནི་འབར་ཁམས་གྲོང་ཁྱེར་གྱི་ཁུལ་རིམ་པའི་སྲོལ་རྒྱུན་ལག་རྩལ་རིགས་ཀྱི་གཟུགས་མེད་རིག་གནས་ཤུལ་བཞག་གི་གྲས་ཤིག་ཡིན་པ་དང་། དེ་ལ་རང་བྱུང་གི་རྒྱུ་ཆ་ལྷད་མེད་དང་སྦྱོར་བཟོའི་གོ་རིམ་ཚད་དང་ལྡན་པ། ལག་རྩལ་དམིགས་བསལ་ཅན་དང་ཞིབ་ཚགས་ཡིན་པ་བཅས་ཀྱི་ཁྱད་ཆོས་ལྡན།

   གཅིག། དུས་བཀག་ལྟར་རྩལ་ནུས་གསོ་སྦྱོང་སྤེལ་ནས་ལས་ཞུགས་འབབ་འཕར་ལ་སྐུལ་ཁྲིད་བྱས་པ།བཟོ་ཁང་གིས་གཞི་ཁྱོན་འཛུགས་སྐྲུན་དང་འཕེལ་རྒྱས་ལ་སྣང་ཆེན་བྱེད་པར་མ་ཟད། ཕ་ཡུལ་གྱི་དབུལ་ཐར་འགག་སྒྲོལ་ལ་དེ་བས་དོ་ཁུར་བྱེད་ཀྱི་ཡོད་དེ། གཅིག་ནས་ལས་ཞུགས་ཐག་གཅོད་ཐད་བཟོ་ཁང་གིས་དབུལ་ཐར་དུད་ཚང་སོགས་དཀའ་ངལ་ཡོད་པའི་ཚོགས་སྤྱིའི་ལས་ཞུགས་གནད་དོན་ཐག་གཅད་རྒྱུར་གཞི་ཚུགས་ཏེ་དུས་བཀག་ལྟར་གསོ་སྦྱོང་དང་། ལས་ཞུགས་དང་ལས་གནས་མཁོ་འདོན། དབུལ་ཐར་དུད་ཚང་གི་སྨན་རྒྱུ་ཉོ་བ་སོགས་བརྒྱུད་ནས་དབུལ་ཐར་མང་ཚོགས་ཀྱི་དཔལ་འབྱོར་ཡོང་འབབ་འཕར་བ་དང་འཚོ་བའི་སྤུས་ཚད་ལེགས་སུ་ཕྱིན་པ་དང་། གཉིས་ནས་དགེ་སྒྲུབ་བྱ་གཞག་ལ་དམིགས་ཏེ་བཟོ་ཁང་གིས་དགེ་སྒྲུབ་སྤྱི་ཕན་བྱེད་སྒོ་སྤེལ་ནས་དཀའ་ངལ་ཡོད་པའི་མང་ཚོགས་ལ་རོགས་རམ་བྱས་ཏེ་སྤྱི་གཉེར་ཁང་གི་སྤྱི་ཚོགས་ཀྱི་སྣང་བརྙན་ཡག་པོ་བསྐྲུན་པ་རེད།

   གཉིས། ཞིབ་འཇུག་གསར་སྤེལ་བྱེད་ཤུགས་ཆེ་རུ་གཏོང་བ་དང་ཐོན་རྫས་ཇུས་འགོད་བྱེད་ཚད་མཐོ་རུ་བཏང་བ། ཉེ་བའི་ལོ་ཤས་རིང་། བཟོ་ཁང་གི་འགོ་འཛིན་ཏེ་གསུམ། འགྲེམས་ཚོང་དུ་ཞུགས་ནས་སྤུས་རྟགས་ཁྱབ་སྤེལ་ཆེ་རུ་བཏང་བ། འབར་ཁམས་བོད་སྤོས་བཟོ་རྩལ་ཁུལ་རིམ་པའི་བརྒྱུད་འཛིན་པ་ཤེས་རབ་ལགས་ཀྱིས་བོད་སྤོས་ཀྱི་སྡེབ་སྦྱོར་བྱེད་སྟངས་རྒྱུན་ཆད་མེད་པར་ལེགས་སུ་བཏང་ནས་རང་གྲབས་མ་དངུལ་གྱིས་སི་ཁྲོན་སློབ་ཆེན་ཧྭ་ཞི་གསོ་རིག་ཞིབ་འཇུག་ཁང་གི་ཆེད་མཁས་པ་གདན་དྲངས་ནས་བོད་སྤོས་ཀྱི་སྨན་སྦྱོར་ཐོན་རྫས་ལ་གསོ་རིག་གི་གྲངས་གཞིའི་ཚོད་ལྟ་བྱས་ཏེ་རྒྱ་ཆེ་བའི་མང་ཚོགས་ཀྱི་ཁྱིམ་དུ་སྤྱོད་པར་འཚམ་པའི་སྤོས་རིགས་བཟང་པོ་ཐོན་སྐྱེད་བྱས་ཤིང་། སྲོལ་རྒྱུན་གྱི་བོད་སྤོས་སྡེབ་སྦྱོར་བྱེད་ཐབས་ཀྱིས་འཛད་སྤྱོད་པའི་དགོས་མཁོ་དང་བསྟུན་ནས་སྤོས་གོར་དང་སྤོས་ཁུག་སོགས་སྒྲོན་མི་དགོས་པ་དང་། དུ་བ་མེད་པའི་བོད་སྤོས་ཀྱི་ཐོན་རྫས་ཐོན་སྐྱེད་བྱེད་བཞིན་ཡོད་པས། རྒྱལ་ཕྱི་ནང་གི་འཛད་སྤྱོད་པས་དེ་ལ་དགའ་བསུ་ཆེན་པོ་བྱེད་ཀྱི་ཡོད། བཟོ་ཁང་གིས་གཟུགས་མེད་རིག་གནས་ཤུལ་བཞག་ཚོང་གཉེར་ལྟེ་གནས་བཙུགས་ནས་ཁྲེང་ཏུའུ་དང་ནང་སོག། མཚོ་སྔོན་སོགས་སུ་དྲྭ་ཕྱིའི་ཚོང་ཁང་བཙུགས་ཏེ་ཐོན་རྫས་བྲིན་ཚོང་བྱེད་ཀྱི་ཡོད། ཉེ་བའི་ལོ་ཤས་རིང་། དྲྭ་རྒྱའི་ཚོང་གཉེར་འཕེལ་རྒྱས་ཕྱིན་པ་དང་བསྟུན་ཏེ་བཟོ་ཁང་གིས་སྲོལ་རྒྱུན་གྱི་ཚོང་གཉེར་བྱེད་སྟངས་བསྒྱུར་ནས་འཕྲིན་ཕྲན་བསྒྲིགས་རིམ་ཆུང་ངུའི་ཚོང་ར་དང་། འཁྱུག་དབྱིངས། ནོར་བྲུ་ཚོང་ཁང་སོགས་བཙུགས་ཏེ་ཐབས་ལམ་མང་པོའི་ཐོག་ནས་བོད་སྤོས་ཀྱི་ཐོན་རྫས་ཕྱིར་ཚོང་བྱེད་རྒྱ་ཆེ་རུ་བཏང་ཡོད། དེ་དང་ཆབས་ཅིག་འཕྲིན་ཕྲན་སྤྱི་སྟེགས་སུ་ཡི་གེ་དང་པར་རིས། སྒྲ་དང་བརྙན་སོགས་སྣེ་མང་ཅན་གྱི་ཐབས་ལམ་ནས་བཟོ་ཁང་གི་བྲིན་ཚོང་བྱེད་སྒོ་གསར་ཤོས་དུས་ཐོག་ཏུ་འཛད་སྤྱོད་པར་བསྒྲགས་ཀྱི་ཡོད།

   གསུམ། འགྲེམས་ཚོང་དུ་ཞུགས་ནས་སྤུས་རྟགས་ཁྱབ་སྤེལ་ཆེ་རུ་བཏང་བ།

   བཟོ་ཁང་གིས2021ལོར་འཛམ་གླིང་དངོས་མང་སྟོན་ཚོགས་དང་ཀོང་ཀྲོའུ་ཚོང་འདུས། ནུབ་རྒྱུད་དངོས་མང་སྟོན་ཚོགས་སོགས་ཐོན་རྫས་ཆེ་གྲས་གཉེར་ཚོང་དང་འོས་སྦྱོར་འགྲེམས་ཚོགས་ཐེངས50ལྷག་ལ་ཞུགས་ནས་ཚོང་འགྲུལ་པའི་ཐོན་ཁུངས་རྒྱུན་མཐུད་ངང་སྔོག་འདོན་དང་། སྤྱི་གཉེར་ཁང་གི་སྤུས་རྟགས་འཛུགས་པ། ཐོན་རྫས་འཚོང་ཚད་ཆེ་རུ་གཏོང་བ་བཅས་བྱས་པ་རེད། ལོ་ཤས་རིང་གི་འབད་བརྩོན་ལས་བརྩེ་འདུན་བོད་སྤོས་ལ་ཀྲུང་གོའི་ཁྱད་ལྡན་ཡུལ་སྐོར་ཚོང་རྫས་དང་། ཀྲུང་གོའི་བོད་སྤོས་ལས་རིགས་ཀྱི་མིང་རྟགས་གྲགས་ཅན་བཅུ། རྒྱལ་ཁབ་རིམ་པའི་གཟུགས་མེད་རིག་གནས་ཤུལ་བཞག་གི་དཔེ་སྟོན་རྟེན་གཞི་སོགས་ཀྱི་བྱ་དགའ་དང་མཚན་སྙན་མང་པོ་ཐོབ་པ་དང་། ཤེས་རབ་ལའང་སི་ཁྲོན་ཞིང་ཆེན་གྱི་ཕ་ཡུལ་དུ་ལོག་ནས་ལས་གཏོད་བྱེད་པའི་ཞིང་འབྲོག་མི་སྣ་ཕུལ་བྱུང་དང་། སི་ཁྲོན་ཞིང་ཆེན་གྱི་ཡུལ་སྡེ་རིག་གནས་དང་ཡུལ་སྐོར་གྱི་འཇོན་མི། རྔ་བ་ཁུལ་གྱི་ངལ་རྩོལ་དཔེ་བཟང་མི་སྣ་སོགས་ཀྱི་བྱ་དགའ་དང་གཟེངས་རྟགས་མང་པོ་ཐོབ་པ་རེད། དེ་ལྟར་ཤེས་རབ་ཀྱིས་བརྩེ་འདུན་བོད་སྤོས་བཟོ་ཁང་གི་སྣེ་ཁྲིད་ནས་སྲོལ་རྒྱུན་གྱི་ཁྱད་འཕགས་ལག་རྩལ་དེ་ཉིད་འཛིན་སྐྱོང་སྤེལ་གསུམ་བྱ་བར་བརྩོན་པ་ཧུར་གྱིས་གཞོལ་བཞིན་པ་དང་། གཟུགས་མེད་རིག་གནས་ཤུལ་བཞག་ལ་བརྟེན་ཏེ་དབུལ་ཐར་གྱི་གྲུབ་འབྲས་ཇེ་ལེགས་སུ་གཏོང་བ་དང་ཡུལ་སྡེ་དར་རྒྱས་གཏོང་བར་རམ་འདེགས་ཀྱི་ནུས་པ་བཏོན་དང་འདོན་བཞིན་ཡོད་དོ།།

མཁས་གྲུབ་ནོར་བུས་བྲིས་ཤིང་པར་བླངས།

རྩོམ་སྒྲིག་པ། མགར་རྒྱལ་སྲས།