སྤྱི་ཟླ་དང་པོའི་ཚེས23ཉིན་གྱི་སྔ་དྲོར།       ཞིང་ཆེན་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་གཉིས་པར་ཞུགས་པའི་ཁུལ་ཞིང་ཆེན་སྲིད་གྲོས་ཀྱི་ཨུ་ཡོན་སོ་སོ་གནས་སའི་རིགས་ཁོངས་ཚོ་ཆུང་གི་གྲོས་ཚོགས་སུ་ཞུགས་ནས། ཞིང་ཆེན་སྲིད་གཞུང་གི་ལས་དོན་སྙན་སེང་དང་ཞིང་ཆེན་སྲིད་གྲོས་ཀྱི་རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་སེང་དང་གྲོས་འཆར་ལས་དོན་སྙན་སེང་བཅས་ལ་གྲོས་ཞིབ་བྱས་ཤིང་། ཞིང་ཆེན་སྲིད་གྲོས་ཀྱི་ཨུ་ཡོན་དང་ཁུལ་སྲིད་གྲོས་ཀྱི་ཀྲུའུ་ཞི་ལེ་ཅན་ཕིང་ཀྲུང་གུང་ལས་རིགས་ཚོ་ཆུང་གི་གྲོས་བསྡུར་ལ་ཞུགས་པ་དང་གཏམ་བཤད་གནང་བ་རེད།

    ལེ་ཅན་ཕིང་གིས་གྲོས་འགོ་བཏོན་དོན། བོད་འབྲེལ་ས་ཁུལ་གྱི་ཆེད་ལས་ཤེས་ལྡན་མི་སྣའི་ལས་དོན་ལ་རྒྱབ་སྐྱོར་བྱེད་ཤུགས་ཆེ་རུ་བཏང་ནས་དེང་རབས་ཞིང་འབྲོག་ལས་དང་། སྐྱེ་ཁམས་ཡུལ་སྐོར། མི་རིགས་རིག་གནས། ནུས་རྒྱུ་གཙང་མའི་ཐོན་ལས་སོགས་འཕེལ་རྒྱས་ཀྱི་དགོས་མཁོར་དམིགས་ཏེ་ཡུལ་བབ་དང་བསྟུན་ནས་ཡུལ་དེ་གའི་ཤེས་ལྡན་མི་སྣ་དང་ཆེད་ལས་ཤེས་ལྡན་མི་སྣའི་བརྩོན་སྐུལ་རོགས་དངུལ་རྒྱབ་སྐྱོར་བྱེད་ཤུགས་ཆེ་རུ་གཏོང་བ་དང་།“སྣེ་ཁྲིད་ས་ཁུལ་དང་ཤོག་གསུམ་ས་ཁུལ་གྱིས་ཕྱོགས་མང་འདེགས་སྐྱོར་ས་ཁུལ་ལ་ཕྱོགས་པའི”བར་གྱི་ཤེས་ལྡན་མི་སྣའི་མཐུན་སྦྱོར་རོགས་སྐྱོར་འཕེལ་རྒྱས་ཀྱི་ལམ་སྲོལ་འཛུགས་པ་དང་འཐུས་ཚང་དུ་གཏོང་ཞིང་། ཆེད་ལས་ཤེས་ལྡན་མི་སྣ་གསོ་སྐྱོང་དང་འཕེལ་རྒྱས་ཐད་ཚེ་གང་ལམ་ལུགས་ལག་ལེན་བསྟར་བ་དང་། ཆེད་ལས་ཤེས་ལྡན་མི་སྣ་ལས་རིགས་ལས་བརྒལ་ནས་ཕྱིར་བསྒྱུར་བར་ཚོད་འཛིན་ནན་པོ་བྱས་ཏེ་ཆེད་ལས་ཤེས་ལྡན་མི་སྣ་ཆེད་ལས་ཁོངས་གཏོགས་སུ་འཕེལ་རྒྱས་དེ་བས་ཡག་པོ་ཡོང་བ་དང་གྲུབ་འབྲས་དེ་བས་ལེགས་པོ་འཐོབ་པར་བསྐུལ་དགོས། སི་ཁྲོན་བོད་འབྲེལ་ས་ཁུལ་གྱི་སྤྱི་ཚོགས་བཅོས་སྐྱོང་ནུས་པ་དེང་རབས་ཅན་དུ་འགྱུར་བའི“རིག་ནུས་བཅོས་སྐྱོང”ལ་རྒྱབ་སྐྱོར་བྱེད་ཤུགས་ཆེ་རུ་བཏང་ནས“དན་གྲངས་ཆེན་མོ་དང་། དྲྭ་རྩིས། ཟོག་འབྲེལ་དྲྭ་སྦྲེལ”སོགས་ཨང་ཀིའི་ལག་རྩལ་བོད་འབྲེལ་ས་ཁུལ་བཅོས་སྐྱོང་ནུས་པའི་ཁྲོད་དེ་བས་ལེགས་པའི་སྒོ་ནས་སྤྱོད་ཐུབ་པ་དང་། རྒྱལ་ཁབ་ཀྱི་མཐའ་སྐྱོང་བོད་བརྟན་དང་ཞིང་ཨུའི་བོད་འབྲེལ་ལས་དོན་གྱི་བཀོད་སྒྲིག་དེ་བས་དོན་འཁྱོལ་ཡག་པོ་བྱས་ནས་བོད་བརྟན་ཁམས་བདེ་དང་མཐའ་འཁོར་འཐབ་ཇུས་གནད་ས་ཇུས་གཉེར་གྱི་ནུས་པ་ཡག་པོ་དང་སྲ་བརྟན་ཡག་པོ་ཡོང་བ་བྱ་དགོས། སྐྱེ་ཁམས་ཐོན་རྫས་ཀྱི་རིན་ཐང་མངོན་འགྱུར་ ཐབས་ལམ་འཚོལ་ཞིབ་ཧུར་ཐག་བྱས་ནས་དགོས་མཁོ་གཞིར་བཟུང་བསྒྱུར་བཅོས་ཀྱི་བྱེད་ཐབས་གསར་པ་ཞིབ་འཇུག་བྱས་ནས་བཏོན་པ་དང་། གཙོ་རྐྱེན་གྱི་འདེགས་སྐྱོར་འཐུས་ཚང་དུ་གཏོང་བ། སྣ་མང་མ་འཇོག་ལམ་སྲོལ་འཐུས་ཚང་དུ་གཏོང་ཞིང་། སྤྱི་ཚོགས་ཀྱི་མ་རྩ་དེ་བས་མང་བ་སྐྱེ་ཁམས་ཐོན་རྫས་ཀྱི་རིན་ཐང་མངོན་འགྱུར་ཁྱབ་ཁོངས་ནང་ཞུགས་རྒྱུར་སྐུལ་མ་གཏོང་བ། སྐྱེ་ཁམས་ཐོན་རྫས་སྐྱེལ་འདྲེན་ལ་མྱུར་བགྲོད་གཞུང་ལམ་གྱི་ཤར་བགྲོད་འགྲོ་ལམ་འཛུགས་པ་དང་། སྲིད་ཇུས་ཀྱི་རོགས་སྐྱོར་བྱེད་ཤུགས་ཆེ་རུ་གཏོང་ཞིང་སྐྱེ་ཁམས་རིན་ཐང་གཞན་སྒྱུར་མ་ལག་ལ་ཤུགས་བརྒྱག་དགོས།

    ལེ་ཅན་ཕིང་གིས་དཀར་མཛེས་ཁུལ་སྲིད་གྲོས་ཀྱིས་ཞིང་ཨུའི་ཧྲུའུ་ཅི་ཝང་ཞའོ་ཧུའེ་ཡི་གསུང་བཤད་གལ་ཆེན་གྱི་སྙིང་དོན་དང་ཞིང་ཆེན་གྱི་ཚོགས་འདུ་གཉིས་ཀྱི་སྙིང་དོན་མུ་མཐུད་དེ་སློབ་སྦྱོང་དང་ལག་ལེན་མཐར་ཕྱིན་བསྟར་བ་དང་། སྒྲོག་འགྲེལ་བྱས་ཏེ་ཐོག་མའི་བསམ་འདུན་མ་བརྗེད་པར་རང་འགུལ་ངང་འགན་འཁྲི་འཁུར་བ་དང་། ལས་གནས་ཐོག་གཞི་བཙུགས་ནས་ཨུ་ཡོན་གྱི་ནུས་པ་འདོན་སྤེལ་བྱེད་ཅིང་། སྲིད་གྲོས་ཀྱི་འགན་ནུས་ཧུར་ཐག་བསྒྲུབས་ནས་འབྲེལ་ཟམ་ལྟ་བུའི་ནུས་པ་འདོན་སྤེལ་ཡག་པོ་བྱ་དགོས། ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་འདུ་ཤེས་བརྟན་པོར་བཅངས་པ་གཙོ་ཕྱོགས་སུ་འཛིན་པ་རྒྱུན་འཁྱོངས་ནས་བསམ་བློ་ཆབ་སྲིད་ཀྱི་སྣེ་ཁྲིད་ལ་ཤུགས་རྒྱག་པ་དང་ཐུན་མོང་ངོས་འཛིན་རྒྱ་ཁྱབ་ངང་གཅིག་སྡུད་བྱ་རྒྱུ་དེ་འགན་འཁྲི་སྒྲུབ་པའི་གནད་ཐུག་ས་གཙོ་བོར་བརྩི་བ་དང་། གཞི་རིམ་དུ་བསྐྱོད་དེ་ཏང་གི་སྲིད་ཇུས་དང་བཅའ་ཁྲིམས་ཁྲིམས་སྲོལ་གྱི་དྲིལ་བསྒྲགས་ཁྲིད་སྟོན་ཡག་པོ་བྱེད་ཅིང་། མི་རིགས་ཁག་ཐུན་མོང་ཐོག་མཐུན་སྒྲིལ་འབད་འཐབ་དང་ཐུན་མོང་ཐོག་དར་རྒྱས་གོང་འཕེལ་ཡོང་བའི་རྣམ་པ་བཟང་པོ་རྒྱུན་ཆད་མེད་པར་གཏོད་པ། དུས་བབ་དང་བསྟུན་ནས་མི་རིགས་ཁག་དང་ལས་རིགས་ཁག་གི་མི་སྣར་ཁྲིད་སྟོན་བྱས་ཏེ་བསམ་བློ་དང་བྱ་སྤྱོད་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུའི་བླང་བྱའི་ཐོག་གཅིག་གྱུར་ཏན་ཏིག་ཡོང་བ་བཅས་བྱས་ནས་འགག་སྒྲོལ་དཀའ་སེལ་དཀའ་སྒྲུབ་དང་མི་བརྒྱ་སེམས་གཅིག་གི་སྟོབས་ཤུགས་གཅིག་ཏུ་འགྲིལ་ཐུབ་པ་བྱ་དགོས། གཞི་རིམ་གྱི་ཨུ་ཡོན་དང་གཞི་རིམ་གྱི་སྲིད་གྲོས་ལས་བྱེད་པས་ཐོག་མཐའ་བར་གསུམ་དུ་དར་ཆ་གསལ་སྒྲེང་གིས་ཆབ་སྲིད་ལ་སྣང་ཆེན་དང་།སྤྱི་ཡོངས་ལ་ཞབས་འདེགས་ཞུས་ནས་འཕེལ་རྒྱས་ལ་སྐུལ་འདེད། དམངས་ཀྱི་དོན་དུ་འགན་འཁྲི་འཁུར་ཕོད་པ།“གཞི་རིམ་དུ་སྤེལ་བ་བཞིའི”ལས་ཀའི་བྱེད་ཐབས་མུ་མཐུད་སྤྱོད་པ། བརྟག་ཞིབ་ལྟ་ཞིབ་དང་གྲོས་མོལ་སྲིད་གླེང་ཡག་པོ་བྱས་ནས་ཞིང་ཆེན་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཆེད་ཐབས་འདོན་ཇུས་འབུལ་ཧུར་ཐག་བྱས་ཏེ་སྲིད་གྲོས་ཀྱི་གཟུགས་བརྙན་གསར་པ་དང་། འགན་འཁྲི་གསར་པ། བྱས་རྗེས་གསར་པ་བཅས་མངོན་ནས་མི་དམངས་སྲིད་གྲོས་ཀྱི་བྱ་གཞག་སླར་ཡང་གོམ་སྟབས་གསར་པ་དང་སྐས་རིམ་གསར་པ་ཞིག་ཏུ་བསླེབ་པར་རྒྱུན་ཆད་མེད་པར་བསྐུལ་དགོས་ཞེས་གསུངས་པ་རེད།།