ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གོ་མི་དམངས་ཀྱི་འཇར་འགོག་དམག་འཁྲུག་དང་འཛམ་གླིང་གིས་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་འཁོར་བདུན་ཅུ་ལོན་པར་དྲན་གསོ་ཞུ་བའི་ཚོགས་ཆེན་ཚེས་གསུམ་ཉིན་པེ་ཅིན་ནས་གཟབ་རྒྱས་ངང་བསྡུས། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་སྙིང་ཉེ་བའི་ཐུགས་ཁུར་འོག སྤྱི་བདེ་དཔའ་བོ་དཔེ་ལེགས་ཅན་གྱི་འཐུས་མི་བརྒྱད་ཅུ་ཡིས་རྒྱལ་ཡོངས་ཀྱི་སྤྱི་བདེ་ཉེན་རྟོག་པ་དང་སྤྱི་བདེ་དངོས་ཞབས་དཔོན་དམག་གི་ཚབ་བྱས་ནས་གདན་དྲངས་པ་ལྟར་དམག་གཟིགས་བྱ་འགུལ་ལ་བལྟས། ཚེས་བཞི་ཉིན། རྒྱལ་སྲིད་ཨུ་ཡོན། སྤྱི་བདེ་པུའུ་ཡི་པུའུ་ཀྲང་ཀའོ་ཧྲིན་ཁུན་གྱིས་དམག་གཟིགས་བྱ་འགུལ་ལ་ལྟ་བའི་སྤྱི་བདེ་དཔའ་བོ་དཔེ་ལེགས་ཅན་ལ་མཇལ་འཕྲད་གནང་།

མཇལ་འཕྲད་གནང་སྐབས་ཀའོ་ཧྲིན་ཁུན་གྱིས་ནན་གྱིས་གསུངས་རྒྱུར། རྒྱལ་ཡོངས་སྤྱི་བདེ་ལས་ཁུངས་དང་རྒྱ་ཆེའི་སྤྱི་བདེ་ཉེན་རྟོག་པས་སྤྱི་ཁྱབ་ཧྲུའུ་ཅི་ཞི་ཅིན་ཕེན་གྱིས་དྲན་གསོ་ཚོགས་ཆེན་སྟེང་གནང་བའི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་དང་ལག་ལེན་མཐར་ཕྱིན་བྱས་ཏེ། འཇར་འགོག་དམག་འཁྲུག་གི་སྙིང་སྟོབས་རླབས་ཆེན་ཁྲོད་ནས་མདུན་སྐྱོད་ཀྱི་སྟོབས་ཤུགས་བསྡུ་ལེན་བྱས་ཏེ། སྤྱི་བདེ་བྱ་བ་སྣ་ཚོགས་ལ་འཕེལ་རྒྱས་གསར་བ་འབྱུང་བར་སྐུལ་འདེད་གཏོང་བ་དང་། བརྒྱ་ལོ་གཉིས་ཀྱི་འབད་འཐབ་དམིགས་འབེན་དང་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་བྱེད་པར་བྱས་རྗེས་སྔར་ལས་ཆེན་པོ་འཇོག་དགོས་ཟེར།  །