ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཚེས་བཅུ་སུམ་ཉིན་ཀྲུང་གོ་བོད་ཀྱི་རིག་གནས་བརྗེ་རེས་ཚོགས་པས་མོང་གོལ་རྒྱལ་ཁབ་ལ་དུས་ཡུན་ཉིན་གསུམ་རིང་གི་འཚམས་འདྲི་མཇུག་རྫོགས། བརྗེ་རེས་ཚོགས་པས་མོང་གོལ་རྒྱལ་ཁབ་སྤྱི་ཚོགས་ཚན་རིག་གླིང་གི་འབྲེལ་ཡོད་ཆེད་མཁས་པ་དང་ས་དེའི་བོད་བརྒྱུད་ནང་བསྟན་ཆོས་ལུགས་ལས་རིགས་ཁག་གི་མི་སྣ་དང་བརྗེ་རེས་ཟབ་མོ་བྱས་པར་མ་ཟད། བོད་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་། དམངས་ཚིས་ལེགས་བཅོས། རིག་གནས་རྒྱུན་འཛིན་བཅས་ཐད་ཀྱི་གནས་ཚུལ་མཚམས་སྦྱོར་བྱས།

དེའི་སྔོན་གྱི་ཚེས་དྲུག་ཉིན་ནས་ཚེས་བཅུ་ཉིན་བར། ཀྲུང་གོ་བོད་ཀྱི་རིག་གནས་བརྗེ་རེས་ཚོགས་པས་ཨུ་རུ་སི་ལ་འཚམས་འདྲི་བྱས་ནས། ཨུ་རུ་སིའི་ལས་རིགས་ཁག་གི་མི་སྣ་དང་བརྗེ་རེས་ཟབ་མོ་བྱས་པར་མ་ཟད། ཁོ་ཚོར་ཀྲུང་གོ་བོད་ལྗོངས་དང་བོད་ཁུལ་གྱི་དཔལ་འབྱོར་དང་སྤྱི་ཚོགས། རིག་གནས་བཅས་འཕེལ་རྒྱས་དང་ཆོས་ལུགས་དད་མོས་སྐོར་གྱི་གནས་ཚུལ་མཚམས་སྦྱོར་བྱས་ཏེ། གྲུབ་འབྲས་ཅུང་བཟང་བོ་བླངས།  །