ཟླ་བརྒྱད་པའི་ཚེས་ཉེར་དགུ་ཉིན། རྒྱལ་ཁབ་ཚོང་དོན་པུའུ་ཡིས་གཙོ་སྒྲུབ་བྱས་པ་དང་། མཚོ་སྔོན་ཞིང་ཆེན་ཚོང་དོན་ཐིན་དང་མཚོ་སྔོན་ཞིང་ཆེན་རྒྱལ་སྤྱིའི་དཔལ་འབྱོར་མཉམ་ལས་སྐུལ་སྤེལ་ལྟེ་གནས་གཉིས་ཀྱིས་འགན་ཁུར་ནས་སྒྲུབ་པའི2015ལོའི་འཕེལ་རྒྱས་ཁྲོད་ཀྱི་རྒྱལ་ཁབ་ཀྱི་རང་བྱུང་སྲུང་སྐྱོབ་ཁུལ་དོ་དམ་དང་སྲུང་སྐྱོབ་ཐད་ཀྱི་ཟབ་སྦྱོང་འཛིན་གྲྭ་ཟི་ལིང་ནས་བསྒྲུབས། བྷང་ཀ་ལ་དང་ཀྲི་ལི། ཁུ་པ། ཏོ་སྨི་ནི་ཁ། ཨེ་ཀྭ་ཏོར། ཏི་ཝུན་ཤར་མ། སྨེ་ཁི་རོ་ནི་ཞི་ཡ། ཕ་ལེ་སི་ཐན། སི་རི་ལན་ཁ། སུའུ་ཏན། ཝུ་ཀན་ཏ་སོགས་རྒྱལ་ཁབ་བཅུ་གསུམ་ནས་ཡོང་བའི་མི་ཞེ་གཅིག་གསོ་སྦྱོང་ལ་ཞུགས།

ཐེངས་འདིའི་ཟབ་སྦྱོང་འཛིན་གྲྭ་ནི་མཚོ་སྔོན་ཞིང་ཆེན་གྱི་ཁྱད་དུ་འཕགས་པའི་སྐྱེ་ཁམས་གོ་གནས་དང་ཟུང་འབྲེལ་བྱས་ནས་གསར་སྤེལ་བྱས་པའི་ཕྱོགས་མང་མཉམ་ལས་ལས་གཞི་ཞིག་ཡིན་ལ། ཆེད་དུ་མཚོ་སྔོན་སློབ་ཆེན་གྱི་འབྲེལ་ཡོད་ཆེད་མཁས་པ་གདན་ཞུ་བྱས་ནས་སློབ་ཁྲིད་བྱས་པ་དང་། དེའི་དམིགས་ཡུལ་ནི་འཕེལ་རྒྱས་ཁྲོད་ཀྱི་རྒྱལ་ཁབ་ལ་རོགས་བྱས་ཏེ་ཤེས་ལྡན་མི་སྣ་སྐྱེད་སྲིང་བྱེད་པ་དང་། ཉམས་མྱོང་བརྗེ་རེས་དང་ལག་རྩལ་མཉམ་ལས་ལ་སྐུལ་འདེད་བྱེད་པ། སློབ་མ་ཚོའི་རང་བྱུང་སྲུང་སྐྱོབ་ཁུལ་དོ་དམ་དང་སྲུང་སྐྱོབ་བྱེད་པའི་ཐད་ཀྱི་རིགས་གཞུང་ཆུ་ཚད་དང་ལག་རྩལ་བཀོལ་སྤྱོད་ནུས་པ་མཐོར་འདེགས་བྱེད་རྒྱུ་དེ་རེད། རྒྱུས་ལོན་བྱུང་བ་ལྟར་ན། གསོ་སྦྱོང་སྐབས་སུ་ད་དུང་ཞིང་ཆེན་ནང་ཁུལ་གྱི་འབྲེལ་ཡོད་ས་ཁུལ་དུ་ཡུལ་དངོས་ལྟ་ཞིབ་བྱེད་པ་སོགས་ཀྱི་བྱ་འགུལ་ཡང་བཀོད་སྒྲིག་བྱས་ཡོད།