སྤྱི་ཟླ8པའི་ཚེས10ཉིན། སི་ཁྲོན་ཞིང་ཆེན་རྒྱང་སྒྲོག་བརྙན་འཕྲིན་བོད་སྐད་འཕྲིན་ལམ་གྱི་ལོ་རྒན་དྲུག་ཅུའི་སྐྱེས་སྐར་བསུ་བའི་བྱེད་སྒོ་རྔ་བ་ཁུལ་ཁྱུང་མཆུ་རྫོང་དུ་སྤེལ། ཐེངས་འདིའི་བོད་སྐད་རྒྱང་སྒྲོག་གི་ལོ་ངོ་དྲུག་ཅུ་བོད་ཁམས་སུ་སྐྱོད་པའི་བརྩེ་བ་ཟབ་མོ་ཞེས་པའི་ཡུལ་དངོས་ཀྱི་རིག་རྩལ་སྤྲོ་ཚོགས་སྟེང་། བོད་ཀྱི་མིང་དུ་གྲགས་པའི་གླུ་བ་ཚེ་དབང་དང་གླུ་མ་སྒྲོལ་པེ་སོགས་ཞུགས་ཡོད་པར་མ་ཟད། དམངས་ཚོགས་ཀྱི་རེ་འདུན་དང་མཐུན་པའི་རིག་རྩལ་ལེ་ཚན་གྱ་ནོམ་པ་ཞིག་བཀོད་སྒྲིག་བྱས་ཡོད། ཐེངས་འདིའི་སྤྲོ་ཚོགས་བརྒྱུད་སི་ཁྲོན་བོད་སྐད་རྒྱང་སྒྲོག་གི་དྲིལ་བསྒྲགས་ནུས་ཤུགས་དང་གཞི་རིམ་འཚོ་བར་ཟབ་ཞུགས་བྱེད་པའི་ནུས་པ་མཐོར་འདེགས་སུ་གཏང་བར་ཕན་ནུས་གལ་ཆེན་ཐོན་ཡོད། །