ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། སྤྱི་ཚེས་བདུན་ཉིན་ཀྲུང་གོའི་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་དང་ཀྲུང་གོའི་དམངས་ཁྲོད་རྩོམ་རིག་སྒྱུ་རྩལ་བའི་མཐུན་ཚོགས་དང་།ཅི་ལིན་ཞིང་ཆེན།ཁྲང་ཁྲུན་གྲོང་ཁྱེར་དང་མཉམ་དུ་གཙོ་གཉེར་བྱས་པའི་སྐབས་དགུ་པའི་ཀྲུང་གོའི་ཁྲང་ཁྲུན་དམངས་ཁྲོད་སྒྱུ་རྩལ་གྱི་དངོས་མང་འགྲེམ་ཚོགས་ཀྱི་དབུ་འཛུགས་མཛད་སྒོ་སྤེལ་ཡོད།འགྲེམ་སྟོན་ཉིན་མ་ལྔ་རིང་སྤེལ་རྒྱུ་ཡིན་པ་དང་།རྒྱལ་ཡོངས་ས་གནས་ཁག་དང་ཨེ་ཤེ་ཡ་བྱང་ཤར་གྱི་རྒྱལ་ཁབ་ནས་ཕེབས་པའི་དམངས་ཁྲོད་སྒྱུ་རྩལ་བ་རྣམས་ཀྱིས་འགྲེམ་ཚོགས་སུ་གཡང་ཊིའི་ཡོ་ཆས་དང་།འཚེམ་དྲུབ་ཐོན་རྫས།ཤིང་གི་སྒྱུ་རྩལ།ཡིག་རིས་སོགས་དམངས་ཁྲོད་ཀྱི་སྒྱུ་རྩལ་ཐོན་རྫས་འབུམ་གཅིག་ལྷག་དང་སྒྱུ་རྩལ་གསར་གཏོད་ཀྱི་ལག་རྩལ་སོགས་སྟོན་རྒྱུ་རེད།དམངས་ཁྲོད་སྒྱུ་རྩལ་གྱི་དངོས་མང་འགྲེམ་ཚོགས་ཀྱི་རིག་གནས་དམངས་ཕན་གྱི་རང་བཞིན་འབུར་དུ་འཐོན་ཆེད།སྐབས་འདིའི་དམངས་ཁྲོད་སྒྱུ་རྩལ་གྱི་དངོས་མང་འགྲེམ་ཚོགས་ནས།རིག་གནས་དུས་ཆེན་ཉིན་མོར།ལག་རྩལ་དམངས་ལ་སློབ་དགོས་ཞེས་བརྗོད་གཞི་གཙོ་བོར་བྱས་ཏེ།བརྗོད་གཞི་འགྲེམ་སྟོན་ཁང་ལྔ་དང་།འགྲེམ་སྟོན་ཁུལ་ཉི་ཤུ།དེ་བཞིན་འགྲེམ་སྟོན་འགྲེམ་གནས1050ཙམ་བཀོད་སྒྲིག་བྱས་ཡོད་པ་རེད།  །