བརྒྱད་གཅིག་དམག་འཛུགས་དུས་ཆེན་མ་ཤར་བའི་སྔོན་དུ་དྲག་པོའི་ཉེན་རྟོག་བོད་ལྗོངས་མཐའ་སྲུང་སྤྱི་ཁྱབ་དཔུང་ཁག་གི་སྨན་ཁང་གིས་བདེ་ཐང་གཞི་རིམ་དུ་བསྐྱོད་ཅེས་པའི་བརྟག་བཅོས་རུ་ཁག་ལྷོ་ཁ་ས་ཁུལ་ལྷུན་རྩེ་རྫོང་རི་ཐང་གྲོང་རྡལ་ཆོས་གོས་ཐང་གྲོང་སྡེར་ཕྱིན་ནས་གྲོང་མིར་འོས་འགན་ནད་བརྟག་གི་བྱེད་སྒོ་སྤེལ་བ་རེད། ངོ་སྤྲོད་བྱས་པར་གཞིགས་ན། ཉེ་ཆར་ནད་བརྟག་སྨན་བཅོས་རུ་ཁག་དེ་ལྷོ་ཁ་དང་ཉིང་ཁྲི་ས་ཁུལ་བཅས་སུ་ལུས་པོར་ཞིབ་བཤེར་དང་རྒྱུན་མཐོང་གི་ནད་སྔོན་འགོག་བྱེད་པའི་ཤེས་བྱ་སྒྲོག་འགྲེལ་དང་། རྒྱུན་སྤྱོད་སྨན་རྫས་སྦྱིན་པ་སོགས་ཀྱི་བྱེད་སྒོ་སྤེལ་རྒྱུ་རེད། པར་འདི་ནི་ནད་བརྟག་སྨན་བཅོས་རུ་ཁག་གི་གྲུབ་མིས་ལྷུན་རྩེ་རྫོང་གི་གྲོང་མི་ལ་ནད་རིགས་སྔོན་འགོག་གི་ཤེས་བྱ་སྒྲོག་འགྲེལ་བྱེད་བཞིན་པའི་ཚུལ་རེད།