ཀྲུང་གོ་བོད་ཀྱི་དྲ་བའི་འཕྲིན། བོད་ཡིག་གི་གནའ་དཔེ་སྲུང་སྐྱོབ་བྱེད་ཚད་ལ་སྔར་བས་ཤུགས་སྣོན་བྱས་ཏེ།བོད་ཡིག་གི་གནའ་དཔེ་སྲུང་སྐྱོབ་ཀྱི་ཤེས་ལྡན་མི་སྣའི་དཔུང་ཁག་སྐྱེད་སྲིང་དང་སྟོབས་ཆེར་གཏོང་ཆེད།ཚེས21ཉིན་གྱི་སྔ་དྲོའི་ཆར་བོད་ལྗོངས་ཀྱི་སྐབས་དང་པོའི་བོད་ཡིག་དཔེ་རྙིང་ཉམས་གསོའི་ཟབ་སྦྱོང་འཛིན་གྲྭ་དང་བོད་རང་སྐྱོང་ལྗོངས་བོད་ཡིག་གནའ་དཔེ་སླར་གསོ་ལྟེ་གནས་ཀྱི་ཡོལ་ཁེབས་ཕྱེ་བའི་མཛད་སྒོ་ལྷ་སར་བསྡུས།མིག་སྔའི་བར།བོད་དུ་ཁྱོན་བསྡོམས་གནའ་དཔེ་རྩ་ཆེན་ཁག158རྒྱལ་ཁབ་ཀྱི་གནའ་དཔེ་རྩ་ཆེན་གྱི་མིང་གཞུང་དུ་ཚུད་འདུག་ཅིང་།སྡེ་ཚན4ནི་རྒྱལ་ཡོངས་ཀྱི་གནའ་དཔེ་གཙོ་གནད་ཉར་ཚགས་སྡེ་ཚན་དུ་ཚུད་དེ་མཚོ་སྔོན་ཡུལ་ཤུལ་སོགས་ས་ཁུལ་ནས་གནའ་དཔེ་རྩ་ཆེན་ཁག200བླུས་འདུག
ད་ལོ་ནས་བཟུང་།རྒྱལ་ཁབ་གནའ་དཔེ་སྲུང་སྐྱོབ་ལྟེ་གནས་ཀྱིས་མུ་མཐུད་དུ་ད་ཡོད་ཀྱི་ཐོན་ཁུངས་སྡེབ་སྒྲིག་དང་།འཆར་གཞི་ཡོད་པའི་སྒོ་ནས་བོད་རང་སྐྱོང་ལྗོངས་ཀྱི《རྒྱལ་ཁབ་ཀྱི་གནའ་དཔེ་རྩ་ཆེན་གྱི་མིང་གཞུང》དུ་ཚུད་པའི་གནའ་དཔེར་བསྐྱར་དཔར་འདྲ་བཟོ་དང་།གྲངས་ཀ་ཅན་སོགས་ཀྱི་ལས་དོན་སྤེལ་རྒྱུ་རེད།རང་སྐྱོང་ལྗོངས་ཏང་ཨུད་དྲིལ་བསྒྲགས་པུའུ་ཡི་པུའུ་ཀྲང་གཞོན་པ།རང་སྐྱོང་ལྗོངས་རིག་གནས་ཐིང་གི་ཐིང་ཀྲང་ཉི་མ་ཚེ་རིང་གིས་ངོ་སྤྲོད་གནང་པ་ལྟར་ན།བོད་ནི་རྒྱལ་ནང་གི་བོད་ཡིག་གནའ་དཔེ་གྲངས་ཚད་ཆེས་མང་པའི་ཞིང་ཆེན་ཡིན་ལ།རང་སྐྱོང་ལྗོངས་གནའ་དཔེ་སྲུང་སྐྱོབ་ལྟེ་གནས་ཀྱིས་ཉེ་བའི་ལོ་འདི་འགའི་རིང་གི་གནའ་དཔེར་ཞིབ་བཤེར་ལས་རིམ་སྤེལ་བའི་ཁྲོད་གནའ་དཔེ་རྙིང་རལ་འབོར་ཆེན་རྙེད་ནས་ཉེར་མཁོའི་མྱུར་སྐྱོབ་སྲུང་སྐྱོབ་གནང་ཡོད་མོད།ཉམས་གསོ་བྱེད་གལ་ཆེ་བའི་གནའ་དཔེ་འབོར་ཆེན་དང་འཕྲད་དུས་ན།རང་སྐྱོང་ལྗོངས་ཀྱི་གནའ་དཔེ་སླར་གསོ་ལྟེ་གནས་གཅིག་པུར་བརྟེན་ན་ནི་ལས་དེ་འགྲུབ་ཐབས་མེད་ལ།སྐབས་དང་པོའི་བོད་ཡིག་གི་གནའ་དཔེ་ཉམས་གསོའི་ལག་རྩལ་ཟབ་སྦྱོང་འཛིན་གྲྭ་འདི་སྒྲུབ་པ་ཡིན་ཟེར།ཤེས་རྟོགས་བྱུང་བར་གཞིགས་ན།ད་རེས་ཀྱི་ཟབ་སྦྱོང་འདི་དུས་ཡུན་ཉིན་བཅུའི་རིང་སྤེལ་རྒྱུ་ཡིན་ལ།ཟབ་སྦྱོང་དུ་ཞུགས་མཁན་ལས་ཁུངས་སུ་ཕོ་བྲང་པོ་ཏ་ལ་དང་ལྷ་ལྡན་གཙུག་ལག་ཁང་།ར་མོ་ཆེ།རང་སྐྱོང་ལྗོངས་ཡིག་ཚགས་ཅུས་སོགས་བོད་ཀྱི་གནའ་རྫས་རྩ་ཆེན་ཉར་ཚགས་སྡེ་ཚན་ལས་གཞན།གྲོང་ཁྱེར་དང་ས་ཁུལ་བདུན་གྱི་འབྲེལ་ཡོད་རིག་གནས་དང་རིག་དངོས་སྡེ་ཚན་བཅས་ཁྱོན་བསྡོམས་སློབ་གཉེར་པ42ཡོད་པ་རེད།ཟབ་སྦྱོང་མཇུག་སྒྲིལ་རྗེས།དཔྱད་ཞིབ་བརྒྱུད་ཐུབ་པའི་སློབ་མར་རང་སྐྱོང་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གིས་འབྲེལ་ཡོད་ཆེད་ལས་ལག་རྩལ་ཟབ་སྦྱོང་དཔང་ཡིག་གནང་རྒྱུ་རེད་འདུགཉི་མ་ཚེ་རིང་གིས“མིག་སྔའི་བར།བོད་དུ་ཁྱོན་བསྡོམས་གནའ་དཔེ་རྩ་ཆེན་ཁག158རྒྱལ་ཁབ་ཀྱི་གནའ་དཔེ་རྩ་ཆེན་གྱི་མིང་གཞུང་དུ་ཚུད་འདུག་ཅིང་།སྡེ་ཚན4ནི་རྒྱལ་ཡོངས་ཀྱི་གནའ་དཔེ་གཙོ་གནད་ཉར་ཚགས་སྡེ་ཚན་དུ་ཚུད་དེ་མཚོ་སྔོན་ཡུལ་ཤུལ་སོགས་ས་ཁུལ་ནས་གནའ་དཔེ་རྩ་ཆེན་ཁག200བླུས་ཡོད་པ་དང་།ད་ལོར་རང་སྐྱོང་ལྗོངས་རིམ་པའི་གནའ་དཔེ་རྩ་ཆེན་གྱི་མིང་གཞུང་དང་གནའ་དཔེ་གཙོ་གནད་ཉར་ཚགས་སྡེ་ཚན་གྱི་རེ་ཞུ་མིང་བཏགས་ལས་ཀའང་འགོ་བརྩམས་ཡོད”ཟེར།
“རྒྱལ་ཁབ་ཀྱི་གནའ་དཔེ་སྲུང་སྐྱོབ་ལྟེ་གནས་ཀྱིས་སྔ་གཞུག་ཏུ་བོད་ཀྱི་གནའ་དཔེ་དག་སྒྲིག་པར་སྐྲུན་རྣམ་གྲངས་ཐད་མ་དངུལ་སྒོར་ཁྲི་ཚོ༣༠༠ལྷག་བཏང་ནས་རོགས་སྐྱོར་བྱས་ཡོད་པ་མ་ཟད་འབྲེལ་ཡོད་སྒྲིག་ཆས་ཉོས་འདུག་ཅིང་།སླད་ཕྱིན་ཡང་བོད་སྐྱོར་བྱེད་ཤུགས་མུ་མཐུད་ཆེ་རུ་གཏོང་རྒྱུ་ཡིན”ཞེས་རྒྱལ་ཁབ་དཔེ་མཛོད་ཁང་གི་འགོ་གཙོ་གཞོན་པ།རྒྱལ་ཁབ་གནའ་དཔེ་སྲུང་སྐྱོབ་ལྟེ་གནས་ཀྱི་ཀྲུའུ་རེན་གཞོན་པ་ཀྲང་ཀྲི་ཆིང་གིས།རྒྱལ་ཁབ་གནའ་དཔེ་སྲུང་སྐྱོབ་ལྟེ་གནས་ཀྱིས་རང་སྐྱོང་ལྗོངས་གནའ་དཔེ་སྲུང་སྐྱོབ་ལྟེ་གནས་དང་མཉམ་འབྲེལ་བྱས་ངོར།ལྗོངས་ཡོངས་ཀྱི་ཁྱབ་ཁོངས་ནང་མུ་མཐུད་དུ་གནའ་དཔེ་བརྟག་དཔྱད་དང་རྒྱུས་ལོན།བསྔོ་བགྲང་།དཀར་ཆག་སྒྲིག་པ།ལེགས་སྒྲིག་ལས་དོན་སྤེལ་རྒྱུ་རྩ་འཛུགས་བྱེད་རྒྱུ་ཡིན།གཞིས་ཀ་རྩེ་གྲོང་ཁྱེར་དང་ཆབ་མདོ་གྲོང་ཁྱེར།ཕོ་བྲང་པོ་ཏ་ལ་སོགས་གཙོ་གནད་བསྡུ་ཉར་སྡེ་ཚན་དུ་ལ་ཡོངས་ཁྱབ་ཞིབ་བཤེར་ལས་དོན་སྤེལ་རྒྱུ་ཡིན་ཟེར།ཀྲང་ཀྲི་ཆིང་གིས་ངོ་སྤྲོད་ལྟར་ན།སླད་ཕྱིན་རྒྱལ་ཁབ་གནའ་དཔེ་སྲུང་སྐྱོབ་ལྟེ་གནས་ཀྱིས་བོད་རང་སྐྱོང་ལྗོངས་ཀྱི་གནའ་དཔེ་ཞིབ་བཤེར་ཐོ་འགོད་དང་བོད་ཡིག་གི་གནའ་དཔེ་རྩ་ཆེན་གྲངས་ཀ་ཅན།གནའ་དཔེ་སྲུང་སྐྱོབ་ཤེས་ལྡན་མི་སྣར་ཟབ་སྦྱོང་།མ་ཟད་འཆར་འགོད་སྤེལ་བའི་བོད་ལྗོངས་ཀྱི་གནའ་དཔེ་སྲུང་སྐྱོང་གི་དྲིལ་བསྒྲགས་ཁྱབ་གདལ་ལ་ཇུས་འགོད་གྲ་སྒྲིག་བྱེད་པར་སོགས་ཕྱོགས་བཞི་ནས་ལས་རིམ་སྤེལ་བ་བརྒྱུད་བོད་སྐྱོར་བྱེད་ཤུགས་ཆེ་རུ་གཏོང་རྒྱུ་ཡིན་ལ།མིག་སྔར།རྒྱལ་ཁབ་གནའ་དཔེ་སྲུང་སྐྱོབ་ལྟེ་གནས་ཀྱིས་དུས་ཐོག་ཏུ་བོད་རང་སྐྱོང་ལྗོངས་ཀྱི་གནའ་དཔེ་གྲངས་ཀ་ཅན་གྱི་ལས་དོན་ཁྲོད་གནས་པའི་གནད་དོན་ལན་འདེབས་དང་མཛུབ་སྟོན་བྱས་ཡོད་པ།2015ལོ་ནས་བཟུང་མུ་མཐུད་ད་ཡོད་ཐོན་ཁུངས་སྡེབ་སྒྲིག་བྱས་ཏེ།འཆར་གཞི་ཡོད་པའི་སྒོ་ནས་བོད་རང་སྐྱོང་ལྗོངས་ཀྱི《རྒྱལ་ཁབ་ཀྱི་གནའ་དཔེ་རྩ་ཆེན་གྱི་མིང་གཞུང》དུ་ཚུད་པའི་གནའ་དཔེའི་བསྐྱར་དཔར་འདྲ་བཟོ་དང་།གྲངས་ཀ་ཅན་སོགས་ཀྱི་ལས་དོན་སྤེལ་ནས།གནའ་དཔེ་རྩ་ཆེན་ལ་བསྐྱར་སོན་རང་བཞིན་གྱི་སྲུང་སྐྱོབ་ཡོང་བ་བྱ་དགོས།བོད་ལྗོངས་ཀྱིས་གནའ་དཔེ་སྐོར་དང་པོའི་གྲངས་ཀ་ཅན་གྱི་ལས་དོན་ལེགས་གྲུབ་བྱུང་ཡོད་ལ།དེ་བྱིངས་གནའ་དཔེ་རྩ་ཆེན20ཚང་མ་རིག་དངོས་སྡེ་ཚན་དུ་ཉར་ཚགས་བྱས་ཡོད།  །