ཟླ་ལྔ་བའི་ཚེས་བཞི་ཉིན།རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་པེ་ཅིན་ཀྲུང་ནན་ཧེ་ཙི་ཀོང་ཀི་ནས་མཱ་ལེ་ཞི་ཡའི་ལུའུ་ཐུང་སྤྱི་པའི་འགྲིམ་འགྲུལ་ཨུ་ཡོན་ལྷན་ཁང་གི་ཀྲུའུ་ཞི་སེ་ཧ་སྨིས་ཏི་ལ་མཇལ་འཕྲད་གནང་།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཚེས་བཞི་ཉིན་གྱི་ཕྱི་དྲོར་པེ་ཅིན་ཀྲུང་ནན་ཧེ་ཙི་ཀོང་ཀི་ནས་མཱ་ལེ་ཞི་ཡའི་ལུའུ་ཐུང་སྤྱི་པའི་འགྲིམ་འགྲུལ་ཨུ་ཡོན་ལྷན་ཁང་གི་ཀྲུའུ་ཞི་སེ་ཧ་སྨིས་ཏི་ལ་མཇལ་འཕྲད་གནང་།
ལི་ཁེ་ཆང་གིས་གསུངས་རྒྱུར།དེང་སྐབས་ཀྲུང་གོ་དང་མཱ་མེ་ཞི་ཡ་གཉིས་ཀྱི་འབྲེལ་བར་འཕེལ་རྒྱས་བཟང་བོ་བྱུང་བ་དང་།དངོས་གཉེར་མཉམ་ལས་ལ་གྲུབ་འབྲས་གཡུར་ཟ་བ་ཐོབ།ད་ལོར་མཱ་ལེ་ཞི་ཡ་ཡིས་ཨེ་ཤ་ཡ་ཤར་ལྷོ་མནའ་འབྲེལ་གྱི་རེས་སྐོར་ཀྲུའུ་ཞི་རྒྱལ་ཁབ་ཀྱི་འགན་འཁུར་ཡོད་པས།ཀྲུང་གོ་ཕྱོགས་ཀྱིས་མཱ་ལེ་ཞི་ཡའི་བར་གྱི་འབྲེལ་འདྲིས་དང་མཐུན་སྦྱོར་ལ་སྔར་ལས་ཤུགས་བསྣན་ཏེ།ས་ཁུལ་གྱི་ཞི་བདེ་དང་བརྟན་འཇགས་ལ་མཉམ་དུ་སྲུང་སྐྱོབ་བྱས་ནས།རྒྱལ་ཁབ་གཉིས་ཀྱི་འབྲེལ་བ་དང་མཉམ་ལས་ཆུ་ཚད་གསར་བ་ཞིག་ཏུ་སླེབས་པར་མཐོར་འདེགས་གཏོང་འདོད་ཡོད་ཟེར། སེ་ཧ་སྨིས་ཏི་ཡིས་བཤད་རྒྱུར།མཱ་ལེ་ཞི་ཡ་དང་ཀྲུང་གོ་གཉིས་བར་གྱི་མཛའ་བཤེས་ལ་ལོ་རྒྱུས་ཡུན་རིང་ལྡན་ཞིང་།ཆབ་སྲིད་དང་དཔལ་འབྱོར་བར་འབྲེལ་བ་དམ་པོ་ཡོད།མཱ་ལེ་ཞི་ཡ་ཕྱོགས་ཀྱིས་ཀྲུང་གོའི་བར་གྱི་གཉིས་ཕན་མཉམ་ལས་ལ་སྔར་ལས་ཤུགས་བསྣན་ཏེ།ཕྱོགས་གཉིས་ཀྱི་འབྲེལ་བ་རྒྱུན་ཆད་མེད་པར་འཕེལ་རྒྱས་སུ་གཏོང་འདོད་ཡོད་ཟེར།